Jeremiya 48:10 - La Bible en Otetela (Bible K'Ekila) 1991

¹⁰ Mananu kayali le one latutshaka ulimu wa Latuyalaka utshatsha. Mananu kayali le one latushimbaka yombo yandi ntundja dikila.

Jeremiya 48:10 Iomraidhean Croise

1 Khumi ya Dikanga 20:39

Lamʼaketi khumʼekanga, ndi akulelela ati: Dimi ukambi aye laki lʼatei a ta. Ulungi, dimbi dimotshi aketodi uya le mi, akayumbisha pami kemotshi ati: Olami, naka ndi ayushisho, lumu laye layuyala lu dihuli dia lumu landi. Naka aha osoku, ku we nfuta talata otoi ka fesa.

1 Khumi ya Dikanga 20:40

Lamʼakimi lu ntsha ulimu lane la lene, ndi akashishwi. Ku khumʼekanga ka Isariyele akûkaluya diui ati: Oso eli unungu aye, ne dia weme kakayatungediwo.

1 Khumi ya Dikanga 20:42

Ndi akatela khumʼekanga ati: Latuyalaka kata ati: Ne dia we akakimo untu lakamakimo lu anya aye dia we mbudiaka, okone lumu laye layutsho lu dihuli dia lumu landi, la wudja aye lu dihuli dia wudja andi.

2 Khumi ya Dikanga 13:19

Umvutshi a Unyashungu akawuki kele; akawutela ati: Utuyuyikomola tena samalu kana tanu, tshiki we utolembia Suriya edja ndu lamʼutuyashila ushiki, keli kakiane, we ayalembia paka tena satu tu.

Jeremiya 11:3

Uwateli wati: Latuyalaka, Unyashungu wa Isariyele, kata ati: Mananu kayali le untu lahalungi aui wa sheki nye!

Jeremiya 47:6

We yombo ya Latuyalaka, etena kakona kayuyumuya? Oto lu dihusu diaye, umuya, uyali ki!

Jeremiya 47:7

Ukundi weyayo ntshikala ki? Latuyalaka ambuyituma dia ntolosha Ashikelona Ndu leke la lʼumamu wʼashi a waki. Leko kambunduyediya.

Jeremiya 50:25

Latuyalaka akadihula luudu landi la diango dia ta. Ndi akatundja dihumo dia kele kandi, Ne dia Khumadiondjo, Latuyalaka Kanga lulimbilimbi eko la Ulimu wa ntsha lu kete yʼasi Kaladiya.

Jeremiya 50:27

Nyudiaki esongo awo wa ngombe, nyehimbuli ete. Mananu le wo, ne dia lushi lawo lambusukana, Etena kʼelumbwelu kawo.

Jashua 10:19

Tanyemalaki, keli nyuyelani lʼatunyi anyu, nyutolo la wo uma lʼokongo. Tanyakimoki dia vo nkalula lʼusumba awo, ne dia Latuyalaka, Unyashungu anyu, akakimo lʼanya anyu.

Embadi 5:23

Nyudji Meroze mananu, mbakati dikendji dia Latuyalaka, Nyudji, ee, nyudji antu a wo mananu ya wulu, Ne dia vo kundja la ndjukimanyia Latuyalaka, Dia nkimanyia Latuyalaka lʼatei wʼapami a wulu.

1 Samuele 15:3

Utshu kakiane dia ntolosha asi Amaleka. Utulanya diango diawo tshe. Tuwaukaki ketshi, keli uwashili, apami la amantu, akenda la ana washashi, ngombe la ekoko, kamelo la punda, ushiki.

1 Samuele 15:9

Saulu la wudja andi wakatshiki Anganga la lumu, wakatshiki ndu ekoko, ngombe, esongo wa ngombe, la ana wʼekoko wuleki amena, la kene tshe kaki ololo. Vo wakalanya kene tshe kaki wondju la shema.