Jeremiya 44:3 - La Bible en Otetela (Bible K'Ekila) 1991

³ ne dia kolo kakawatshi dia mbutshami dikeli lamʼakawatshokaka dia ntutshumbela ditemolatemola malashi la ditemola, diakiwo kumbeya, vo, nyu, kuyanga washenyu.

Jeremiya 44:3 Iomraidhean Croise

Nehemiya 9:33

We katuyingaka lu akambu ane tshe watuyakaka le su; we atutshaka la kolamelu, keli shu mbatutshaka kolo.

Isaya 3:8

Jerusalema ambulanyema, La Juda ambuhandjo, Ne dia aui awo la etsha awo watotombokwelaka Latuyalaka, Watudjaka ashu andi wa lutumbu tofwefwe.

Jeremiya 11:17

Latuyalaka Kanga lulimbilimbi lakakune, ambuketele elanyelu, ne dia kolo ka khumbu ka Isariyele la khumbu ka Juda, kakawatshi dia mbutsha kele lamʼakawatshumbela Bala malashi.

Jeremiya 16:10

Lamʼayuyutela wudja one aui aso tshe, vo wayukumbula vati: Okoko wana wambuta Latuyalaka aui aso tshe wa kolo lu dikambu diasu? Na unedia asu? Kolo kakona kakatatshela Latuyalaka, Unyashungu asu?

Jeremiya 22:9

Ku wayakaluya diui vati: Ne dia vo wakaseke sheki ya Latuyalaka, Unyashungu awo, wakatemola ditemolatemola, wakadikhusamela.

Jeremiya 29:19

ne dia vo kunkitanyia aui ami, wakamatumelaka kʼolomo la pindju le ekambi ami amvutshi. Vo kununga, mbata Latuyalaka.

Jeremiya 32:30

Asi Isariyele la asi Juda wakatshaka paka akambu waki kolo lu ashu ami umaka nshi yawo yʼakenda. Asi Isariyele watutshaka dikishi lu anya awo paka dia mbutshami dikeli, mbata Latuyalaka.

Jeremiya 44:23

Nyu nyakatshumbelaka ditemolatemola malashi, nyakatshela Latuyalaka kolo, kunkitanyia aui andi, kunamaka elembe andi, adjangu andi, la aui andi. Diako mbambuya elanyelu kene le nyu uku weto elo.

Jeremiya 44:8

Dikambu kuna diambutshanyu dikeli, la dikishi diakanyatshi lʼanya anyu, la-mʼatunyutshumbelaka ditemolatemola dia lu kete ya Edjibitu malashi lene akanyayi dia ndjudjase, dia nyu nshila ushiki la dia nyu ndjala engo ka mananu la ka wononyi lʼatei a wedja tshe wa la kete?

Jeremiya 5:19

Lamʼayumbula wudja aye vati: Dikambu kuna diambututshela Latuyalaka, Unyashungu asu, akambu ane tshe? Kakaluya diui wati: Uku akanyaseke Latuyalaka dia ntemola ditemolatemola diʼasi wedja lu kete yanyu, osoku mbayunyuyala lʼokongo wʼasi wedja, lu kete yaha yanyu.

Jeremiya 5:29

Undi, dimi halasuya ne dia akambu aso? Dimi hasombweya utema ami le wudja wa wuhu oso? Mbata Latuyalaka.

Jeremiya 7:19

Undi, dimi kutshawo kele, aha vame lu ufutanu awo, mbata Latuyalaka?

Delu dia Jeremiya 1:8

Jerusalema akatshi kolo heyama, Diako mbambuyuyala engo ka mindu. Wane tshe wakayilemiaka, wambuyonya, Ne dia wambena utakataka ayo. Yo yatukhumaka aikhumu, yatukadimulaka elundji.

Delu dia Jeremiya 4:13

Dikambu so diakayala, ne dia kolo yʼamvutshi awo. La ehedia wa elombedi awo, Wakatshulula dikila diʼantu wʼololo lʼatei awo.

Ezekiyele 9:9

Ku ndi akamvutela ati: Unungu wa khumbu ka Isariyele la khumbu ka Juda weko efula, kete yaya too la etshulwelu ka dikila. La usumba wambulula too la akambu wa kolo. Vo mvutaka vati: Latuyalaka akaseke kete, Latuya aka henyi.

Danyele 9:5

Shu takatshi kolo, takayala la uhedia, takayala atshi wa kolo ndu akanga wʼuhedia, taketola uma lʼelembe aye la adjangu aye.

Euhwelu kʼElembe 13:6

Naka onanyo la pami, lakuto laye utema otoi, kana onʼaye la pami kana la umuntu, kana umuntu lukaye ngandji, kana ongenyi aye lalangaye uku ayalangaye, ayukotombosha lu usheshe ati: Tutshu, tutotemole ditemolatemola diahayeyi ndu diaki washo kumbeya,

Euhwelu kʼElembe 29:25

Ku antu wayuta vati: Ne dia vo wakaseke sheki yakadji Latuyalaka, Unyashungu a washewo la wo lamʼakandatundja uma lu kete ya Edjibitu;

Euhwelu kʼElembe 29:26

ne dia vo wakatshu dia ntukambela ndu dia ntotemola ditemolatemola diakiwo kumueya la diakindi kumbasha.

Euhwelu kʼElembe 32:17

Vo wakalambula djimu dieli kema Unyashungu, Ndu ditemolatemola diakiwo kumbeya. Ee, ditemolatemola diʼeyuyu diambuyala paka nshi nye, Diaki washenyu kumbuka woma.

Heberu 3:16

Wa na wakahedia lamʼakawuki? Aha waku tshe wakatumbi lo Mose uma lʼEdjibitu uka?