Jeremiya 5:9 - La Bible en Otetela (Bible K'Ekila) 1991

⁹ Undi, dimi haluwalumbuya lu akambu ane? Dimi halosombweya utema ami wuhu one wa wudja? Mbambula Latuyalaka.

Jeremiya 5:9 Iomraidhean Croise

Tukedi 6:29

Osoku mbatuyalaka untu luna wadi a unyandi. Untu tshe lawunanda, huhanda unungu.

Isaya 1:24

Okone Khumadiondjo, Latuyalaka kanga lulimbilimbi, Kanga-Wulu lʼIsariyele, kambuta ati: Kawo, dimi layumo uma lu usanu a wane watumpetshaka, Ku layosomboya atunyi ami.

Isaya 57:6

Lʼatei ave wa lokolonga wa lukidi keli esonwelo kanyu, Ee, vo weli etenyi kanyu ka sangu. Nyu nyatuwalambulaka elambu, Nyatuwatelaka elambu wa lutela. Undi, dimi mbeyaka nembohala lu dikambu diako?

Jeremiya 23:2

Diako mbatami, dimi Latuyalaka, Unyashungu wa Isariyele, lu dikambu dia alami watuleshaka wudja ami nti: Nyu nyakahandjula ekoko ami, nyakawetshanya etali, nyu kumbelama ololo. Kakiane dimi lutsha nyela elanyelu ne dia etsha anyu wa kolo.

Jeremiya 32:31

Usumba one watotomboshaka kele kami la ududu ami umaka lushi lakawahikama edja ndu elo, dia dimi mbunya uma la ntundu kami,

Jeremiya 44:22

Latuyalaka kumbeya ndjakimela ntu, ne dia kolo ka etsha anyu la akambu wa wononyi wakanyatshaka. Diako mbambuyala kete yanyu tongo tu, aha la untu, engo ka nkashimo ndu engo ka mananu, uku weyo elo.

Jeremiya 5:10

Nyumbeli lu peli dia kumbu ya Isariyele la Juda. Nyudinyukuli, keli tanyulanyaki tshe tshe. Nyuhimbuli tahi yʼekodi yawo ya vinyo, Ne dia yo kema ya Latuyalaka,

Jeremiya 5:29

Undi, dimi halasuya ne dia akambu aso? Dimi hasombweya utema ami le wudja wa wuhu oso? Mbata Latuyalaka.

Jeremiya 6:11

Diako mbamumulula too la ududu wa Latuyalaka, Handjeya mbukike ntu. Utshululi ladiku diʼana weli lʼosese, Ladiku diʼelongo wʼapami wusanganyi kame, Ne dia umi la wadi wayosama kame, Ndu ekumanyi la usumbi wa lukusumbi kame.

Jeremiya 6:6

Ne dia Latuyalaka Kanga lulimbilimbi kata ati: Nyunyukuli etamba awo; nyutshimeli Jerusalema ngeli. Dieli la usumba one nsuyama. Wengiya utu mbeli lʼatei awo.

Jeremiya 9:8

Nimi yawo yeli akuwa wa lolengo. Vo watoteketaka akambu wa lukesu. Vo watoteketaka aui wʼololo lʼasukanyi awo, Keli lu etema awo, vo watambaka tulunga.

Jeremiya 9:9

Undi, dimi haluwalumbuya lu akambu aso? Dimi halosombweya utema ami wuhu one wa wudja? Mbata Latuyalaka.

Delu dia Jeremiya 3:42

Shu takakuhedia, takakotombokwela, We atatudimanyia.

Delu dia Jeremiya 4:22

We ona umuntu Siona, asui wambukuka lu dikambu dia uhedia. Ndi hayukotola ntu lu lohombo. Keli, we ona umuntu Edome, ndi ayukusuya ne dia ehedia aye; Ndi ayushula kolo yaye.

Ezekiyele 7:9

Ashu ami hawunyuhandja; dimi halunyuka ketshi. Dimi layunyutshela uku etsha anyu, la akambu anyu a wononyi weli lʼatei anyu. Ku nyu nyayeya nyati: Dimi Latuyalaka kanyusuya.

Hosea 2:13

Dimi layûsuya, ne dia nshi yandi ya waki, Yakandatshumbela WaBala malashi. Yakandayalengaka tungunga tʼatui la adidi andi, Yakandayelaka eseka andi. Ndu yakandambuhelaka, mbata Latuyalaka.

Hosea 8:13

Vo watudiakaka nyama yatuwunambulaka, Watolekaka emunyi ayo, Keli dimi, Latuyalaka, hatuyetawoka. Kakiane dimi Latuyalaka, lamtuho dia kolo kawo. Dimi layasuya ne dia kolo yawo. Vo wayukalula lʼEdjibitu,

Akambu wʼAsi Lewi 18:25

Kete yakalana la wo. Diako mbakamayisuya, ku yo yambutuwo antu ayo.

Akambu wʼAsi Lewi 26:25

Dimi layuya le nyu la yombo, layosombweya sheki yami. Naka nyayomotshama kame lʼesumba anyu, ku dimi layunyutumela asui. Nyu nyayukimwama lu anya wʼutunyi.

Nahuma 1:2

Latuyalaka eli Unyashungu a kandjema, ndu latosomboyaka. Latuyalaka atosomboyaka ndu ell too la ududu. Latuyalaka atosomboyaka wane watuhetshaka, Atulalelaka atunyi andi ududu.

Euhwelu kʼElembe 32:35

Somboya eli dikambu diami, ndu difutu, Lamʼayoselo ekulu awo! Ne dia lushi lʼelanyelu kawo aya suki, La elumbwelu kawo kambuya esadi.

Euhwelu kʼElembe 32:43

Nyu wedja, nyanduli wudja wa Latuyalaka, Ne dia ndi ayosomboya dia dikila diʼekambi andi, Ayosomboya atunyi andi, Ku ndi ayutungela kete yandi la wudja andi ekesanelu.