Jeremiya 42:11 - La Bible en Otetela (Bible K'Ekila) 1991

¹¹ Tanyukaki khumʼekanga ka Babilona, lukanyu woma, woma. Tanyuwukaki woma, ne dia dimi leko kame la nyu dia nyushimbela ndu dia nyutshungula uma lʼanya andi, mbata Latuyalaka.

Jeremiya 42:11 Iomraidhean Croise

2 Khumi ya Dikanga 25:26

Ku antu tshe ndu wa tshitshe ndu a waki, ndu elombodi wʼalimbi wakunela, wakatshu utsha lʼEdjibitu, ne dia vo wakuki asi Kaladiya woma.

Esambu 118:6

Latuyalaka eko la mi wedi, handjuka woma. Kayeya untu ntshelami?

Esambu 46:11

Latuyalaka, Kanga lulimbilimbi, eko la su, Unyashungu a Jakoba, eli lungeli lasu la wuki.

Esambu 46:7

Latuyalaka, Kanga lulimbilimbi eko la su, Unyashungu a Jakoba eli lungeli la su la wuki.

Isaya 41:10

Tukaki woma, dimi leko la ye. Tuyakiyanyaki, dimi keli Unyashungu aye. Dimi layukukikitsha, layukukimanyia, Layukusukela ololo la lunya lami la pami.

Isaya 43:2

Lamʼayuyetetaka lu ashi, dimi layuyalaka la ye; Ndu lam ayuyutehoka ndjali, yo hayukuditsha. Lamʼayuyokendakendaka lu dja, Yo hayukutshumba, kuyanga lumbi halukudinga.

Isaya 43:5

Tukaki woma, ne dia dimi leko la ye. Dimi layukaluya diuhu diaye uma lʼehutwelu, Ndu layudisanganya uma lʼedjelu.

Jeremiya 1:19

Vo wayukolosha, keli vo hawukolembia, ne dia dimi leko kame la ye dia nkutshungula, mbatami, dimi Latuyalaka.

Jeremiya 1:8

Tuwaukaki woma, Ne dia dimi leko kame la ye dia nkutshungula, mbata Latuyalaka.

Jeremiya 15:20

Dimi layukete eheli kʼohotela le wudja one. Vo wayukolosha, keli hawukolembia, Ne dia dimi layuyala la ye Dia nkushimbela la nkutshungula, mbata Latuyalaka.

Jeremiya 27:11

Keli wudja wayetawo mbidja kingu yawo lu lokoho la khumʼekanga ka Babilona dia ndjala lʼokongo andi, wudja ako mbayumutshika lu kete yawo. Vo wayuyikambaka, wayudjaseka loko, mbata Latuyalaka.

Jeremiya 27:12

Dimi lakatela Zedekiya, khumʼekanga ka Juda, aui aso tshe nti: Nyetawo mbidja kingu yanyu lu lokoho la khumʼekanga ka Babilona, dia ndjala lʼokongo andi, ndi la wudja andi, mbayunyulumba.

Jeremiya 27:17

Tanyulungaki, nyuyali lʼokongo a khumʼekanga ka Babilona, mbayunyulumba. Okoko wana wukuki usumba one nanyema?

Jeremiya 41:18

etali uma le asi Kaladiya. Vo wakawukaka woma, ne dia Ishamele, onʼa Netaniya akadiaki Ngedaliya, onʼa Ahikame, lakadji khumʼekanga ka Babilona umbuledi wa kete.

Walelu 14:9

Keli dikambu otoi, tanyuhendwelaki Latuyalaka, kuyanga mbuka antu wa la kete wotna, ne dia vo wayuyala ma diasu. Vo kema la usuko wa mbasukela ntu. Latuyalaka eko la su; tanyuwaukaki woma.

Mateu 10:28

Tanyukaki wane wadiaka alimba woma, keli haweyi ndjaka lumu. Keli nyuleki mbuka one lukuki ndiaka ndu lumu ndu dimba lu luwinga la dja woma.

Mateu 28:20

Nyuwaetshaki dia ntsha akambu tshe wamumunyutela. Nyulungi, dimi leko la nyu nshi tshe, edja ndu ekumelu kʼandja.

Etsha wa Atumami 18:10

ne dia dimi leko la ye, nduku untu layukahe lunya dia nkutshela kolo: ne dia dimi la antu efula lʼusumba one.

Romo 8:31

Kayututa lu akambu ane? Naka Unyashungu eko la su wedi ayeya ntahamela na?

Euhwelu kʼElembe 20:4

Latuyalaka, Unyashungu anyu, atutshokaka kame la nyu dia nyolwela la atunyi anyu, dia nyusha elembielo.

2 Timote 4:17

Keli Khumadiondjo akemala la mi, akankikitsha, dia dimi mvutelaka antu diui ololo, la dia asi wedja tshe mbuka. Dimi lakahandi uma lʼunyo a tambwe.

Jashua 1:5

Nduku untu ayuyala la wulu wa memala la ntundu kaye lu nshi tshe ya lumu laye. Dimi layuyalaka la ye, uku akimi la Mose; dimi halukutshika, halukoseka.

Jashua 1:9

Dimi kunkutela? Ukikitali, uyali la dihunga. Tateki asulu, tukaki woma, ne dia Latuyalaka, Unyashungu aye, ayutayalaka la ye lu ahuli tshe wayuyutatshokaka.