Jeremiya 42:10 - La Bible en Otetela (Bible K'Ekila) 1991

¹⁰ Naka nyu nyayutshikala lu kete nye, dimi layunyushikike loko. Dimi halunyudiaka. Dimi layunyune, halunyu-nula, ne dia lambuyatshumuya dia kolo kakamanyutshela.

Jeremiya 42:10 Iomraidhean Croise

2 Samuele 24:16

Lamʼakasimbula ondjelo lunya utsha la Jerusalema dia yilanya, Latuyalaka akalembe utema dikambu dia kolo kako. Ku ndi akatela ondjelo wakadiakaka antu ati: Ambukuka! ukitsha lunya. Ondjelo wa Latuyalaka aki lasuki la dihuli diʼesuswelu ka Arauna, usi Jebuse.

Esambu 102:16

Latuyalaka ayuhika Siona. Ndi ayene lu lutumbu landi leko.

Esambu 106:45

Ndi akuho daka diandi le wo, Akalembe utema, ne dia efula ka ngandji kandi ka shikaa.

Esambu 37:3

Ekamaki Latuyalaka, utshaki ololo, Ku we ayudjase la kete, ayulutshama uma lu kolamelu yandi.

Esambu 69:35

Unyashungu ayushimbela Siona, ayuhika esumba wa Juda ntu. Ku ekambi andi wayudjaseka loko, wayuyikita.

Etumbelu 32:14

Latuyalaka akalembe utema uma lu kolo kakandakani dia ntshela wudja andi.

Jeremiya 24:6

Dimi layuwaendaka dia mbatshela ololo dimi layakaluya lu kete nye. Dimi layashikike, haluwahandjula. Layuwaune, haluwakula.

Jeremiya 26:19

Hezekiya, khumʼekanga ka Juda, la Juda tshe wakudiaki uka? Undi, ndi kumbuka Latuyalaka woma? Ndi konsengasenga Latuyalaka dia ndi mbuka ketshi? Latuyalaka konemba utema lu elanyelu kakandati dikambu diawo uka? Shu tuyanga ndjatungela unungu a wuki.

Jeremiya 27:11

Keli wudja wayetawo mbidja kingu yawo lu lokoho la khumʼekanga ka Babilona dia ndjala lʼokongo andi, wudja ako mbayumutshika lu kete yawo. Vo wayuyikambaka, wayudjaseka loko, mbata Latuyalaka.

Jeremiya 31:28

Uku akamawaendaka dia mbakula, mbahandjula, mbalembia, mbalanya, la dia mbasuya, wuhu ako mbayumuwaendaka dia mpika la dia mune, mbata Latuyalaka.

Jeremiya 33:7

Dimi layukaluya asi Juda ndu asi Isariyele wakatolama lu fumbi. Dimi layashikike uku akiwo nshi ya ntundu.

Jeremiya 43:4

Okone Johanana, onʼa Karea, elombodi tshe wʼalimbi, la wudja tshe kunkitanyia diui dia Latuyalaka dia vo mbidjase lu kete ya Juda.

Ezekiyele 36:36

Wedja wakatshikala wa lʼetshimba anyu, wayeya vati: Dimi Latuyalaka kakahiki ahuli wakanyuko, ndu kakune diango lu ahuli wʼelanyelu Dim. Latuyalaka kateketa, layutsha osoku.

Hosea 11:8

Ukundi eyami nkukadja, we Efarayima? Ukundi eyami nkukimo, we Isariyele? Ukundi eyami nkete uku Adem? Ukundi eyami nkutshela uku Zeboyima? Utema ami ambulungula; Ketshi kami kambuyala otekoya.

Joele 2:13

Nyati etema anyu, aha ahondo. Nyukaluli le Latuyalaka, Unyashungu anyu, Ne dia ndi eli kanga ketshi la ngandji ka shikaa. Ndi huki kele esadi, eko too la ololo wa mamba, Ndu atolembaka utema lu kolo katundulangaka ntuma.

Amose 7:3

Latuyalaka akalembe utema lu dika mbu so; Dio hadiuyala, mbata Latuyalaka.

Amose 7:6

Latuyalaka akalembe utema lu dikambu so; Ndu dikambu diako hadiuyala, mbata Latuyalaka.

Jona 3:10

Unyashungu akenyi etsha awo uku akawakalula uma lu mbuka kawo ka kolo. Ndi akalembe utema lu kolo kakandati dia mbatshela, ndi kunkitsha.

Jona 3:4

Jona akatatela mboto lʼusumba lokendo la lushi otoi, akahangohango, akati ati: Nshi akumi anei tshu mbambutshikala dia Niniva nanyema.

Jona 4:2

Ndi akalombe Latuyalaka ati: Latuyalaka li, ulungi, aha dikambu ne mbakamatakutedi lamʼakimi lu kete yasu? Uma lu dikambu diako, mbakamasamanya dia ndawo utsha la Tarashishi. Dimi lakeyi nti. We eli Unyashungu, kanga ngandji ka mamba, lahatukaka kele esadi, luludi too la ngandji ka shikaa, latolembaka utema, diaha ntshela antu kolo.

Etsha wa Atumami 15:16

Lʼokongo wʼakambu aso, dimi layukalula. Dimi layuhika etumbu ka Davidi ntu, kakanyuko. Layolongosola diango diato diakalana, layukieme.

Euhwelu kʼElembe 32:36

Latuyalaka ayamela wudja andi; Ayuka ekambi andi ketshi Lamʼayundena ati: Wulu awo ambushila, La nduku otoi wekeko, fumbi kana luyadjasedi.

Embadi 2:18

Lamʼakatundjiya Latuyalaka embadi, Latuyalaka akayalaka kame lʼumbadi, akashimbela uma lʼanya wʼatunyi awo lu nshi tshe ya lumu lʼumbadi ako. Ne dia Latuyalaka akalembe utema lamʼakawakhumaka akhumu ne dia asui wakawasuyaka.