Jeremiya 4:16 - La Bible en Otetela (Bible K'Ekila) 1991

¹⁶ Nyuteli wedja, nvulimbitshiya Jerusalema nyati: Anyingi, wambuya uma lu kete yʼetali, Wambuhangohangwela esumba wa Juda.

Jeremiya 4:16 Iomraidhean Croise

Isaya 34:1

Nyusukani nyu wedja, nyulungi! Nyuhukami, nyu antu! Kete yuki, ndu kene tshe katuyalaka loko, Ndu andja la diango tshe diatutumbaka loko,

Isaya 39:3

Umvutshi Isaya akayi le khumʼekanga Hezekiya, akawumbula ati: Kakakutedi antu ane, la uma lendi akawayi na? Hezekiya akûkaluya diui ati: Vo wakayi le ni uma lu kete yʼetali, uma la Babilona.

Jeremiya 1:15

Dimi layeta antu tshe wa lu waulelu wa la ngelʼa kushi. Vo wayuya, wayushikike untu lʼuntu kiti kandi ka diulelu lʼeotwolo kʼasuku wa la Jerusalema, lu peli tshe dia lukumbu layo, ndu lʼesumba tshe wa la Juda.

Jeremiya 16:6

Antu a waki ndu wa tshitshe wayuvo lu wudja one. Hawuwakhunde, hawuwalela, hawuwakotela puta, ndu hawuwanyela divu.

Jeremiya 2:15

Esongo wa tambwe wudikitela, Wuwasuswe, ndu wambulanya kete yandi. Esumba andi wambutshumbama, nduku untu loko.

Jeremiya 31:10

Nyu wedja, nyuki diui dia Latuyalaka, Nyutudisanya lu asenga tshe weli etali, Nyututi nyati: One lakahandjula Isariyele, ayasanganya ntu, Ayalama uku atulamaka ulami ekoko andi,

Jeremiya 39:1

Lʼeleku ka divwa ka diulelu dia Zedekiya, khumʼekanga ka Juda, lu ngondo ka dikumi kakayi Nebukadineza la ului andi wʼalimbi tshe dia ndjolosha Jerusalema, wakayuyidinga.

Jeremiya 4:17

Vo wambudinga Jerusalema uku wane walama ekambo, Ne dia vo wakantombokwela, mbata Latuyalaka.

Jeremiya 5:15

Ulungi, we wudja wa Isariyele, Dimi lutsha mbela wudja wʼuma lʼetali dia ndjunyolosha, mbata Latuyalaka. Vo weli wudja a wulu, wuija wʼedjedja, Wudja wahanyeyi oteketa awo, kuyanga mana aui awo fundu.

Jeremiya 5:6

Diako mbayadiaka tambwe ka lʼukunda, Mbayalanya laundu la lʼusui wa shenga, Mbayahulanela koi lu esumba awo. Wane tshe wayutumba uma loko, wayundama, Ne dia diakelu diawo diʼelembe diaya efula, La ehedia awo wambufulanela.

Jeremiya 50:2

Nyuteli wedja tshe lukumu, nyudianganya diui. Nyuhane ekuhu ka koi, nyuti lukumu lako. Tanyusheki nduku diui; nyuti nyati: Babilona kambosama! Bele kambutshama sonyi! Merodaka ambowediawediama! Difanelu diawo diambutshama sonyi, Dikishi diawo diambowediawediama!

Jeremiya 6:18

Okone nyu wedja nyuhukami. Nyu ului wʼantu, nyulungi kene kayuyala le wo!

Jeremiya 6:19

Kete li, uhukami! Ulungi, dimi lutsha mbela elanyelu le wudja one, Ulua wa tukanyi tawo, Ne dia vo kumpukama aui ami. Vo wakonyola elembe ami.

Jeremiya 6:22

Latuyalaka kata ati: Nyulungi, wudja omotshi wuyayi uma lu kete ya la ngelʼa kushi; Wudja a wuki wambunela uma lu kuma ka kete.

Jeremiya 6:23

Vo watukimelaka uta la dikonga, Vo weli akanga wʼusihi, waha la ketshi. Aui awo watudikitaka uku ashi a waki. Vo watahemaka la diku dia falasa, Watuyalongosolaka uku untu otoi katatshu utsha lu ta, Dia ndjukolosha we ona umuntu a Siona.

Jeremiya 8:19

Nyuki delu dia ona umuntu a wudja ami, Uma lu kuma ya kete ati: Undi, Latuyalaka, kema lu Siona? Khumʼekanga kawo kema lʼatei awo? Okoko wana wakawambutsha kele La ditemolatemola diawo dia losela, la dia dikishi diʼasi wedja?

Ezekiyele 21:22

Lu lunya landi la pami kaki endelu ka Jerusalema, dia nshikike etamba a waki wa nyukula lukumbu, dia mbufula unyo dia ndela, dia mbedia diui dia luhangu, dia nshikike etamba a waki wanyukula lukumbu, dia ntshima ngeli ndu dia ntsha kumbu ya wulu.