Jeremiya 5:13 - La Bible en Otetela (Bible K'Ekila) 1991

¹³ Amvutshi weko paka lopepe. Nduku latuwatelaka aui. Osoku mbayuwatshela.

Jeremiya 5:13 Iomraidhean Croise

2 Ekondo 36:16

Keli vo wakolaka atumami wa Unyashungu, wakonyolaka aui andi ndu wakasokaka amvutshi andi, edja ndu kele ka Latuyalaka kakahami le wudja wuhu waki kumbeya nkitakita.

Jobo 6:26

Nyu nangaka mamiami lu aui watami; Nyu hanyeyi nyati: Aui wata usuyami weli wutata?

Jobo 8:2

Edja ndu kaandi ayuyukimo nteketa wuhu oso? Edia ndu kaandi ayukimo aui wʼuma lʼunyo aye ndjala uku lopepe la wulu?

Tukedi 25:14

Uku eli wangi la lopepe laha la mvula, Osoku mbeli untu latuyasemaka la lukahu lahandatukahaka.

Isaya 41:29

Enda, vo tshe weli anyanya. Elimu awo nduku engo. Dikishi diawo dieli efufelu kʼanyanya.

Jeremiya 14:13

Dimi lakati nti: Yee! Khumadiondjo Latuyalaka! Mete, amvutshi wakawatela vati: Nyu hanyudiakema la yombo, kuyanga mvo la ndjala ka kasha. Keli Latuyalaka ayunyusha ki ka mete lu dihuli ne.

Jeremiya 14:15

Okone lu dikambu diʼamvutshi ako watutaka akambu wahatayi lu lukumbu lami, wakimi kuntuma, ndu watutaka vati: Yombo la ndjala ka kasha hawuyala lu kete nye, mbatami dimi Latuyalaka nti: Amvutshi ako wayudiakema la yombo la ndjala ka kasha.

Jeremiya 18:18

Vo wakatanela vati: Nyeso, tudjeli Jeremiya sheki, ne dia elembe hawushisho le elombedi, alaka le akanga a yimba, kuyanga aui le amvutshi. Nyuyeti, tutudiaki lʼaui, tatulungaki aui andi nduku yema.

Jeremiya 22:22

Lopepe layumana alami aye wʼekoko tshe, La anangimi aye wayotolama lu fumbi. Ku we ayututshama sonyi, ayutundama la sasi Ne dia kolo yaye tshe.

Jeremiya 28:3

Dimi layukaluya diango diʼulimu tshe dia luudu la Latuyalaka diakose Nebukadineza, khumʼekanga ka Babilona, uma lu lihuli ne, diakandatole utsha la Babilona la ntundu ka deku pendi diatakuki.

Jeremiya 43:2

ku Azariya, onʼa Hoshaya, Johanana, onʼa Karea, la apami tshe akanga wʼutaku wakatela Jeremiya vati: Kashi kataye. Latuyalaka, Unyashungu asu, kunkutuma dia ndjututela ati: Tanyutshokaki lʼEdjibitu dia ntudjase.

Hosea 9:7

Nshi yʼasui yambukuka, nshi yʼesombweyo yambuya. Isariyele utsha mbeya dikambu so. Umvutshi eko enginya, La one leya akambu wushami eko kanga dadi, Ne dia wuki wa kolo yanyu, la wa luhetshu lanyu.