Jeremiya 5:3 - La Bible en Otetela (Bible K'Ekila) 1991

³ Latuyalaka li, ashu aye hawutenaka mete? We akasuya, keli vo kunyanga. We akalanya, keli vo wakatuni wetshelu. Vo wakakikitsha dundji diawo wulu uleki dive Wakatuni nkadimula etema.

Jeremiya 5:3 Iomraidhean Croise

Etatelu 19:34

Ku wedi a pindju ona lʼenundu akatela kushendi ati: We henyi, dimi lakeyanyi la papa utshu wʼelo. Eso tonesha wanu ndu lʼutshu one, keli kutshu ndu we, kuteyani la ndi, diuhu dia shesu diatukushisho.

1 Khumi ya Dikanga 13:33

Lʼokongo a dikambu ne, Jeroboama kumumo uma lu mbuka kandi ka kolo. Ndi akadji elombedi wa lu alunga wakandasonola uma lʼatei a wudja ntu. Untu tshe lakalangi, ku ndi mbukidia olombedi wa lu alunga.

2 Khumi ya Dikanga 1:13

Ku khumʼekanga akayutuma olombodi wa satu wʼalimbi la antu andi akumi atanu. Ku olombodi ako akatshu, akatuhika adui la ntundu ka Elidja, akosengasenga ati: We umvutshi a Unyashungu, dimi lambukosengasenga nti: Lumu lami la nyumu ya ekambi aye ene akumi atanu yayali ushinga a wulu lu ashu aye.

2 Ekondo 16:9

Latuyalaka atukaka ashu andi lu kete tshe, dia nsukela waku weli la etema tshe le ndi. We akatshi uku enginya lu dikambu ne, ku umaka kakiane we ayuyalaka la ata.

2 Ekondo 28:22

Lamʼakahenyahenya khumʼekanga Ahaza, ndi akaleki ntsha kolo le Latuyalaka.

Esambu 51:6

We atulangaka mete kʼumakʼesi utema, Ayumbetshaka akambu wa yimba lʼatei utema.

Esambu 51:8

Undudia lʼongenongeno la ki, Etawo weka wakayokola wangenengene.

Esambu 55:20

One latunyiyaka anya andi dia ndo la wane waha la ndi dikambu, Ambulanya daka diandi.

Tukedi 21:29

Untu a kolo atuhindjaka elundji kandi. Keli untu lʼusimbwi atuluwanyaka mbuka yandi.

Tukedi 22:12

Ashu wa Latuyalaka watulamaka kanga ewu. Keli ndi atufutanyaka aui wa kanga kolo.

Tukedi 23:35

We ayuta wati: Vo wakankomola, keli dimi kumpumo. Vo wakankomola wulu, ku dimi kumbuka nduku engo. Kaandi ayumemo! Dimi layuyanga wanu ako ntu.

Tukedi 27:22

Kuyanga we ayoto kanga enginya lʼetuli, Kame la asami, Enginya kandi humo uma le ndi.

Isaya 26:11

Latuyalaka, lunya laye leli wulu, Keli vo hawulenyi; wayenda saki kaye le wudja, wayutshama sonyi. Mete, dja yayutshumba atunyi aye.

Isaya 42:25

Ndi akatshulwela u ludu wa kele kandi la ngala kandi ka ta. Ndi akadingi la dja, keli vo kunimbitela. Ndi akatshumbi, keli vo kunkitsha dikambu ne lʼutema.

Isaya 48:4

Dimi mbeyaka nti: We eko kanga utema a wulu. Kingu kaye keko uku luwulu, La fumu kaye keko uku ohotela.

Isaya 9:13

Keli wudja hawukadimo le one latasuyaka, Kuyanga nyanga Latuyalaka Kanga lulimbilimbi.

Jeremiya 15:7

Dimi lakafufula ia ledi la asuku wa la kete; Dimi lakavusha anʼawo, lakalanya wudja ami, Keli vo kunkadimo uma lu ditshelu diawo.

Jeremiya 17:23

Keli vo kununga, kumpuke atui, wakayala la ete wulu diaha mbetshama.

Jeremiya 19:15

Latuyalaka, Unyashungu wa Tsariyele, Kanga lulimbilimbi, kata ati: Nyuki, dimi lutsha mbela elanyelu lu usumba one la ngelu tshe ya lʼokongo awo, kakamataka lu dikambu diawo, ne dia vo wakayala la ete wulu, diaha vo nunga aui ami.

Jeremiya 2:30

Dimi lakayaenya pa anyanya dia nsuya anʼanyu. Vo kumbidja tukanyi nduku yema lu wetshelu. Nyu nyakadiaki amvutshi anyu la tombo. Uku atuwudiakaka tambwe kadiakana.

Jeremiya 3:3

Diako mbakemala mvula, mbakito kondo lu nshi ya diye. Keli fumu yanyu yeko uku yʼamantu akanga a munanyi. Nyu hanyulangi mbuka sonyi.

Jeremiya 32:19

We eko mamba lu ulakanyelu, ndu lu wulu lu ekambelu, ashu aye watendaka mbuka tshe yʼantu. We atufutaka untu lʼuntu uku mbuka yandi, uku elua wa etsha andi.

Jeremiya 35:13

Utshu, utumbuli asi Juda la asi Jerusalema wati: Nyu hanyulungula wetshelu wa nkitanyia aui ami? mbambula Latuyalaka Kanga lulimbilimbi, Unyashungu wa Isariyele.

Jeremiya 44:10

Nyu nyatayakitshakitsha edja ndu elo, nyatuki woma, nyatakendakenda lu elembe ami ndu lu adjangu ami wakamakitsha la ntundu kanyu ndu ka washenyu.

Jeremiya 7:26

Keli vo kunungakumpuke atui, wakayala la ete wulu. Vo wakaleki washewo ntsha kolo.

Jeremiya 7:28

Kuwateli wati: Onʼeli wudja wahalungi aui wa Latuyalaka, Unyashungu awo, wahalangi mbuka wetshelu; mete kambushisho, to kambumo uma lʼenyo awo.

Jeremiya 8:5

Ku dikambu kuna diatokolamelaka wudja one nkalula ekongokongo? Vo watushikikalaka lu lukesu, hawetawo nkalula.

Ezekiyele 2:4

Antu ako weli atenganyi, ndu akanga wʼetema a wulu. Dimi luyanga nkutuma le wo; kutuwateli wati: Okone mbata Khumadiondjo Latuyalaka.

Ezekiyele 24:13

Matadi ako mbeli mindu ka kolo kaye. Dimi lakalangi nkiedia, keli we kombediama uma lu mindu ka kolo yaye. We hediama ntu uma lu mindu kaye edja ndu lamʼayumunduya ududu ami le ye.

Danyele 9:13

Uku akafundama akambu ane lu elembe wa Mose, mbambuya elanyelu kene tshe le su, keli shu kunkosengasenga we Latuyalaka, Unyashungu asu. Shu kunkadimo uma lu ehedia asu kuyanga mbidja tukanyi tasu lu akambu aye wa mete.

Akambu wʼAsi Lewi 26:23

Naka asui ane hawunyukadimula uya le mi, keli nyu nyayutetemala nse-manela la mi,

Amose 4:10

Dimi lakatumi asui lʼatei anyu Wuhu waki lʼEdjibitu. Dimi lakadiaki elongo anyu wʼapami la yombo, Lakandamia punda yanyu. Dimi lakanyukia sulu ka lu pangu kanyu lu ehembe anyu, Keli nyu kunkadimo le mi, Mbata Latuyalaka.

Amose 4:11

Dimi, Unyashungu, lakalanya esumba anyu, Uku akamalanya Sodoma la Ngomora. Nyu nyakayala uku efuki ka dja Kakawatundja uma lu etshumbelu, Keli nyu kunkalula le mi, Mbata Latuyalaka.

Amose 4:6

Dimi lakanyutumela ndjala ka kasha Lu esumba anyu tshe, Ndu uhumba wa ma lu ahuli anyu tshe. Keli nyu kunkalula le mi, mbata Latuyalaka.

Amose 4:8

Wa lu esumba ehendi kana esatu, Wakatshu utsha lu esumba ekina Dia ntuyanga ashi wa no. Keli vo kumunduya pusa. Kuyanga osoku, nyu kunkadimo le mi, mbata Latuyalaka.

Amose 4:9

Dimi lakanyutumela elanyelu ka mbu ya nde. Endjo wakali efula ka diango dia lu dikambo dianyu, Ekodi anyu wa vinyo, etamba anyu wa fingu, La etamba anyu wa mbeli. Keli nyu kunkalula le mi, mbata Latuyalaka.

Zefaniya 3:7

Dimi lakati nti: Dikambu otoi, Ndi ayumbuka woma, ayetawo luhangu. Ndi hunya ashu lu akambu tshe wakamawetsha. Keli vo waki la pusa efula dia mbete etsha awo tshe kolo.

Romo 2:2

Shu mbeyaka shati: Elumbwelu ka Unyashungu katedimaka lʼakambu wa mete le waku watutshaka akambu wa wuhu oso.

Heberu 12:9

Dikambu dikina ntu, shu taki la washesu ne dia ntekiya, shu atakalemiaka. Osoku haleki ololo efula dia shu odjala lʼokongo a Shi etema asu, dia shu ndjala la lumu uka?