Jeremiya 41:1 - La Bible en Otetela (Bible K'Ekila) 1991

¹ Lu ngondo kʼesambeli, Ishamele, onʼa Netaniya, onʼa Elishama, a lu diuhu dia khumʼekanga, akatshu ndi la dihangamendi dia khumʼekanga la apami dikumi la Mizipa le Ngedaliya, onʼa Ahikame. Vo wakatole ma kame la Mizipa.

Jeremiya 41:1 Iomraidhean Croise

2 Samuele 3:27

Lamʼakatakalulaka Abinere utsha la Heberona, Joaba akaweti lʼedia lukuki lʼusumba, uku layanga mbutela dikambu lu sheki. Ndi akuhiki lukuwa lu dikundju, ku ndi akavu, dia nsomboya dikila diʼonangu Asahele.

2 Khumi ya Dikanga 11:1

Lamʼakenyi Ataliya, nyangu Ahaziya ati: Onʼandi a pami ambuvo, ndi akunela, akadiaki khumbu tshe ka khumʼekanga.

2 Khumi ya Dikanga 25:22

Nebukadineza, khumʼekanga ka Babilona, akadji Ngedaliya, onʼa Ahikame, onʼa Shafana umbuledi wʼatshikadi a wudja, wakandatshiki lu kete ya Juda.

2 Khumi ya Dikanga 25:25

Keli lu ngondo kʼesambeli, Ishamele, onʼa Netaniya, onʼa Elishama, uma lu diuhu dia khumʼekanga, akayi, ndi lʼantu dikumi, akayokomola Ngedaliya, akudiaki ndi la asi Juda, la asi Kaladiya waki kame la ndi la Mizipa.

2 Ekondo 22:10

Lamʼakenyi Ataliya, nyangu Ahaziya, ati: Onʼandi a pami ambuvo, ndi akunela, akadiaki ana wʼapami tshe wa lu diuhu dia khumʼekanga ka Juda.

Esambu 109:5

Vo watukaluyaka kolo lʼololo, La lutunu lu ngandji kami.

Esambu 41:9

Ndu ongenyi ami lakambekamaka, Lakalekaka la mi ma, Ambompota ina.

Tukedi 13:10

Uma lʼutaku, mbatuyakaka ta. Keli one latukaka alaku wʼololo, atuyalaka la yimba.

Tukedi 27:4

Ududu eli kanga usihi, la kele eli kanga pedu. Keli, akona ayeya memala la ntundu ka kandjema?

Jeremiya 36:12

ndi akahulo utsha lu luudu la khumʼekanga, lu luudu la lʼetei lʼufundji. Ndi akatani ewandji ene tshe wudjashi: ufundji Elishama, Delaya, onʼa Shemaya, Elenatana, onʼa Akebore, Ngemariya, onʼa Shafana, Zedekiya, onʼa Hananiya, la ewandji ekina tshe.

Jeremiya 36:20

Lʼokongo diku, vo wakatshu le khumʼekanga lu seke, keli vo wakatatshiki buku lu luudu la lʼetei lʼufundji Elishama. Vo wakatusanyia khumʼekanga aui tshe.

Jeremiya 39:14

wakatosa Jeremiya uma lu seke dia luudu la lukanu. Vo wakayukimo le Ngedaliya, on a Ahikame, onʼa Shafana, dia ndi mbotola lakandi. Ku ndi akatudjase lʼatei a wudja.

Jeremiya 40:13

Johanana, onʼa Karea, la elombodi wʼalimbi waki lʼesui, wakatshu la Mizipa le Ngedaliya.

Jeremiya 40:5

Naka we nangaka ntshikala, ukaluli le Ngedaliya, onʼa Ahikame, onʼa Shafana, lakadji khumʼekanga ka Babilona umbuledi wʼesumba wa Juda. Kutudjase la ndi lʼatei a wudja. Naka aha osoku, utshu lu ahuli tshe walangaye ntsho. Ku olombodi wʼalimbi akawusha mbu ya nde la eshasha, akalakana la ndi.

Jeremiya 40:6

Jeremiya akatshu utsha la Mizipa le Ngedaliya, onʼa Ahikame, akatudjase la ndi lʼatei wʼantu wakatshikala lu kete.

Jeremiya 40:7

Lamʼakuki elombodi tshe wʼalimbi waki lʼesui, vo lʼasikawo, lukumu ati: Khumʼekanga ka Babilona akadji Ngedaliya, onʼa Ahikame, umbuledi a wudja, vo wakakimo apami, amantu, ana, la asi wula wa lu kete wakiwo kontola fumbi utsha lu Babilona lu anya andi,

Jeremiya 40:8

ku vo wakayi la Mizipa le Ngedaliya. Vo ane: Ishamele, onʼa Netaniya, Johanana la Jonatana, ana wa Karea, Seraya, onʼa Tanihumeta, ana wa Efai, usi Netofa, la Jezaniya, onʼa usi Makata, vo la antu awo.

Ezekiyele 17:13

Ndi akose untu omotshi uma lu khumbu ka khumʼekanga, akadji la ndi sheki, akutshibia. Ndi akatole antu a waki uma lu kete,

Joani 13:18

Aha nyu tshe mbatami: dimi mbeyaka wane wakamasonola. Keli dieli la afundelu nshidiyama ati: One latolekaka ma diami, kambompota ina.