Jeremiya 44:5 - La Bible en Otetela (Bible K'Ekila) 1991

⁵ Keli vo kununga kuyanga mpuke atui. Vo kunkadimo uma lu kolo kawo, kunkimo ntshumbela ditemolatemola malashi.

Jeremiya 44:5 Iomraidhean Croise

2 Ekondo 36:16

Keli vo wakolaka atumami wa Unyashungu, wakonyolaka aui andi ndu wakasokaka amvutshi andi, edja ndu kele ka Latuyalaka kakahami le wudja wuhu waki kumbeya nkitakita.

Nehemiya 9:30

We akakikela deku efula, we akawaewula uma le Nyuma kaye ndu uma le amvutshi aye, keli vo kumpuke atui. Okone we akakimo lʼanya wʼasi wedja.

Isaya 48:18

Utunduyala we akalungi elembe ami, Tshiki ki kaye kutuyala utamanya, La sambu kaye kʼololo kutuluwana otekoya;

Isaya 48:4

Dimi mbeyaka nti: We eko kanga utema a wulu. Kingu kaye keko uku luwulu, La fumu kaye keko uku ohotela.

Jeremiya 11:10

Vo wakakadimo utsha lu kolo ya washewo wa ntundu, wakatunaka aui ami. Vo wambuyela ditemolatemola dia ditemola. Khumbu ka Isariyele ndu ka Juda wakalanya sheki yami, yakamadji la washewo.

Jeremiya 11:13

We Juda, uku eli efula kʼesumba anyu, mbeli efula ka ditemolatemola dianyu! Uku eli efula kʼesese wa la Jerusalema, mbakanyatshela engo kene ka sonyi diakelu, diakelu dia ntshumbela Bala malashi.

Jeremiya 11:17

Latuyalaka Kanga lulimbilimbi lakakune, ambuketele elanyelu, ne dia kolo ka khumbu ka Isariyele la khumbu ka Juda, kakawatshi dia mbutsha kele lamʼakawatshumbela Bala malashi.

Jeremiya 11:8

Keli vo kunkitanyia kuyanga mpuke atui. Vo tshe wakayelaka saki yʼetema awo wa kolo. Diako mbakamashidiya aui tshe wa sheki nye, yakamawadjangela dia nama, keli vo kumbalama.

Jeremiya 13:10

Wudja one wa kolo, watutunaka aui ami, watekamaka saki yʼetema awo, watuyelaka ditemolatemola dia ditemola la dikhusela adui. Vo wayuyala uku uya one wambuyala anyanya.

Jeremiya 19:13

Mvudu ya Jerusalema la mvudu ya khumi ya dikanga ya Juda yakawasanya, yayuyala uku dihuli dia Tofeta: mvudu tshe lene akawatshumbela ului tshe wa diango dia lʼulungu malashi ladiku diayo, la mvudu tshe lene akawatshulwela ditemolatemola elambu wʼashashi.

Jeremiya 43:4

Okone Johanana, onʼa Karea, elombodi tshe wʼalimbi, la wudja tshe kunkitanyia diui dia Latuyalaka dia vo mbidjase lu kete ya Juda.

Jeremiya 7:24

Vo kununga, kumpuke atui. Vo wakakendakenda lu tukanyi tawo ndu lu saki yʼetema awo wa kolo, wakakalula ekongokongo, kuntsho utsha la ntundu.

Danyele 9:6

Shu kumbukela ekambi aye amvutshi wakateketaka la khumi ya dikanga yasu, ewandji asu, washesu, ndu la antu tshe wa lu wudja lu lukumbu laye.

Hosea 11:2

Lamʼakamatetemala mbaeta, Vo wakaleki mangana uma le mi. Vo wakatetemala nambula WaBala elambu, La ntshumbela dikishi malashi.