Jeremiya 4:30 - La Bible en Otetela (Bible K'Ekila) 1991

³⁰ Keli nyu asi usumba, lamʼayunyulanyema, ayunyutsha na? Kuyanga nyu nyatolotaka ahondo wa tilili, Nyatuyalengaka denealenga dia paunyi, nyatukitaka alangi lu ashu, Ndu nyatuyaenyaka pa anyanya dia ndjaete amena, Anangimi anyu watunyonyolaka, watulangaka nyudiaka.

Jeremiya 4:30 Iomraidhean Croise

2 Khumi ya Dikanga 9:30

Lamʼakakumi Jehu la Jezerele, Jezebele akuki lukumu. Ndi akakiti yula lu ashu, akalongosola divu, akendaka lu didishi.

Tukedi 6:25

Tokomiyaki lʼutema aye ne dia dimena diandi, Tolembiamaki uma lʼehohiyelo kandi kʼashu.

Tukedi 7:10

Enda, umuntu omotshi akahumana l ndi, Akalote ahondo wa luseka, la utema wa lukesu la wulu.

Isaya 10:3

Kayunyutsha lu lushi lʼelumbwelu, Lamʼayuya elanyelu le nyu uma lʼetali? Le na ayunyulawo dia nkundja ekimanyelu, Ndu lendi ayunyutatshiki lutumbu lanyu?

Isaya 20:6

Lʼetena keso, antu watudjaseke lʼumamu wʼashi a waki wayuta vati: Nyendi uku ambuyala elungamelu kasu, le waku wakatalawo le wo dia nkimanyiama la ntshungwama le khumʼekanga kʼAsuriya. Keli kakiane, ukundi ayutuhanda na?

Isaya 33:14

Antu wa kolo wa lu Siona wambuka woma, Amonyodi wa Unyashungu wambusaka lukumba. Akona lʼatei asu ukuki mbidjase lasuki la dja yadikita? Akona lʼatei asu ukuki mbidjase lasuki la nyumbi ya dja ya pundju?

Jeremiya 13:21

Ayuyuta na, lamʼayuwukitsha waku wakayetshaka Dia ndjala engenyi aye latiku diaye? Undi okei hawukundi uku atuwundaka umuntu latata lono?

Jeremiya 22:23

We ludjashi lu Lebanona, leli la kefu lʼatei wʼesasi, Ndi akhumu wayuyukhuma lamʼayukuma toshoko le ye, Uku ta umuntu latata lono li!

Jeremiya 30:14

Wane wakakukaka ngandji, wambukuhela, nduku lakukanela, Ne dia dimi lakakuhumuya puta uku utunyi. Dimi lakakusuya la ngala, ne dia efula kʼehedia aye, Ndu ne dia wuki wa kolo yaye.

Jeremiya 5:31

Amvutshi watutaka kashi lu akambu wahatayi. Elombedi watulelaka antu uku alangawo. Ku wudja ami watongenangenaka akambu aso. Lʼekumelu kʼakambu ako, kayunyutsha na?

Delu dia Jeremiya 1:19

Dimi laketi elangimi ami, keli vo wakankesi. Elombedi ami la dihangamendi diami wakavu lʼusumba Lamʼakawayayangaka ma, dia nkikitsha alimba awo.

Delu dia Jeremiya 1:2

Usumba watulelaka wulu lʼutshu; Atama awo watukumbamaka lʼasoi. Lʼatei wʼelangimi awo, nduku lusamba. Engenyi awo tshe wakukesi; Vo wambuyala atunyi awo.

Delu dia Jeremiya 4:17

Ashu asu wakayala lungi lamʼakatendaka wendenda dia nkundja ekimanyelu. Lu endelu kasu, shu takendelaka. Le wudja waki kumbeya ntushimbela.

Ezekiyele 28:13

We aki lu Edena, ekambo ka Unyashungu. We akayakumbi la wehu tshe wʼave wʼushinga a wulu: Dive dia tilili, diʼendondo, dia pesopeso, Diʼekesekese, diʼetukutuku, diʼawadi awadi, Diʼeleselese la diʼekesekese, la paunyi. Yimba ya ntsha ngomo yaye la pungi yaye yaki le ye; Lu lushi lakayatungama, mbakawalongoswama.

Ezekiyele 28:9

Undi, we ayuyata ntu la ntundu kʼundjaki aye Wati: Dimi keli Unyashungu? We kema Unyashungu, we eko paka untu Lu anya wa one lakudiaka.

Obadiya 1:7

Antu tshe wakadji la ye sheki, Wakakutshanya lu mbuka kaye pulu ndu lʼulelu. Antu wakadjashi la ye ki wakakukesi, wakakolembia. Engenyi aye wakayekamaka, Wambukamba djunga Keli we heyi dikambu diako.

Heberu 2:3

ukundi ayutuhanda, naka tambukale panda kene ka wuki? To kukatutela Khumanioadjo ntundu, ndu kakashikikala le su uma le wane wakakiuki.

Enyelo 17:13

Vo weli la utema otoi, watukimoka wulu awo la diulelu diawo le nyama kako.

Enyelo 17:2

Khumi ya dikanga ya la kete wakunana la ndi, ku wa la kete wakadjo la ndi wanu wa luseka.

Enyelo 17:4

Umuntu oso akalote ahondo wa belaa la wa tilili, akalengama la diango dia paunyi la mboko yʼushinga a wulu la mboko yʼakeso. Ndi aki la dikoho dia paunyi diuludi too la akambu wa ndjetete lu lunya landi, waki akambu wa mindu la wa luseka landi.