Jeremiya 48:13 - La Bible en Otetela (Bible K'Ekila) 1991

¹³ Ku Moaba ayutshama sonyi lu dikambu dia Kemoshe, uku akutshama khumbu ka Isariyele sonyi lu dikambu dia Betele, lakawekamaka.

Jeremiya 48:13 Iomraidhean Croise

1 Khumi ya Dikanga 11:33

Ne dia vo wakanseke, wakatemola Ashitoreta, etemolatemola ka umuntu kʼasi Sidona; Kemoshe, etemolatemola kʼasi Amona, ndu ne dia vo konkendakenda lu mbuka yami, dia ntsha akambu wʼusimbwi lu ashu ami, ndu dia nama elembe ami la adjangu ami, uku akatshaka Davidi, shi Solomona.

1 Khumi ya Dikanga 11:7

Ku Solomona akatshi Kemoshe, engo ka wononyi kʼasi Moaba, la Moleka, engo ka wononyi kʼasi Amona lʼukungu weli lu leke lʼehutwelu la Jerusalema.

1 Khumi ya Dikanga 18:40

Elidja akawatela ati: Nyundi amvutshi wa Bala, aha mpandja nduku otoi. Vo wakawandi. Elidja akahulo la wo utsha la kyoko ya Kishona, akatadiaka leko.

2 Ekondo 25:15

Uma lu dikambu so, Latuyalaka akuki Amaziya kele. Ndi akutumela umvutshi dia ndjuwumbula ati: Okoko wana wakayayangi ditemolatemola dia wudja one lamʼakidio kumbeya nshimbela wudja adio uma lʼanya aye?

Isaya 16:12

Lamʼatuyaenyaka Moaba, lamʼatunduyahenyahenyaka lu dihuli dia ladiku, lamʼatunduyakaka lʼetemwelo dia ndjolomba, ndi hatukundjaka nduku engo.

Isaya 2:20

Lu lushi lako, antu wayosa dikishi diawo dia fesa ndu dikishi diawo dia paunyi, Diakawasele dia vo ntemolaka; Wayutadikadjedi dji la tufukifuki.

Isaya 45:16

Asedi wa dikishi tshe wayukanana, Wayutewala, wayolombo la sonyi kame.

Isaya 45:20

Nyu wane wakahandi lʼatei wʼasi wedja, Nyomote, nyuyi, nyusukani kame. Waku watembaka dikishi diawo diʼetamba, La watolombaka etemolatemola kaheyi mbashimbela, kema la yimba.

Jeremiya 48:12

Nshi yayuyala, yayumutumela antu dia ntutshulula. Vo wayutshulula diango dieli lu puki yandi, wayula ehundi andi betshi betshi.

Jeremiya 48:39

Ndi wuhu ambuwule li! Ndi akhumu wakhumawo li! Ndi wuhu wambukadimula Moaba okongo la sonyi li! Osoku mbambuyala Moaba engo ka tola la engo ka mbate asulu le waku tshe wa lʼutshimba awo.

Jeremiya 48:46

Yee, Moaba, mananu le ye! Asi Kemoshe wambushila! Anʼaye wʼapami wambotolama lu fumbi, La anʼaye wʼamantu lu lohombo!

Jeremiya 48:7

Ne dia nyu nyakekama elimu anyu la waumbelu anyu, Ndu nyu nyayotolama. Kemoshe ayotolama utsha lu fumbi, Kame la elombedi ato la ewandji ato.

Embadi 11:24

Kene kambukusha etemolatemola kaye Kemoshe, ku we hakekiti uka? Okone shu takakiti kete tshe yʼantu wakatutshanyia Latuyalaka, Unyashungu asu.