Jeremiya 44:10 - La Bible en Otetela (Bible K'Ekila) 1991

¹⁰ Nyu nyatayakitshakitsha edja ndu elo, nyatuki woma, nyatakendakenda lu elembe ami ndu lu adjangu ami wakamakitsha la ntundu kanyu ndu ka washenyu.

Jeremiya 44:10 Iomraidhean Croise

1 Khumi ya Dikanga 21:29

We menaka uku ambuyakitshakitsha Ahaba la ntundu kami? Ne dia ndi ambuyakitshakitsha la ntundu kami, dimi halela elanyelu lu nshi ya lumu landi. Paka lu nshi ya onʼandi, mbayumela elanyelu lu khumbu kandi.

2 Khumi ya Dikanga 22:19

Ne dia utema aye akalembe, ndu we akayakitshakitsha la ntundu kami, dimi Latuyalaka, lamʼakayuki aui wakamati lu dikambu dia dihuli ne ndu le antu wudjashi loko, dia vo ndjala engo kʼelanyelu la ka mananu; ndu ne dia we akatshatsha ahondo aye, akaleli la ntundu kami, osoku dimi lambukutela, mbata Latuyalaka.

2 Ekondo 32:26

Hezekiya akayakitshakitsha ndi la asi Jerusalema uma lu ndjambiya kandi. Okone kele ka Latuyalaka kunkuma le wo lamʼaki Hezekiya la lumu.

2 Ekondo 33:12

Lamʼakindi lu pa, ndi akasengasenga Latuyalaka, Unyashungu andi, akayakitshakitsha efula la ntundu ka Unyashungu a washi.

2 Ekondo 33:19

Elombelo kandi la wuhu wakawukela Unyashungu, kolo kandi tshe la uhedia andi, alunga wakandatshi, ekishi ka Ashera la difanelu dia losela diakandatshi ntundu ndi atayakitshakitsha, wambufundama lu Ekondo wʼAmenyi wʼakambu wahatayi.

2 Ekondo 34:27

Ne dia utema aye akalembe ndu we akayakitshakitsha la ntundu kami, dimi Latuyalaka, lamʼakayuki aui wakamati lu dikambu dia dihuli ne, ndu le antu wudjashi loko, dia vo ndjala engo kʼelanyelu la ka mananu; ndu ne dia we akatshatsha ahondo aye, akaleli la ntundu kami, osoku dimi lambukukela, mbata Latuyalaka.

Esambu 34:18

Latuyalaka eko lasuki la wane weli la etema wambate. Ndi atushimbelaka waku weli la etema wa ndjakitshakitsha.

Esambu 51:17

Elambu watongenangenaka Unyashungu well sulu diambate. Unyashungu li, we hatuni sulu diambate kana utema wa ndjakitshakitsha.

Esambu 78:10

Vo kunama sheki ya Unyashungu, Wakonyola elembe andi.

Etumbelu 10:3

Ku Mose la Arona wakatshu le Farayo; wakatuwuteia vati: Latuyalaka, Unyashungu wʼasi Heberu, kata ati: Edja ndu kaandi ayuyutuna ndjakitshakitsha la ntundu kami? Ukimo wudja ami watshu dia ntontemola.

Etumbelu 9:17

Ku we ntetemalaka ndjambiya dia nsuya wudja ami, we hetawo mbakimo dia vo ntsho.

Etumbelu 9:30

Keli dimi mbeyaka nti: Uku le ye, we la ekambi aye, nyatuki Latuyalaka, Unyashungu, woma.

Tukedi 14:16

Kanga yimba atuyakimelaka, atukadimoka uma lu kolo. Keli kanga enginya hatuyakimelaka, atutshaka utshatsha.

Tukedi 16:6

Uma lu mete la kolamelu mbatudimanyiamaka kolo; La uma lu woma wa Latuyalaka mbatukadimoka antu uma lu kolo.

Tukedi 28:14

One latukaka Latuyalaka woma tena tshe, eli la otshoko. Keli one latukikitshaka utema andi, ayuyala lu elanyelu.

Tukedi 8:13

Woma wa Latuyalaka eli dia mpetsha kolo. Utaku, ngala, mbuka ka kolo, La unyo a kolo mbatumuhetshaka.

Isaya 42:24

Akona akakimo Jakoba dia ndjala engo ka lohotola, La Isariyele le apotodi, aha Latuyalaka? Shu takutshela kolo, konkendakenda lu mbuka yandi, Kunknanyia olembe andi.

Isaya 57:15

Ne dia KhumʼUlungu, kanga edjaselu ka pundju Ndu kanga lukumbu lʼekila, kata ati: Dimi layudjase ladiku lu dihuli diʼekila, Kame la kanga utema wambate ndu wa ndjakitshakitsha, Dia mbulula lumu la kanga ndjakitshakitsha La nkikitsha kanga utema wambate.

Isaya 66:2

Lunya lami mbakatungi diango ne tshe. Osoku diami mbedio dio tshe, mbata Latuyalaka. Enda, dimi layediya ashu ami Utsha le one latusuwaka ndu leli lʼutema ambate, Utsha le one latukaka diui diami woma.

Jeremiya 10:7

We Khumʼekanga ka wedja, akona ahahumbi nkuka woma! We kukuki mbukama woma; Ne dia lʼatei wʼakanga a yimba tshe wa wedja, Ndu lʼatei a waulelu awo tshe, nduku ledimi la ye.

Jeremiya 26:4

Kuwateli wati: Latuyalaka kata ati: Naka nyu hanyu-mbukela dia nkendakenda lu elembe ami wakamakitsha la ntundu kanyu,

Jeremiya 32:23

Vo wakoto loko, wakayikiti. Keli vo kunkitanyia diui diaye, kuyanga nkendakenda lu elembe aye. Vo kuntsha nduku dikambu diakayawadjangela dia vo ntsha, diako mbakayatumela elanyelu kene tshe.

Jeremiya 36:24

Khumʼekanga kumbate asulu, kana mbatshatsha ahondo andi, ndi kuyanga ekambi andi wakuki aui aso tshe.

Jeremiya 44:23

Nyu nyakatshumbelaka ditemolatemola malashi, nyakatshela Latuyalaka kolo, kunkitanyia aui andi, kunamaka elembe andi, adjangu andi, la aui andi. Diako mbambuya elanyelu kene le nyu uku weto elo.

Jeremiya 5:3

Latuyalaka li, ashu aye hawutenaka mete? We akasuya, keli vo kunyanga. We akalanya, keli vo wakatuni wetshelu. Vo wakakikitsha dundji diawo wulu uleki dive Wakatuni nkadimula etema.

Jeremiya 6:15

Vo wakuki sonyi lamʼakawatshi akambu wa wononyi? Kema, vo konombo, kumbuka sonyi nduku yema! Diako mbayuwoko lʼatei a waku watokokaka. Vo wayolemba lamʼayumasuya, mbata Latuyalaka.

Jeremiya 8:12

Vo wakuki sonyi lamʼakawatshi akambu wa wononyi? Kema, vo konombo, kumbuka sonyi nduku yema. Diako mbajuwoko lʼatei a waku watokokaka. Vo wayolemba lamʼayumasuya, mbata Latuyalaka.

Ezekiyele 9:4

Latuyalaka akawutela ati: Utshu lʼatei wʼusumba, lʼatei a Jerusalema, utudji djimbitelu lu fumu yʼantu tshe wakhuma akhumu ndu walela, ne dia akambu tshe wa wononyi wambutshama lʼatei awo.

Malaki 4:2

Keli le nyu, nyu wane watukaka lukumbu lami woma, unya wʼakambu wʼololo wayunyuhutwela la ekonwelo lu ahafu awo. Nyu nyayutumba, nyayulimbolimbo uku esongo wa ngombe uma lʼukutu.

Mateu 27:54

Lamʼakenyi olombodi wʼalimbi la wane wakalamaka la ndi Jesu, udidimu wa kete la akambu wakatshama, vo wakuki woma efula. Vo wakati vati: Mete, one aki Onʼa Unyashungu!

Luka 23:40

Keli ukina akuhangwela, akati ati: We huki Unyashungu woma, ne dia we akanyema pupu?

Romo 11:20

Osoku mbedio. Vo wakahimbwama ne dia uhedia awo, keli we atushikikalaka uma lu mbetawo kaye. Tuyasemaki, keli ukaki woma.

1 Petero 5:6

Okone nyuyakitshakitsha la tshina dia lunya la wulu la Unyashungu, dia ndi nyumbiya lamʼayukuka etena kanyu.

Enyelo 15:4

Khumadiondjo, akona ahukuka woma, Ndu ahutumbula lukumbu laye na? Ne dia weme utu keli ekila. Wedja tshe wayuya, wayukotemola, Ne dia etsha aye wʼololo wambenama.