Biblia Todo Logo
Bìoball air-loidhne

- Sanasan -




Jeremiya 44:7 - La Bible en Otetela (Bible K'Ekila) 1991

7 Diako mbata Latuyalaka Kanga lulimbilimbi, Unyashungu wa Isariyele, ati: Okoko wana wayatshelanyu kolo kene ka wuki, dia nshila apami, amantu, ana, la ana wʼashashi uma lʼatei wa Juda ushiki, wuhu waheya ntshikala nduku otoi lʼatei anyu?

Faic an caibideil Dèan lethbhreac




Jeremiya 44:7
28 Iomraidhean Croise  

Wane watotokiyaka waku wuto la wo, Watambaka nyumu yawo tulunga.


One latutunaka wetshelu, atonyolaka utema andi, Keli one latuhukameka luhangu, atukundjaka yimba.


Untu a kolo ayundama lu kolo yandi hita. Ayukimame lʼekodi wa kolo kandi.


Keli one latuntshelaka kolo, atutshelaka utema andi kolo; Wane tshe watumpetshaka, watulangaka nyoi.


Tanyuyelaki ditemolatemola dia ditemola la dikhusamela. Tanyumbukiaki yenyi la ditemolatemola diakanyatshi lʼanya anyu, ku dimi halunyutshela nduku kolo.


Keli nyu kumbukelami, dia nyu mbukiami yenyi la ditemolatemola diakanyatshi lʼanya dia nyutungela elanyelu, mbata Latuyalaka.


Hezekiya, khumʼekanga ka Juda, la Juda tshe wakudiaki uka? Undi, ndi kumbuka Latuyalaka woma? Ndi konsengasenga Latuyalaka dia ndi mbuka ketshi? Latuyalaka konemba utema lu elanyelu kakandati dikambu diawo uka? Shu tuyanga ndjatungela unungu a wuki.


Ditemolatemola dia sonyi diakamani waho wʼulimu washesu uma lu nshi yasu yʼakenda: dungalunga diawo, la ngombe yawo, anʼawo wʼapami ndu wʼamantu.


Jeremiya akatela Zedekiya ati: Latuyalaka Kanga lulimbilimbi, Unyashungu wa Isariyele, kata ati: Naka we ayutsho le ewandji wa khumʼekanga ka Babilona, we ayuka; ndu usumba one hawutshumbama. We ayutshikala la lumu we la wa lu luudu laye.


Nyu nyakayakesi, ne dia nyu nyakantumi le Latuyalaka, Unyashungu anyu, nyati: Ututolombele Latuyalaka, Unyashungu asu. Kuyututeli akambu tshe wayuta Latuyalaka, Unyashungu asu, ku shu tayatsha.


Lʼatei wʼatshikadi wa Juda wakatshu utsha lu kete ya Edjibitu dia ntukutudjase leko, nduku otoi ayuhanda kana ntshikala dia nkalula lu kete ya Juda lene alangawo ntudjase, tshikima amotshi mbulawi.


Dikambu kuna diambutshanyu dikeli, la dikishi diakanyatshi lʼanya anyu, la-mʼatunyutshumbelaka ditemolatemola dia lu kete ya Edjibitu malashi lene akanyayi dia ndjudjase, dia nyu nshila ushiki la dia nyu ndjala engo ka mananu la ka wononyi lʼatei a wedja tshe wa la kete?


La ye, mbayumotetshatetsha pami la umuntu. La ye, mbayumotetshatetsha usumbi la dikenda. La ye, mbayumotetshatetsha olongo a pami la usekaseka a umuntu.


Undi, dimi kutshawo kele, aha vame lu ufutanu awo, mbata Latuyalaka?


Ne dia nyoi kambumbela lu adidishi asu. To kambuyoto lu mvudu yasu ya khumʼekanga. To katushilaka akenda lu aseke, la elongo wʼapami lu esese.


Ashu ami wambule lʼasoi, utema ami ambukanana. Dimi lambuvo la okei, ne dia ona umuntu a wudja ami, Ne dia akenda la ana wʼashashi. Wamboko huhakai lu sese wʼusumba.


We aketi atunyi ami wa lʼutshimba tshe. Uku lu lushi la lusanganya lʼekila. Nduku lakahandi, nduku lakatshikala la lumu. Lu lushi la kele ka Latuyalaka. Utunyi akadiaki wane tshe wakamembaka, ndu wakamudiaki.


Uwateli wati: Khumadiondjo Latuyalaka kata ati: Uku wemi la lumu! Dimi hangenangena nyoi kʼuntu a kolo! Dimi nangaka ndi nkalula uma lu kolo kandi, la ndi ndjaja la lumu. Nyukaluli, nyukaluli uma lu mbuka yanyu ya kolo. Khumbu ka Isariyele, ukundi alanganyu mvo?


Nyutudiaki esumbi wʼapami, elongo wʼapami, esekaseka wʼamantu, ana wʼashashi, ndu amantu. Keli tanyaheki untu leli la djimbitelu lunya. Nyutateli lʼetemwelo kami. Ku vo wakatatela ndjaka esumbi wʼapami waki la ntundu ka luudu.


We akasanguya dikambu dia sonyi le luudu laye, Dia ndjaka antu efula. Ndu we akatshela lumu laye kolo.


La pusu yʼetuku yʼantu wa kolo aku wakashisha nyumu yawo, mbayuyutsha ufudi wʼediakelu. Ne dia vo wakayilambula la ntundu ka Latuyalaka, diako mbeyo ekila. Ku yo yayuyala euhwelu le asi Isariyele.


Lʼandja, vo wayushila la yombo; Ku lu mvudu, la woma: Akambu ane wayuya le olongo a pami ndu le usekaseka wʼemuma, Le onʼashashi ndu le usumbi.


Vo wakalanya usumba, wakashili diango tshe ushiki, wakadiaki apami la amantu, ana la esumbi, ngombe, ekoko ndu punda la tombo.


Nyutshi okone. Kanyushili apami tshe la amantu wakeyana la apami ushiki.


Utshu kakiane dia ntolosha asi Amaleka. Utulanya diango diawo tshe. Tuwaukaki ketshi, keli uwashili, apami la amantu, akenda la ana washashi, ngombe la ekoko, kamelo la punda, ushiki.


Ndi akalo la Nobo, usumba wʼelombedi; akadiaki apami, amantu, ana la ana wa ashashi, ndu ngombe, punda la ekoko la yombo.


Lean sinn:

Sanasan


Sanasan