Jeremiya 44:12 - La Bible en Otetela (Bible K'Ekila) 1991

¹² Dimi layunda atshikadi wa Juda wakediya dundji diawo utsha lu kete ya Edjibitu, dia ntudjase leko. Vo wayushila ushiki, wayoko lu kete ya Edjibitu, wayudiakema la yombo ndu la ndjala ka kasha. Vo wayuvo ndu wa waki ndu wa tshitshe la yombo ndu la ndjala ka kasha. Vo wayuyala engo ka mpongwela soi, engo ka nkashimo, engo ka mananu, la engo ka dionyo.

Jeremiya 44:12 Iomraidhean Croise

Isaya 1:28

Keli elanyelu kayuyala le akanga wʼehedia, la antu wa kolo kame. Waku watutunaka Latuyalaka wayulanyema.

Isaya 65:15

Nyu nyayutshikela esonami ami lukumbu lanyu la mananu. Khumadiondjo, Latuyalaka ayunyudiaka. Ku ndi ayole ekambi andi lukumbu lukina.

Jeremiya 16:4

Vo wayuvo la elandu a wulu, hawuwalela kuyanga mbakhunde. Vo wayuyala uku tumi ladiku dia kete. Vo wayudiakema la tombo la ndjala ka kasha. Edu awo wayuyala ma dia fudu ya lʼulungu la dia nyama ya la kete.

Jeremiya 18:16

Wakete kete yawo engo ka woma. Engo ka mpongwela soi pundju. Wane tshe watetetaka loko, watukashimoka, Watutshindjaka ete.

Jeremiya 24:9

Dimi layuwata asulu, layatshela kolo lʼatei a waulelu tshe wa la kete dia vo ndjala engo ka dionyo, engo ka wela, engo ka mpongwela soi, la engo ka mananu lu ahuli tshe wayumutshanya.

Jeremiya 26:6

ku dimi layete luudu lone uku Shilo, ndu layete usumba one engo ka mananu le wedja tshe wa la kete.

Jeremiya 29:18

Dimi layuwatshanya la yombo, ndjala ka kasha, la elandu, layakimo uku engo ka wononyi lʼatei a waulelu tshe wa la kete, dia vo ndjala engo ka mananu, engo ka nkashimo, engo ka mpongwela soi la engo ka dionyo lʼatei a wedja tshe wayumuwatshanya,

Jeremiya 29:22

Asi Juda tshe weli fumbi lu Babilona wayuwaete djimbitelu ya mvutaka vati: Latuyalaka akutsheli uku Zedekiya la Ahaba, wane wakatshumbi khumʼekanga ka Babilona lu dja.

Jeremiya 42:1

Elombodi tshe wʼalimbi: Johanana, onʼa Karea; Azariya, onʼa Ho-shaya; lʼantu tshe a waki ndu wa tshitshe, wakatshu,

Jeremiya 42:22

Okone nyeyi nyati: Nyayutuvo la yombo, ndjala ka kasha, ndu la elandu lu dihuli dialanganyu ntsho la ntudjase.

Jeremiya 43:11

Ndi ayuya, ayuyulanya kete ya Edjibitu. Waku wakasonwama lu nyoi, wayutsho lu nyoi; waku wakasonwama lu lohombo, lu lohombo; la waku wakasonwama lu yombo, wayutsho lu yombo.

Jeremiya 44:22

Latuyalaka kumbeya ndjakimela ntu, ne dia kolo ka etsha anyu la akambu wa wononyi wakanyatshaka. Diako mbambuyala kete yanyu tongo tu, aha la untu, engo ka nkashimo ndu engo ka mananu, uku weyo elo.

Hosea 4:6

Wudja ami wambulanyema ne dia uhumba wʼewu. Ne dia we akatuni ewu, dimi layukutuna ntu, Ndu layukunya uma lʼulimu ami wʼolombedi. Ne dia we akuhela elembe wa Unyashungu aye, Osoku ndu dimi layuhela anʼaye.

Hosea 9:6

Vo wambunela lu dikambu diʼelanyelu. Edjibitu ayalungula, asi Memifisi wayakhunde, Adungu wayukita diango diawo dia fesa diʼushinga wulu, La atende wayutumba lu mvudu yawo yʼepema.

Zekariya 8:13

Nyu khumbu ka Juda la khumbu ka Isariyele, uku akinyu engo ka mananu lʼatei a wedja, osoku mbayumunyushimbela, ku nyu nyayuyala otshoko. Tanyukaki woma, keli anya anyu wakikitali.

Walelu 5:27

Lamʼayundonosha ashi, ku naka ndi akayasanya, akatuni umendi, ashi watutungaka mananu wayoto lu dimba diandi, wayutunga kandji ka wulu, ku dikundju diandi diayuda, ndu ehelohelo kandi kayonda. Ku umuntu ayuyala engo ka wononyi lʼatei a wudja awo.