Jeremiya 5:6 - La Bible en Otetela (Bible K'Ekila) 1991

⁶ Diako mbayadiaka tambwe ka lʼukunda, Mbayalanya laundu la lʼusui wa shenga, Mbayahulanela koi lu esumba awo. Wane tshe wayutumba uma loko, wayundama, Ne dia diakelu diawo diʼelembe diaya efula, La ehedia awo wambufulanela.

Jeremiya 5:6 Iomraidhean Croise

2 Ekondo 36:14

Ewandji tshe wʼelombedi la wudja wakafudia ndu vo ehedia awo lu akambu tshe wa wononyi wa wedja. Vo wakete luudu la Latuyalaka, luudu lakandakidia la Jerusalema, mindu.

Ezera 10:10

Olombedi Ezera akunela, akawatela ati: Nyu nya-katshi kolo, nyakatshuki amantu wʼasi wedja, nyakadji Isariyele lʼunungu a wuki.

Ezera 9:6

Ku dimi lakolombe nti: Unyashungu ami li, dimi lambolombo, lambuvo sonyi dia mbedia elundji utsha le ye, we Unyashungu ami! ne dia kolo yasu yambufulanela ladiku diʼete asu, la munga yasu yambukuma pulu ndu lʼulungu.

Jobo 10:16

Naka dimi layedia ote, we atundjelaka uku tambwe. We atusuyaka ndu lʼakambu wa mamba.

Esambu 104:20

We atelaka udjima, ku vo watuyalaka utshu: Okone nyama ya lʼukunda yatengolaka;

Esambu 80:13

Sumbu kʼukunda atululanyaka, Ndu nyama ya lʼusui yatulolekaka.

Isaya 1:23

Ewandji aye wambuyala akanga wʼehedia, Ndu ambekesanedi wa evi. Vo tshe watulangaka mbu yʼutshu, Watuyangaka diango dia sanbu. Vo hawutusambulaka dikambu dia onʼetshiki ololo, Ndu dia wadi aki udu luyi le wo.

Isaya 59:12

Ne dia ehedia asu waya efula la ntundu kaye, La kolo yasu yeko emenyi asu. Mete, ehedia asu weko kame la su, Shu mbeyaka kolo yasu.

Jeremiya 14:7

Kuyanga kolo yasu yambutamia, we Latuyalaka, Ukambeli lukumbu laye ulimu, Ne dia ehedia asu weko efula. Shu takakutshela kolo.

Jeremiya 2:15

Esongo wa tambwe wudikitela, Wuwasuswe, ndu wambulanya kete yandi. Esumba andi wambutshumbama, nduku untu loko.

Jeremiya 2:17

Aha ne dia nyu nyakaseke Latuyalaka, Unyashungu anyu, Lamʼakandayanyolombolaka lu mbuka, Mbambuyala dikambu ne le nyu?

Jeremiya 2:19

Kolo kanyu kayunyuhangwela, la uhedia anyu wayunyusuya. Nyeyi, ndu nyulimbiteli nyati: Dikambu ne diakanyatshi dia nseka Latuyalaka, Unyashungu anyu, La diaha mbuka woma dieko kolo ndu ululu Mbata Khumadiondjo, Latuyalaka Kanga lulimbilimbi.

Jeremiya 2:31

Nyu wa lolonga lone, nyuki diui dia Latuyalaka ati: Undi, usui wa shenga mbakimi le Isariyele, Kana wudja wa udjima wa tshududu? Mbata wudja ami vati: Shu tambutshungo, shu hatuyukalula le ye?

Jeremiya 25:38

Ndi akatshiki edjaselu kandi uku atutshikaka tambwe dihuli diakatetami, Ne dia kete yawo yambuyala shenga tshu Uma lu yombo ya Latuyalaka, la uma lʼududu wa kele kandi.

Jeremiya 30:14

Wane wakakukaka ngandji, wambukuhela, nduku lakukanela, Ne dia dimi lakakuhumuya puta uku utunyi. Dimi lakakusuya la ngala, ne dia efula kʼehedia aye, Ndu ne dia wuki wa kolo yaye.

Jeremiya 30:15

Ukundi alelaye ne dia puta kaye? Sui diaye hadieyi nshila, ne dia efula kʼehedia aye, Ne dia wuki wa kolo yaye, mbamumukutshela akambu ane.

Jeremiya 30:24

Kele ka wulu ka Latuyalaka hukitakita, Edja ndu ndi ambutsha, Ambushidiya sangweyu diʼutema andi. Nyu nyayulimbitela dikambu ne lu nshi yayayi.

Jeremiya 4:7

Tambwe kambukhunguso uma lu hyuka yato. Unanyishi a wedja aya lu ndjakendakenda, Ambuya uma lu edjaselu kato, dia nanya kete yanyu. Esumba anyu wayulanyema, wayuyala atongo atu.

Jeremiya 49:19

Nyuki, atunyi awo wayutumba uma lʼukunda wa la Jorodana uku Umbwe katatshu utsha lʼukutu a wulu wʼekoko. Ku dimi layuwatshanya shastumuya uma lʼEdome. Dimi layukitsha one layumosonola ladiku diandi. Akona edimi la mi? Akona ayonsonwela etena? Ulami wʼekoko akona ayemala la ntundu kami?

Jeremiya 8:5

Ku dikambu kuna diatokolamelaka wudja one nkalula ekongokongo? Vo watushikikalaka lu lukesu, hawetawo nkalula.

Jeremiya 8:7

Yemema ya lʼulungu mbeyaka tena diayo; Yembi, djedi, la omboko mbeyaka tena diawo dia ndja. Keli wudja ami haweyi elembe ami, dimi Latuyalaka.

Delu dia Jeremiya 1:5

Wane watuyengiyaka, wambuyahamela, Atunyi ayo wambuhumo lukulu lʼolo, Ne dia Latuyalaka akayisuya Dikambu dia efula kʼehedia ayo. Utunyi ayo ambediya anʼuyo utsha lu fumbi.

Ezekiyele 16:25

We akayatshela dihuli dia ladiku la kuma ka mbuka tshe. We akete dimena diaye engo ka wononyi. We akafula ekulu aye, akakalemeka umbetshetshi tshe, akafudia luseka laye.

Ezekiyele 22:27

Ewandji awo weli uku ndjaundu mbahatula nyama yundjiyo. Vo watutshululaka dikila, watulanyaka nyumu yʼantu dia nkundja ukundji la lukesu.

Ezekiyele 23:19

Keli ndi akafudia luseka landi, akuhoka nshi yakindi usekaseka, yakandunanaka luseka lu kete ya Edjibitu.

Danyele 7:4

Kene ka ntundu kakafanyi la tambwe. To kaki la ahafu wa pungu. Ku lamʼakamakiendaka, wakahatula ahafu ato, wakakiunyiya uma la kete, wakakiemadia lu ekulu ebendi uku untu, wakakisha utema wʼuntu.

Danyele 7:6

Lʼokongo diku, lamʼakamendaka, menyi ku nyama kekina kufanyi la koi kene. To kaki la ahafu anei uku fudu lʼokongo ato. Nyama kako kaki la ete enei; wakakisha luwandji.

Hosea 5:14

Dimi layuyala uku tambwe le Efarayima, Ndu uku osongo a tambwe le khumbu ka Juda. Dimi dime layuwatshatsha, ku layumo. Dimi layemba engo kakamandji ku nduku layompotolato.

Habakuka 1:8

Ndu falasa yawo ndeka koi luwangu, Ndu ndeka ndjaundu ya dikolo ngala. Ambahemi awo wa falasa watokendakendaka lʼutaku. Ambahemi wa falasa ako watuyakaka uma lʼetali. Vo watufumboka uku pungu katasamanya dia ntole.

Zefaniya 3:3

Ewandji weli lʼatei awo weko tambwe yadikita. Embadi awo weli ndjaundu ya dikoio, Yahatutshikaka nduku engo edja ndu la pindju.

Walelu 32:14

Nyendi, nyu nyamboto lu lukulu laki washenyu, nyu ului wʼantu wa kolo, dia nfudia kele ka Latuyalaka le Isariyele!

Enyelo 13:2

Nyama kakamenyi, kaki uku koi; ekulu ato waki uku wa tnbulu, unyo ato waki uku wa tambwe. Ului ako a wuki akawusha wulu awo, la kiti kawo ka diulelu, la diulelu efula.