Jeremiya 4:21 - La Bible en Otetela (Bible K'Ekila) 1991

²¹ Edja ndu kaandi ajumukimo mena ekuhu ka koi, Ayumukimo mbuka lundju la dimama?

Jeremiya 4:21 Iomraidhean Croise

2 Ekondo 35:25

Jeremiya akati aui lu ngengu wa ndela Josiya. Emimbi wʼapami tshe ndu wʼamantu watutaka dia Josiya lu kimbu yawo ya ngengu edja ndu elo. Vo wakayishikike uku etshelu lu Isariyele. Esambu ako wambufundama lu kimbu ya Ngengu.

2 Ekondo 36:10

Lʼetatelu kʼeleku kekina, khumʼekanga Nebukadineza akatumi akendji dia najotola utsha la Babilona, kame la diango diʼulimu diʼushinga a wulu dia luudu la Latuyalaka. Ndi akadji Zedekiya, onangu Jehoyakina, khumʼekanga ka Juda la Jerusalema.

2 Ekondo 36:17

Okone Unyashungu akatumela khumʼekanga kʼasi Kaladiya lakayudiaka elongo awo wʼapami la yombo lʼetei a luudu lʼetemwelo kawo. Ndi kumpandja olongo a pami kana usekaseka a umuntu, usumbi a pami kana u umbi wa lukusumbi. Unyashungu akakimo tshe lʼanya andi.

2 Ekondo 36:3

Khumʼekanga kʼEdjibitu akayuwunya la Jerusalema, akafutsha wudja ulambu wa talata ya fesa lukama, la wa talata otoi ka paunyi.

Jeremiya 4:19

Lambuvo lʼutema, lambuvo lʼutema; Utema ami ambomenya pa, sulu diami diambatate. Dimi haleyi nembohala, Ne dia we utema mi imbuka lundju la dimama, lundju la ta.

Jeremiya 4:20

Wambuta dia elanyelu ladiku diʼelanyelu, Ne dia wudja tshe wambulanyema. Mvudu yami yʼapema yambulanyema shashimuya, Apema ayo wambate lʼetena otoi.

Jeremiya 4:22

Wudja ami weli dinginya, vo hawumbeyi. Vo weli ana waha la tumba, vo kema la ewu. Vo weko la yimba ya ntsha kolo, Keli ewu ka ntsha ololo kema le wo.

Jeremiya 42:14

ndu nyayuta nyati: Kema, shu hatutshikala lu kete nye, keli tayutsho utsha lu kete ya Edjibitu, lene ahatena ta, ahatuka dimama, ndu lene ahatuhumba ma, leko kayutudjase.

Jeremiya 6:1

Nyu asi Bendjamina, nyumo uma lʼatei wa Jerusalema, Nyuyashimbeli, nyutudi amama la Tekoa. Nyuteme djimbitelu ya mbewula antu la Bete-Hakereme! Ne dia elanyelu lu ndjayi uma la ngelʼa kushi, elanyelu ka mamba.