Jeremiya 49:3 - La Bible en Otetela (Bible K'Ekila) 1991

³ Yee, Heshibona, ndi tukuku, Ne dia Ai ambulanyema! Nyu ana amantu wa Raba, nyudi tukuku, Nyolote akutu, nyuleli, Nyuyandjiyandja lʼumamu wa peli dia lukumbu! Ne dia Milikome utsha ntolama lu fumbi, To ndu elombedi ato la ewandji ato.

Jeremiya 49:3 Iomraidhean Croise

2 Samuele 11:1

Lʼetatelu kʼeleku, lʼetena kakatshokaka khumi ya dikanga lu ta, Davidi akatumi Joaba, ndi la ekambi andi la Isariyele tshe. Vo wakatolembia asi Amona, wakadingi Raba. Keli Davidi akatshikala la Jerusalema.

1 Khumi ya Dikanga 11:33

Ne dia vo wakanseke, wakatemola Ashitoreta, etemolatemola ka umuntu kʼasi Sidona; Kemoshe, etemolatemola kʼasi Amona, ndu ne dia vo konkendakenda lu mbuka yami, dia ntsha akambu wʼusimbwi lu ashu ami, ndu dia nama elembe ami la adjangu ami, uku akatshaka Davidi, shi Solomona.

1 Khumi ya Dikanga 11:5

Solomona akayeli Ashetarota, etemolatemola kʼasi Sidona, ndu Milikome, engo ka wononyi kʼasi Amona.

2 Khumi ya Dikanga 23:13

Ndi akafutanya alunga waki lu welelo wa Jerusalema, waki lu leke la diku dia kushi lʼukungu wʼehondelo, wakatatshedi Solomona, khumʼekanga ka Isariyele, ekishi ka Ashera, engo ka wononyi kʼasi Sidona, Kemoshe, engo ka wononyi kʼasi Moaba, ndu Milikome, engo ka wononyi kʼasi Amona.

Ezera 2:28

asi Betele la Ai, kama hyendi akumi ahendi la asatu;

Isaya 13:6

Nyudi tukuku ne dia lushi la Latuyalaka laya suki. Lo layuya uku elanyelu uma le Kanga-Wulu-Tshe!

Isaya 14:31

Suku li, uleli! we usumba, udi kuku! Nyu asi Filistiya tshe nyuteko la woma! Ne dia dinga diambutumba la ngel a kushi. Enongo wʼalimoi wʼutunyi weko khukhu.

Isaya 15:2

Ona umuntu a Dibona ambumbela Utsha lu ahuli wa ladiku dia ntulela. Asi Moaba wambulela wulu ne dia Nebo la Medeba. Ete tshe tohola tutu, ndedu tshe yambunyema.

Isaya 16:7

Okone asi Moaba waleli, Vo tshe wayulela Moaba. Nyuleli, nyuyakomole wulu, Ne dia elanyelu kʼekati wa tomwemwe tambuma ta la Kire-Haresete.

Isaya 23:1

Enelo lu dikambu dia Tura. Nyu mashua wa la Tarashishi, Nyudi tukuku ne dia Tura ambulanyema. Nduku luudu, nduku eotwelo kekiko. Vo wambuyeya dikambu so lu kete ya Kupiro.

Isaya 23:6

Nyu wane watudjaseka lʼumamu wʼashi a waki, Nyuleli wulu, nyeti utsha la Tarashishi.

Jeremiya 4:8

Nyolote akutu, nyuleli, nyusekhumi lʼalelu lu dikambu ne, Ne dia kele ka wulu ka Latuyalaka hakadimo uma le su.

Jeremiya 46:25

Latuyalaka Kanga lulimbilimbi, Unyashungu wa Isariyele, kata ati: Nyendi, dimi lutsha nsuya Amona wa lu Tebese, Farayo, Edjibitu, kame la ditemolatemola diawo la khumi ya dikanga yawo, Farayo la waku tshe watuwekamaka.

Jeremiya 48:2

Nemo dia Moaba diambushila. Wambuwudjela sheki la Heshibona vati: Nyeso, tutashili ushiki, diaha vo ndjala wudja ntu. Ndu we Madimena, we ayulanyema, Yombo yayuyelana la ye.

Jeremiya 48:20

Moaba ambutshama sonyi, ne dia vo wambulanyema. Nyusekhumi lʼalelu, nyudi tukuku. Nyusanya lukumu lʼumamu wa Aronona nyati:

Jeremiya 48:37

Ete wʼantu tshe waya toholo tutu, ndedu yawo tshe yambunyema. Vo wakayakote puta lu anya awo, wakalote akutu lu kindi yawo.

Jeremiya 48:7

Ne dia nyu nyakekama elimu anyu la waumbelu anyu, Ndu nyu nyayotolama. Kemoshe ayotolama utsha lu fumbi, Kame la elombedi ato la ewandji ato.

Jeremiya 49:1

Lu dikambu diʼasi Amona. Latuyalaka kata okone ati: Undi, Isariyele kema la ana apami? Ndi kema la ukito uka? Ya ukundi ambuyala Milikome kanga Ngada, La antu andi wambudjase lu esumba andi?

Jeremiya 51:8

Babilona amboko shashimuya, ambuhandjo vwa. Nyusekhumi lʼalelu lu dikambu diandi. Nyotolele lodia dikambu dia puta kandi, Undu ndi ayokono.

Jeremiya 6:26

We ona umuntu a wudja ami, olote akutu, ukidimo lʼutuku; Uleli utanda uku wʼona pami etoi, okedia asoi wʼokei, Ne dia unanyishi ayuya shashimuya le su.

Amose 1:15

Ku khumʼekanga kawo ayotolama utsha lu fumbi, Kame la ewandji andi, mbata Latuyalaka.

Zefaniya 1:5

Ee, layushila waku watotemolaka Ului wa diango dia lʼulungu lʼete wa mvudu, Waku watotemolaka, watutshibaka le Latuyalaka, Ndu watutshibaka Milikome,

Jakoba 5:1

Keli nyu, akanga wʼengonyi, nyuyi, nyuleli, nyawani, ne dia asui waya ka ndjate nyu!

Jashua 7:2

Jashua akatumi antu uma la Jeriko utsha la Ai keli lasuki la Bete-Avene, lu leke lʼehutwelu ka unya la Betele; akawatela ati: Nyutshu la ntukemba kete. Ku antu ako wakatshu la ntukemba Ai.

Jashua 8:1

Latuyalaka akatela Jashua ati: Tukaki woma, tateki sulu, eti andoshi wa ta tshe, nyutshu la ntolo la Ai. Enda, dimi lambukimo khumʼekanga ka Ai, antu andi, usumba andi ndu kete yandi, lu anya aye.

Jashua 8:28

Jashua akatshumbi Ai, akakite elanyelu ketu. Osoku mbeto edja ndu elo.