Jeremiya 4:8 - La Bible en Otetela (Bible K'Ekila) 1991

⁸ Nyolote akutu, nyuleli, nyusekhumi lʼalelu lu dikambu ne, Ne dia kele ka wulu ka Latuyalaka hakadimo uma le su.

Jeremiya 4:8 Iomraidhean Croise

Esambu 78:49

Ndi akawauki kele ka mamba, Yenyi, ududu, la etshuku, ului wʼakendji wʼelanyelu.

Isaya 10:4

Vo wayukutakuta lʼului wʼasi lukanu, Wayoko lʼului a waku wambudiakema. Kuyanga osoku, kele kandi hakitakita, Ndu lunya landi lakasimbemadi.

Isaya 13:6

Nyudi tukuku ne dia lushi la Latuyalaka laya suki. Lo layuya uku elanyelu uma le Kanga-Wulu-Tshe!

Isaya 22:12

Lushi lako, Khumadiondjo, Latuyalaka Kanga lulimbilimbi, Akanyeti dia nyu ndela la ndjakomola lu tulu, Dia nyu minya divu la ndota akutu.

Isaya 32:11

Nyu amantu watudjaseka udjasedjase, nyudidimi. Nyu wane watuyasemaka, nyuyali la woma! Nyukululi ahondo, nyuyali etakataka, Nyolote akutu lu kendi yanyu.

Isaya 5:25

Okone kele ka Latuyalaka kambufulanela le wudja andi. Ndi ambusimbula lunya landi dia mbasuya; Ekungu wambudidima; Ndu edu awo wambuyala uku ndjetete lu esese. Kuyanga akambu aso tshe wakatshama, kele kandi kumumo. Ndu lunya landi lakasimbwi tshu.

Isaya 9:12

Asi Suriya lu leke lʼehutwelu, La asi Filistiya lu leke lʼedjelu ka unya, Ku vo wayumana Isariyele lʼenyo hwe. Kuyanga osoku, kele kandi hakitakita, Ndu lunya landi lakasimbemadi.

Isaya 9:17

Okone Khumadiondjo hangenangena dia elongo awo wʼapami, Kuyanga mbuka ana awo wa ditshiki kana wadi waki edu awo ketshi. Vo tshe weli amonyodi la atshi wa kolo, Ndu enyo awo tshe nteketaka oteketateketa. Kuyanga osoku, kele kandi hakitakita, Lunya landi lakasimbemadi.

Isaya 9:21

Manase ayole Efarayima, la Efarayima, Manase, Ku vo ahendi wayolosha Juda. Kuyanga osoku, kele kandi hakitakita, Lunya landi lakasimbemadi.

Jeremiya 25:34

Nyu alami wʼekoko, nyudi tukuku, nyuleli, Nyu elombodi wa dungalunga, nyungito lu etuku! Ne dia nshi yʼedianganyelu La ediakamelu kanyu yambukuka. Nyu nyayudiakema uku ekoko wʼushinga a wulu.

Jeremiya 30:24

Kele ka wulu ka Latuyalaka hukitakita, Edja ndu ndi ambutsha, Ambushidiya sangweyu diʼutema andi. Nyu nyayulimbitela dikambu ne lu nshi yayayi.

Jeremiya 48:20

Moaba ambutshama sonyi, ne dia vo wambulanyema. Nyusekhumi lʼalelu, nyudi tukuku. Nyusanya lukumu lʼumamu wa Aronona nyati:

Jeremiya 6:26

We ona umuntu a wudja ami, olote akutu, ukidimo lʼutuku; Uleli utanda uku wʼona pami etoi, okedia asoi wʼokei, Ne dia unanyishi ayuya shashimuya le su.

Delu dia Jeremiya 1:12

Undi, uku kema dikambu le nyu, Nyu wane watetaka laawo? Nyendi, nyenyi naka lunyangu lomotshi leko Uku lunyangu lami, lambuya le mi, Lako lakansuya Latuyalaka lushi la kele kandi ka wulu.

Ezekiyele 21:12

We onʼa untu, uleli, udi tu kuku, ne dia yombo yambukuma le wudja ami ndu le ewandji wa Isariyele tshe. Vo wambukimwama utsha le yombo, vo la wudja ami, okone nyuyakomole lu pelohelo la okei.

Ezekiyele 30:2

Onʼa untu, uti akambu wahatayi wati: Khumadiondjo Latuyalaka kata ati: Nyukhumi akhumu lu lushi lone la lunyangu!

Joele 1:13

Nyu elombedi, nyolote akutu, nyuleli; Nyu ekambi wa lʼediakelu, nyudi tukuku. Nyu ekambi wa Unyashungu ami, nyuyi, Nyuhutuya unya lʼakutu lu kindi, Ne dia elambu wa shima la wa lutela hawenama ntu Lu luudu la Unyashungu anyu.

Amose 8:10

Dimi layukadimula nshi yanyu ya waki utanda, La kimbu yanju tshe delu. Dimi layunyolotsha akutu lu kindi tshe, Layunyete awandji lʼete tshe. Dimi layete wudja lʼutanda uku wa ona pami etoi, La ekumelu kawo uku lushi lʼokei.

Mika 1:16

Unya divu diaye, Utshiki diketo lu dikambu dia ana watuyulangaka. Okokole diketo diaye uku pungu, Ne dia vo wambumo la le ye, Wambutsho etali lu fumbi.

Walelu 25:4

Latuyalaka akatela Mose ati: Usanganya ewandji tshe a wudja, uhane antu wa kolo ane lu yanyi la ntundu kami, dimi Latuyalaka, dia kele kami ka wulu mumo uma le asi Isariyele.