Jeremiya 4:3 - La Bible en Otetela (Bible K'Ekila) 1991

³ Okone mbatela Latuyalaka Asi Juda la asi Jerusalema ati: Nyutafusaka kete, tanyuneki wehu lu atende.

Jeremiya 4:3 Iomraidhean Croise

Etatelu 3:18

We ayolekaka tumbatumba uma lʼekambo, keli atende la ahangulakoi wayutumbaka lu kete dikambu diaye.

Etumbelu 23:11

Keli lu eleku kʼesambeli, kuyitshiki djasha, tuyikambaki. Osoku asi wula wa lu wudja ami wayole diango uma loko. Ku nyama ya lʼukunda yayole diango diayutshikala loko. Osoku mbayunyutsha lʼekambo ka vinyo ndu kʼetamba wʼeweli.

Hosea 10:12

Nyuyauneli ololo, Ku nyu nyayuna elua wa ngandji ka shikaa, Nyukambi dikambo diʼeyuyu. Etena ka nyanga Latuyalaka kambukuka, Edja ndu lamʼayunduya dia ndjunyoloshiya akambu wʼololo.

Mateu 13:22

One lakukama lʼatei wʼatende eli untu latukaka diui, ku tukanyi ta akambu wa la kete, la lukesu lʼekundji, atutshidiaka diui. Ku ndi ambuyala aha la tongo.

Mateu 13:7

Wehu ekina wakako lu atende; atende wakuli, waketshidia.

Mako 4:7

Wehu ekina wakako lʼatei wʼatende. Atende wakuli, waketshidia, ku vo kumbidja tongo.

Luka 8:14

Wuhu wakako lʼatei wʼatende, eli antu watukaka diui, ku lamʼatshowo lu mbuka yawo, watutshidiamaka la ndjakanela, la ukundji, la ongenongeno wa lumu lone, hawuluwanya nduku ulua.

Luka 8:7

Wehu ekina wakako lʼatei wʼatende. Atende wakuli la wo, waketshidia.