Jeremiya 4:9 - La Bible en Otetela (Bible K'Ekila) 1991

⁹ Lushi lako, utema wa khumʼekanga la etema wa ewandji wayuyala ashi atu. Elombedi wayukashimo, amvutshi wayukanana, mbata Latuyalaka.

Jeremiya 4:9 Iomraidhean Croise

2 Khumi ya Dikanga 25:4

Asi usumba wakatundula wushu lu lukumbu lʼusumba, ku khumʼekanga la alimbi tshe wakatumbi lʼutshu lu mbuka ka la suku lʼasa peli pendi, lasuki lʼekambo ka khumʼekanga, wakalawo. Etena kako asi Kaladiya wakadingi usumba tshe. Ku andawi wakakime mbuka kʼutsha lʼusui wa Araba.

Esambu 102:4

Utema ami wambokomwama, wambolengela uku adiyu; Lambuhela ndu nde ma.

Isaya 19:16

Lu lushi loso, asi Edjibitu wayuyala uku amantu. Wayudidima la woma, lamʼayeteta lunya la Latuyalaka Kanga lulimbilimbi ladiku diawo.

Isaya 19:3

Etema wʼasi Edjibitu wayushila wulu. Dimi layufutanya sangweyu diawo. Ku vo wayutumbula dikishi, akanga wʼaloho, Wane watoteketshaka djimu la wane watendjaka wetshi.

Isaya 28:19

Tena tshe diayukietaka, to kayunyundaka, Ne dia to kayetaka pindju tshe, ndu la yanyi ndu lʼutshu. Untu tshe layuka lukumu lato, ayudidima la woma.

Jeremiya 2:26

Uku atolomboka uvi lamʼatuwuwundaka, Osoku mbambolombo wa lu luudu la Isariyele: Vo la khumi ya dikanga yawo la ewandji awo, elombedi awo la amvutshi awo.

Jeremiya 25:34

Nyu alami wʼekoko, nyudi tukuku, nyuleli, Nyu elombodi wa dungalunga, nyungito lu etuku! Ne dia nshi yʼedianganyelu La ediakamelu kanyu yambukuka. Nyu nyayudiakema uku ekoko wʼushinga a wulu.

Jeremiya 37:19

Kakiane, lendʼeli amvutshi anyu wakanyutelaka akambu wahatayi vati: Khumʼekanga ka Babilona huya dia ndjolo la nyu, kuyanga la kete nye?

Jeremiya 48:41

Esumba wutsha mpandjwama, ngeli yutsha mbosama. Unja oso, etema wʼandoshi wa ta wa Moaba wutsha ndjala Uku wa umuntu latata lono.

Jeremiya 5:31

Amvutshi watutaka kashi lu akambu wahatayi. Elombedi watulelaka antu uku alangawo. Ku wudja ami watongenangenaka akambu aso. Lʼekumelu kʼakambu ako, kayunyutsha na?

Jeremiya 52:7

Asi usumba wakatundula wushu lu lukumbu lʼusumba. Ku khumʼekanga la andoshi wa ta tshe wakatumbi lʼutshu lu mbuka ka la suku lʼasa peli pendi, lasuki lʼekambo ka khumʼekanga, wikalawo. Etena kako asi Kaladiya wakadingi usumba tshe. Ku andawi wakakimela mbuka kʼutsha lʼusui wa Araba.

Etsha wa Atumami 13:41

Nyendi, nyu amonyodi, nyambi, nyuvu; Ne dia dimi lambutsha ulimu lu nshi yanyu, Ulimu wahanyakuki mbetawo, naka untu ayunyutela.