Jeremiya 44:4 - La Bible en Otetela (Bible K'Ekila) 1991

⁴ Keli dimi lakanyutumelaka ekambi ami amvutshi umaka pindju, dia vo ndjunyutela vati: Tanyutshaki dikambu dia wononyi ne diatumuhetshaka.

Jeremiya 44:4 Iomraidhean Croise

2 Ekondo 36:15

Latuyalaka, Unyashungu a washewo, al atumelaka aui wa mbaewula esadi le atumami andi, ne dia ndi akalangaka mpandja wudja andi la edjaselu kandi hita.

Nehemiya 9:30

We akakikela deku efula, we akawaewula uma le Nyuma kaye ndu uma le amvutshi aye, keli vo kumpuke atui. Okone we akakimo lʼanya wʼasi wedja.

Nehemiya 9:34

Khumi ya dikanga yasu, ewandji asu, elombedi asu, kuyanga washesu, kunamaka elembe aye, kunungaka adjangu aye la aui wakayataka dia mbaewula.

Jeremiya 16:18

Dimi layosomboya kolo kawo tena pendi, ne dia vo wakalanya kete yami la ditemolatemola diawo dia kolo, diaha la lumu Vo wambuludia etenyi kami kʼukito lʼakambu awo wa wononyi.

Jeremiya 26:5

dia nunga aui wa ekambi ami amvutshi, watumunyutumelaka kʼolomo la pindju, keli nyu kumbaukela,

Jeremiya 29:19

ne dia vo kunkitanyia aui ami, wakamatumelaka kʼolomo la pindju le ekambi ami amvutshi. Vo kununga, mbata Latuyalaka.

Jeremiya 32:33

Vo wakambuki okongo, kombelela le mi. Kuyanga dimi laka-waetshaka umaka pindju, vo kununga wetshelu ami.

Jeremiya 32:34

Vo wakakitsha dikishi diawo lu luudu latuwetaka lukumbu lami dia lulanya.

Jeremiya 32:35

Vo wakatshela Bala alunga lʼukidi wa onʼa Hinome dia ntshumbela Moleka anʼawo wʼapami la anʼawo wʼamantu lu dja, dikambu diakimi kumbatela ndu diaki kundjala lu tukanyi tami, dia vo ntsha dikambu dia wononyi wuhu oso, dia munganyia Juda.

Jeremiya 35:15

Ndu dimi lakanyutumelaka ekambi ami amvutshi umaka pindju, dia nyutela vati: Nyukaluli kakiane untu lʼuntu uma lu mbuka kandi ka kolo, nyolongosole akambu anyu, tanyuyelaki ditemolatemola dia ditemola, ku nyu nyayudjase lu kete yakamanyusha, nyu la washenyu. Keli nyu kumpuke atui, kumbukelami.

Jeremiya 35:17

Diako mbatami, dimi Latuyalaka Kanga lulimbilimbi, Unyashungu wa Isariyele, nti: Nyendi, dimi lutsha mbela elanyelu lu Juda ndu le antu tshe wudjashi la Jerusalema. Dimi layela elanyelu kakamataka lu dikambu diawo, ne dia dimi lakateketa la wo, keli vo kununga. Dimi lakawaeti, keli vo kumbetawo.

Jeremiya 7:13

Nyulungi, lamʼakanyatshi akambu ane tshe, dimi lakakolamelaka nteketa la nyu, keli nyu kumbukelami. Dimi lakanyetaka, keli nyu kumbetawo, mbata Latuyalaka.

Jeremiya 7:17

Undi, we henyi akambu watuwutshaka lu esumba wa Juda ndu lʼesese wa Jerusalema?

Jeremiya 7:18

Ana watunaka kunyi, washewo wato-ngonyaka dja, amantu watosohanyaka shima dia nkatela khumʼekanga ka umuntu ka lʼulungu ekati, ndu dia ntshulwela ditemolatemola elambu awo wa lutela, dia mbutshami kele.

Jeremiya 7:25

Umaka lushi lakatumbi washenyu uma lu kete ya Edjibitu edja ndu elo, dimi lakakolamelaka mbatumela ekambi ami tshe, amvutshi.

Ezekiyele 16:36

Khumadiondjo Latuyalaka kata ati: Sonyi kaye la utakataka aye wakenama le waku wakunana la ye, ndu ne dia dikishi diaye tshe dia wononyi, la dikila dia anʼaye diakayadilambulaka.

Ezekiyele 16:47

We kumbetawo ndjela paka ditshelu diawo kuyanga ntsha paka akambu awo wa wononyi. Akambu aso waki dikambu dia tshitshe le ye; we akaleki ntsha kolo lu akambu aye tshe.

Ezekiyele 18:31

Nyunya ehedia anyu tshe wakanyatshaka, nyuyali la etema wʼeyuyu la lumu lʼuyuyu. Nyu khumbu ka Isariyele, ukundi ayunyuvo?

Ezekiyele 8:10

Dimi lakoto, ku lakenyi difanelu dia wehu wa diango tshe diayakutula, dia nyama ya wononyi, ndu dia dikishi tshe dia khumbu ka Isariyele, diusangwemi lu eheli lʼutshimba tshe.

Danyele 9:6

Shu kumbukela ekambi aye amvutshi wakateketaka la khumi ya dikanga yasu, ewandji asu, washesu, ndu la antu tshe wa lu wudja lu lukumbu laye.

Zekariya 7:7

Nyu kumbuka aui wa Latuyalaka aso, wakataka amvutshi wa ntundu, lamʼaki Jerusalema la antu ndu la ongonyi kame la esumba ayo wa lʼutshimba, kete ya la diku dia kushi ndu kete ya lʼukidi la antu uka?

1 Petero 4:3

Ne dia nshi yakanyayelaka saki yʼasi wedja yakakuki, lamʼakanyakendakendaka lu akambu wa kolo, la songu ya munanyi, la dinwelo dia wanu, la engenongeno wa kolo, la mindju yakanyadjoka wanu, la ditemwelo dia dikishi dia wononyi.