Jeremiya 48:44 - La Bible en Otetela (Bible K'Ekila) 1991

⁴⁴ One lalawo woma, ayutambela lu wawu; La one layutumba uma lu wawu, ayundama lʼotei; Ne dia dimi lutsha mbela eleku kʼasui le Moaba! mbata Latuyalaka.

Jeremiya 48:44 Iomraidhean Croise

1 Khumi ya Dikanga 19:17

Okone one layuhanda yombo ya Hazaele, Jehu ayudiaka. La one layuhanda yombo ya Jehu, Elisha ayudiaka.

1 Khumi ya Dikanga 20:30

Wane wakatshikala, wakalawo utsha lʼusumba wʼAfeka. Eheli ka lukumbu lʼusumba kakanyukwela antu nunu akumi ahendi la esambeli wakatshikala. Ndu Bene-Hadada akalawo utsha lʼusumba, akatushama lu luudu lomotshi la lʼatei.

Isaya 10:3

Kayunyutsha lu lushi lʼelumbwelu, Lamʼayuya elanyelu le nyu uma lʼetali? Le na ayunyulawo dia nkundja ekimanyelu, Ndu lendi ayunyutatshiki lutumbu lanyu?

Isaya 24:17

Woma wa mamba, wawu la djunga Wambukukungela, we ludjashi la kete!

Isaya 24:18

Okone one latulawoka lundju la woma, atutambelaka lu wawu; La one latutumbaka uma lu wawu, atutalaka lu djunga. Adidishi wa lʼulungu wambudihwama, La atshina wa kete wambusukasuka.

Jeremiya 10:15

Dio dieli anyanya, ulimu wa lukesu. Lamʼayuya elumbwelu, dio diayulanyema.

Jeremiya 11:23

Nduku otoi lʼatei awo layuhanda, ne dia dimi layela elanyelu le asi Anatota lu eleku kayumasuya.

Jeremiya 16:16

Enda, dimi layeta amundji wa nsi, ku vo wayuwanda. Ndu layeta minginga efula, ku vo wayuwatsha lu ekungu tshe, lu akuna tshe ndu lʼatei a weuku wʼave, mbata Latuyalaka.

Jeremiya 23:12

Diako mbayuyala mbuka kawo oselo lu udjima. Vo wayusukwama, wayoko loko, Ne dia dimi layuwaela elanyelu lu eleku kayumalumbuya, Mbata Latuyalaka.

Jeremiya 46:21

Asi ulimu awo wa difutu weli lʼatei awo, Weko uku ana wa ngombe wununyi lu ekutu awo. Vo wakakadimo, wakalawo vo tshe kame, aha nshikikala, Ne dia lushi lawo lʼelanyelu lambukuka le wo, Etena kʼasui awo.

Jeremiya 49:8

Nyu asi Dedana, nyukadimo, Nyulawo, nyutushami lu minga! Dimi lutsha mbela elanyelu le Esau, Etena kʼelanyelu kandi.

Jeremiya 50:24

Dimi lakakambi djunga, we Babilona, Ku we akandama shashimuya. We akatanema, akandama, Ne dia we akasemanela la Latuyalaka.

Jeremiya 50:27

Nyudiaki esongo awo wa ngombe, nyehimbuli ete. Mananu le wo, ne dia lushi lawo lambusukana, Etena kʼelumbwelu kawo.

Jeremiya 51:18

Dio dieko anyanya, ulimu wa lukesu Lamʼayuya elumbwelu, Dio diayulanyema.

Jeremiya 8:12

Vo wakuki sonyi lamʼakawatshi akambu wa wononyi? Kema, vo konombo, kumbuka sonyi nduku yema. Diako mbajuwoko lʼatei a waku watokokaka. Vo wayolemba lamʼayumasuya, mbata Latuyalaka.

Delu dia Jeremiya 3:47

Woma la nyoi wambutunda, Lundju la elanyelu.

Hosea 9:7

Nshi yʼasui yambukuka, nshi yʼesombweyo yambuya. Isariyele utsha mbeya dikambu so. Umvutshi eko enginya, La one leya akambu wushami eko kanga dadi, Ne dia wuki wa kolo yanyu, la wa luhetshu lanyu.

Amose 5:19

Nyu nyayuyala uku untu latalawo tambwe, Ku ndi ambutuhumana la koi; Kana untu lamboto lu luudu landi, Lambutahe lunya landi lʼeheli, Ku ului ambulumata.

Mika 7:4

One luleki ololo lʼatei awo, Eko uku tende dia dungu; One luleki nsimbo lʼatei awo, Eko uku lukumbu lʼatende. Lushi lʼalami awo, la sui diawo, lambukuma. Kakiane sonyi kawo kaya suki.