Jeremiya 44:11 - La Bible en Otetela (Bible K'Ekila) 1991

¹¹ Okone Latuyalaka Kanga lulimbilimbi, Unyashungu wa Isariyele, kata ati: Nyendi, dimi lutsha mbediya elundji kami le nyu dia nyutshela kolo, dia nshila Juda tshe ushiki.

Jeremiya 44:11 Iomraidhean Croise

Esambu 34:16

Keli elundji ka Latuyalaka atumoka uma le atshi wa kolo, Dia minya euhwelu kawo la kete.

Jeremiya 21:10

ne dia dimi lambediya elundji kami uya lʼusumba one, dia mbutshela kolo aha ololo. Vo wayukimwama lu anya wa khumʼekanga ka Babilona, ku ndi ayutshumba dja, mbata Latuyalaka.

Jeremiya 44:26

Okone nyu asi Juda tshe wudjashi lu kete ya Edjibitu, nyulungi diui dia Latuyalaka! Latuyalaka kata ati: Nyuki, dimi lakatshibi lukumbu lami la wuki, diaha usi Juda nyimula lukumbu lami ntu lu kete ya Edjibitu ati: Uku eli Khumadiondjo Latuyalaka la lumu!

Ezekiyele 15:7

Dimi layediya elundji kami dia ndo la wo. Vo wayutumba uma lu dja, keli dja yayatshumba. Ku nyu nyayeya nyati: Dimi keli Latuyalaka, lamʼayumediya elundji dia ndo la wo.

Akambu wʼAsi Lewi 17:10

Naka pami tshe ka lu khumbu ka Isariyele, kana ongendangenda ludjashi lʼatei awo, ayole dikila, dimi layendana la untu ako lale dikila. Dimi layuwunya uma lʼatei a wudja awo,

Akambu wʼAsi Lewi 26:17

Dimi layendana la nyu, ku nyu nyayolembiama, la ntundu kʼatunyi anyu. Wane watunyuhetshaka wayunyulela, la nyu nyayulawo ulawolawo lamʼahanyutshanya nduku untu.

Amose 9:4

Kuyanga vo wayutsho lu fumbi la ntundu kʼatunyi awo, Dimi layutela yombo, ku yo yayadiaka leko. Dimi layedia ashu ami le wo, Dia mbatshela kolo, aha ololo.