Jeremiya 45:5 - La Bible en Otetela (Bible K'Ekila) 1991

⁵ We atuyayangelaka akambu a waki? Tayangaki! Enda, dimi lutsha mbela elanyelu le antu tshe, keli dimi layukusha lumu laye, uku engo ka dimbu le ye lu ahuli tshe wayuyutatshokaka.

Jeremiya 45:5 Iomraidhean Croise

Etatelu 6:12

Unyashungu akendi kete, ku ndi akenyi ati: Yo yambuyala kolo ketu, ne dia untu lʼuntu akalanya mbuka kandi.

1 Khumi ya Dikanga 3:11

Ku Unyashungu akawutela ati: Ne dia dikambu ne mbakayanombi, we hanombi lulumbi, ongonyi, kuyanga nyumu yʼatunyi aye, keli we ambolomba ewu ka nsambulaka akambu ololo.

1 Khumi ya Dikanga 3:9

Umbisha, dimi ukambi aye, utema wa lutui wa nsambulaka wudja aye, la ewu ka ntshikitanya ololo la kolo. Akona ukuki nsambulaka akambu wa wudja aye a wuki one?

2 Khumi ya Dikanga 5:26

Keli Elisha akawumbula ati: Undi, nyuma kami hatshwi kame la ye lamʼakakadimwi pami keku uma lu pusupusu kandi, dia ndjuhumana la ye? Oso aki etena ka nungula falanga ndu ka nungula ahondo, eweli, ekodi wa vinyo, ekoko, ngombe, ekambi wʼapami la ekambi wʼamantu?

Esambu 131:1

Latuyalaka, utema ami kema la ndjasema, la ashu ami kema la lukanyi. Dimi hatuyadjaka lu akambu a waki, kana lu akambu wundeki wulu.

Isaya 66:16

La dja ndu la yombo yandi, Mbayusambula Latuyalaka akambu wʼantu tshe; Ndi ayudiaka antu efula.

Jeremiya 21:9

One layutshikala lʼusumba one, ayuvo la yombo, ndjala ka kasha, kana lʼulandu. Keli one layutumba layutsho le asi Kaladiya wunyudingi, ayutshikala la lumu. Ku lumu landi layuyala engo kandi ka dimbu,

Jeremiya 25:15

Okone Latuyalaka, Unyashungu a Isariyele, akamvutela ati: Ose dikoho dia wanu wa kele kami uma lu lunya lami, kutanoshaka wedja tshe wayumukutuma.

Jeremiya 25:16

Vo wayono, wayusukosuko, wayuyala uku akanga wʼaladi, ne dia yombo yayumutuma lʼatei awo.

Jeremiya 25:26

khumi ya dikanga tshe ya la ngelʼa kushi ya la suki ndu ya lʼetali, otoi lʼotoi; waulelu tshe wa lʼandja weli ladiku dia kete; ku khumʼekanga ka Babilona ayono lʼokongo awo.

Jeremiya 25:31

Lundju latukumaka pulu ndu lʼekumelu ka kete, Ne dia Latuyalaka eko la wedja tamu. Ndi ayulumbuya wasena tshe, Ayukimo antu wa kolo lu yombo, mbatandi.

Jeremiya 38:2

Latuyalaka kata ati: One layutshikala lʼusumba one, ayuvo la yombo, ndjala ka kasha, kana la elandu. Keli one layutsho le asi Kaladiya, ayuka. Lumu landi layuyala engo kandi ka dimbu. Ndi ayutshikala la lumu.

Jeremiya 39:18

Dimi layukushimbela, we hudiakema la yombo. Lumu laye layuyala engo kaye ka dimbu, ne dia we akambekama, mbata Latuyalaka.

Zefaniya 3:8

Okone mbata Latuyalaka ati: Nyunkungeli edja ndu lushi layumunela uku omenyi. Esangweyu kami eli dia motsha wedja, dia dimi motsha waulelu, La mbatshulwela kele kami, ududu ami tshe, Ne dia kete tshe yayulungula la dja ya kandjema kami.

Romo 12:16

Nyuyali lʼutema otoi. Tanyudjaki tukanyi tanyu lu akambu wa ndjambiya. Tanyuyambiyaki keli nyekesaneli la wane wukitshikitshi. Tanyuyalaki la utaku.

Heberu 13:5

Tanyuyalaki la saki ya diango. Nyuyali la ongenongeno lu diango dieli la nyu, ne dia Unyashungu ndame kakati ati: Dimi hakoseke, halakutshiki.