Jeremiya 4:22 - La Bible en Otetela (Bible K'Ekila) 1991

²² Wudja ami weli dinginya, vo hawumbeyi. Vo weli ana waha la tumba, vo kema la ewu. Vo weko la yimba ya ntsha kolo, Keli ewu ka ntsha ololo kema le wo.

Jeremiya 4:22 Iomraidhean Croise

Etatelu 39:16

Ndi akakitsha dihondo dia Josefu lasuki la ndi edja ndu lamʼakakalula khumemi lu luudu.

2 Samuele 13:3

Keli Aminona aki la ongenyi lukumbu landi Jonadaba, onʼa Shimeye, onangu Davidi. Ndi aki kanga lukesu efula.

Esambu 36:3

Aui wa kolo ndu wa lukesu weko lʼunyo andi. Ndi ambuheko dia ndjala la yimba ndu ntsha ololo.

Esambu 36:4

Lamʼetamindi, ndi atusanguyaka ntsha kolo. Atuyadjaka lu mbuka ka kolo; Ndi hatengaka kolo diengekhu.

Esambu 53:4

Wane watutshaka akambu wa kolo waha la yimba uka? Vo watolekaka wudja ami uku atuwolekaka ma. Keli vo hawutetaka Latuyalaka dia mbotemola.

Esambu 82:5

Antu ako haweyi, hawumani fundu. Vo watokendakendaka lu udjima. Atshina tshe wa kete wambusutshasutshama.

Tukedi 28:5

Antu wa kolo hawutulimbitelaka elumbwelu kʼololo. Keli waku watuyangaka Latuyalaka, mbatumanaka akambu tshe fundu.

Isaya 1:3

Ngombe atulimbitelaka khumeto, Ndu punda elelu ka khumeto. Keli Isariyele haweyi nduku yema, Wudja ami hawukani yimba.

Isaya 27:11

Lamʼayolengela avundja, vo wayuhimbwama, Ku amantu wayuya, wayatshumba. Wudja one kema la yimba, Okone one lakatungi huwauka ketshi, Ee, one lakatungi huwahumuya lukulu lʼolo.

Jeremiya 10:8

Ditemolatemola tshe dieli anyanya, diaha la yimba. Wetshelu awo weli paka anyanya. Dio dieli paka etamba.

Jeremiya 13:23

Undi, usi Etiyopiya mbeyaka nkadimula lowa landi, Kuyanga koi awadi ato? Okone nyu wane watekelaka akambu wa kolo Mbeyaka ntsha ololo uka?

Jeremiya 2:8

Elombedi kumumbula vati: Lendʼeli Latuyalaka? Ndu embetsha wʼelembe kumbeyakami, Ndu elombodi wakampediaka, Ndu nmvutshi wakateketaka akambu wahatayi uma le Bala, Wakayelaka diango diaki kumbeya mbakimanyia.

Jeremiya 4:21

Edja ndu kaandi ajumukimo mena ekuhu ka koi, Ayumukimo mbuka lundju la dimama?

Jeremiya 5:21

Nyulungi dikambu ne, nyu wudja wa dinginya, nyaha la ewu. Nyu nyeko la ashu, keli hariyenyi; nyu nyeko la atui, keli hanyuki.

Jeremiya 5:4

Dimi lakati nti: Mete, asi wula mbewo, Akanga a dinginya. Vo haweyi mbuka ka Latuyalaka, kuyanga elembe wa Unyashungu awo.

Jeremiya 9:2

Dimi lambukumbula luudu lʼamengodi lʼusui wa shenga, Dia dimi ntshika wudja ami, la mangana la wo etali, Ne dia vo tshe weli akanga a luseka, Ului wʼakanga a lukesu.

Jeremiya 9:3

Vo watukutulaka nimi yawo uku eta dia mbuka kashi; Aha uma lu mete kambuwuyala la wulu lu kete. Vo watutshokaka uma lu kolo utsha lu kolo, Hawumbeyi, mbata Latuyalaka.

Jeremiya 9:5

Vo tshe wayukesanaka, hawuti a kambu wa mete. Vo watekiyaka nimi yawo dia mvuta kashi, Watuyatshutshiyaka dia ntsha kolo.

Ezekiyele 16:30

Khumadiondjo Latuyalaka kata ati: Ndi wuhu wa wodu weli lʼutema aye, dia ntsha akambu ane tshe uku umuntu kanga luseka, lahuki sonyi li!

Hosea 4:1

Nyulungi diui dia Latuyalaka, nyu asi Isariyele! Latuyalaka eko la wane wudjashi lu kete dikambu, Ne dia nduku kolamelu kuyanga ololo, Nduku ewu ka Unyashungu lu kete.

Hosea 4:6

Wudja ami wambulanyema ne dia uhumba wʼewu. Ne dia we akatuni ewu, dimi layukutuna ntu, Ndu layukunya uma lʼulimu ami wʼolombedi. Ne dia we akuhela elembe wa Unyashungu aye, Osoku ndu dimi layuhela anʼaye.

Hosea 5:4

Etsha awo mbashimbaka dia vo nkalula le Unyashungu awo, Ne dia saki ka ntemola ditemolatemola keko le wo; La vo hawulimbitela Latuyalaka.

Amose 3:10

Vo haweyi ntsha akambu wʼusimbwi, Mbata Latuyalaka. Vo watuyaumbelaka diango diʼuma lu akambu wa ngala La uvi lu mvudu yawo.

Mika 2:1

Mananu kayali le wane watukanaka akambu wa kolo, Watutshaka kolo lu tangi yawo! Lamʼatuhutoka unya, vo watukitshaka, Ne dia to keko lu wulu wʼanya awo.

Mika 7:3

Vo wataheka anya awo ladiku dia kene keli kolo, Dia vo nkitsha esadi. Uwandji la umbadi watolombaka mbu yʼutshu. Untu a wuki atutaka lulangu la kolo leli lʼutema andi. Vo watulumamatanyaka kame.

Luka 16:8

Uwandji akandula ulami a kolo, ne dia ndi akatshi akambu wa yimba; ne dia ana wʼetena kene, wambuleka ana wa yanyi yimba lu lolonga lawo.

Joani 16:3

Vo wayutsha akambu aso, ne dia vo haweyi Papa, hawumbeyi.

Romo 1:22

Vo wakayasemaka vati: Akanga a yimba mbesu, keli wakayala dinginya.

Romo 1:28

Uku akawaseke nimbitela Unyashungu, mbakandakimo lu yimba yʼufutanu dia vo ntsha akambu wahasungana.

Romo 16:19

Lukumu lʼukitanyia anyu lambudiangana le antu tshe. Okone dimi ndjalaka la ongenongeno too lu dikambu dianyu. Keli dimi nangaka nyu ndjala akanga a yimba lu akambu wʼololo, la akanga a dinginya lu akambu wa kolo.

Romo 3:11

Nduku untu lamana akambu fundu, Nduku untu latuyangaka Unyashungu.

1 Koreto 14:20

Anyasu, tanyuyalaki uku akenda lu yimba. Nyuyali uku ana wʼashashi lu kolo, keli nyuyali uku dikumanyi lu yimba.

Euhwelu kʼElembe 32:28

Vo weli wudja wakashisha yimba, Ndu waha la ewu.

Euhwelu kʼElembe 32:6

Undi nyu nyambukitshiya Latuyalaka unungu wa dikambu ne, Nyu akanga a dinginya ndu waha la yimba? Aha ndi keli shenyu la utungi anyu, Lakanyutungi ndu lakanyushikike uka?