Jeremiya 44:2 - La Bible en Otetela (Bible K'Ekila) 1991

² Latuyalaka Kanga lulimbilimbi, Unyashungu wa Isariyele, kata ati: Nyu nyakenyi elanyelu tshe kakamatumela Jerusalema, ndu esumba tshe wa la Juda. Kakiane, vo weko atongo atu, waha la antu

Jeremiya 44:2 Iomraidhean Croise

2 Khumi ya Dikanga 21:13

Dimi layusimbula ushinga wʼelumbwelu ka Samariya la okodi wʼedimielu wa luudu la Ahaba ladiku dia Jerusalema. Dimi layomombia Jerusalema uku atuwomombiaka donga lʼetei ndu lʼandja.

Etumbelu 19:4

Nyu nyakenyi okone akamatshela asi Edjibitu, ndu uku akamanyembe ladiku diʼahafu wa pungu dia nyela uya le mi.

Isaya 24:12

Elanyelu kambuya lʼusumba, Kuki yambulanyema.

Isaya 6:11

Ku dimi lakambula nti: Khumemi, edja ndu kaandi? Ku ndi akakaluya diui ati: Edja ndu esumba wambulanyema, wambuyala aha la antu; Edja ndu mvudu yambuyala aha la untu; Edja ndu kete yambuyala shenga tshu;

Jeremiya 25:11

Kete nye tshe yayuyala elanyelu ketu, engo ka nkashimo, la wedja ene tshe wayuyala lʼokongo wa khumʼekanga ka Babilona deku akumi esambeli.

Jeremiya 34:22

Nyuki, dimi layuta diui, ku vo wayukalula lʼusumba one. Vo wayolembia, wayutshumba la dja. Dimi layete esumba wa Juda atongo, aha lʼantu, mbata Latuyalaka.

Jeremiya 4:7

Tambwe kambukhunguso uma lu hyuka yato. Unanyishi a wedja aya lu ndjakendakenda, Ambuya uma lu edjaselu kato, dia nanya kete yanyu. Esumba anyu wayulanyema, wayuyala atongo atu.

Jeremiya 44:22

Latuyalaka kumbeya ndjakimela ntu, ne dia kolo ka etsha anyu la akambu wa wononyi wakanyatshaka. Diako mbambuyala kete yanyu tongo tu, aha la untu, engo ka nkashimo ndu engo ka mananu, uku weyo elo.

Jeremiya 44:23

Nyu nyakatshumbelaka ditemolatemola malashi, nyakatshela Latuyalaka kolo, kunkitanyia aui andi, kunamaka elembe andi, adjangu andi, la aui andi. Diako mbambuya elanyelu kene le nyu uku weto elo.

Jeremiya 7:34

Ku dimi layukumiya ongenongeno, ongenongeno a wuki, kimbu yʼutshuki la kimbu yʼutshukami lu esumba wa Juda ndu lʼesese wa la Jerusalema, ne dia kete yayuyala elanyelu ketu.

Jeremiya 8:3

Wane wayutshikala uma lu diuhu ne dia kolo lu ahuli tshe wakamawatshanya, wayukumbula nyoi uleki lumu, mbata Latuyalaka Kanga lulimbilimbi.

Jeremiya 9:11

Dimi layete Jerusalema tuta diʼelanyelu, edjaselu ka wambulu. Dimi layete esumba wa Juda atongo atu, waha lʼantu.

Delu dia Jeremiya 1:1

Ndi wuhu wambutshikala Jerusalema hwe, Wambutshikala usumba one waki too lʼantu li! Ndi wuhu wambuwuyala uku wadi aki udu, Wambuyala usumba one waki wuki lʼatei a wedja li! Usumba waki uwandji lʼatei wʼesumba, Wambuyala lʼokongo wʼekina!

Delu dia Jeremiya 1:16

Lu akambu aso mbalelami; mbakela ashu ami asoi, Ne dia usambi wukuki nkikitshami Ambuyala etali uma le mi. Anʼami weko lʼatei wʼelanyelu, Ne dia utunyi ambalembia.

Delu dia Jeremiya 5:18

Ne dia ukungu wa Siona waya tongo; Mbulu yetetaka ladiku diawo.

Danyele 9:12

We ambushidiya aui wakayati lu dikambu diasu, ndu lu dikambu diʼembuledi asu wakatolombolaka lamʼambuyututumela elanyelu kene ka wuki, ne dia dikambu ne diakayala la Jerusalema, diatayala nduku lʼesi ulungu wʼutundu.

Akambu wʼAsi Lewi 26:31

Layete esumba anyu atongo atu, layulanya temwelo dianyu. Dimi halukutula luwi lʼaowo anyu wa ngenyangenya.

Akambu wʼAsi Lewi 26:43

Keli vo wayutshika kete; yo yayongenangena nshi yayo ya mumuya lamʼambuyuyala hwe, aha la wo. Vo wayufuta usahu wa kolo yawo, ne dia vo wakonyola adjangu ami, ndu etema awo wakuki elembe ami wononyi.

Mika 3:12

Okone, lu dikambu dianyi mbayukambema Siona uku ekambo, Mbayuyala Jerusalema tuta diʼelanyelu. Ukungu wa luudu wayuyala ukunda utu ladiku.

Zekariya 1:6

Undi, aui ami la adjangu ami wakamatelaka ekambi ami amvutshi, kunkumaka le washenyu? Vo wakakadimo, wakati ati: Uku akakani Latuyalaka Kanga lulimbilimbi dia ntutshela uku mbuka yasu, la uku etsha asu, wunu ako mbakandatutshela.

Euhwelu kʼElembe 29:2

Mose aketi asi Isariyele tshe, akawatela ati: Nyu nyakenyi akambu tshe wakatshela Latuyalaka Farayo, ekambi andi la kete yandi tshe ya Edjibitu lu ashu anyu.

Jashua 23:3

Nyu nyakenyi akambu tshe wakatshela Latuyalaka, Unyashungu anyu, wedja ene tshe waki la ntundu kanyu, ne dia Latuyalaka, Unyashungu anyu, kakatanyolwelaka ta.