Jeremiya 4:13 - La Bible en Otetela (Bible K'Ekila) 1991

¹³ Enda, unanyishi uyayi uku dingi, Pusupusu yandi ya ta uku punganendji. Falasa yandi ndeka pungu luwangu. Yee! diasu ku! Shu tambulanyema!

Jeremiya 4:13 Iomraidhean Croise

2 Samuele 1:23

Saulu la Jonatana, ambukami ngandji la anangemi! Lu nshi ya lumu ndu la nyoi, vo kunkakitwana; Vo wakalawoka esadi uleki pungu, Vo waki la wulu ndeka tambwe.

Isaya 13:5

Vo wambuya uma lu kete yʼetali, Uma la kuma kʼulungu. Latuyalaka la diango dia ta dia kele kandi Wutsha nanya kete tshe.

Isaya 19:1

Enda, Latuyalaka lahemi lu dingi diateti esadi, Ambuya uya lʼEdjibitu. Dikishi dia lʼEdjibitu diayudidima la ntundu kandi, La etema wʼasi Edjibitu wayuyala ashi atu.

Isaya 3:8

Jerusalema ambulanyema, La Juda ambuhandjo, Ne dia aui awo la etsha awo watotombokwelaka Latuyalaka, Watudjaka ashu andi wa lutumbu tofwefwe.

Isaya 5:28

Pitu yawo yeli sodi, La eta awo wambolemama. Akaka wa falasa yawo weko uku ave, La etshimbi wa pusupusu uku punganendji.

Isaya 66:15

Enda, Latuyalaka ayukuma lʼatei wa dja La pusupusu yandi uku punganendji. Ndi ayukadimula kele kandi efuki ka dja, La luhangu landi lumbi la dja.

Jeremiya 10:19

Yee! lambowediawediama la sui ne! Puta kami keko kandji efula. Keli dimi lakati nti: Ohenyohenyo one wambuya le mi, Dieli la mi dia mbemba.

Jeremiya 4:12

Luhaladi lako layuya uma leko dikambu diami. Kakiane dimi lutsha mbalumbuya dumbu dia wulu.

Jeremiya 4:31

Ne dia lambuka lawi uku la umuntu latata lono, Lawi la sasi uku lʼeutwelu kandi ka ntundu. Oso eli lawi la ona umuntu a Siona lahetula, Lasimbula anya ati: Diami diambushila, Lambukitshiya la ntundu kʼandjakanyi!

Jeremiya 46:18

Uku wemi la lumu! mbata Khumʼekanga, Lukanga lukumbu lone: Latuyalaka Kanga lulimbilimbi ati: Nyuki, Uku eli Tabora lʼatei wʼekungu, Ndu uku eli Karamele lʼumamu wʼashi a waki, mbayuya motshi.

Jeremiya 48:40

Latuyalaka kata ati: Nyendi, utunyi utsha nfumbo uku pungu; Ayusimbula ahafu andi dia ndosha Moaba;

Jeremiya 49:22

Nyuki, utunyi ayuya uku pungu kayafumbo, ayasimbi ahafu andi dia ndosha Bozera. Lushi lako, etema wʼahuka wa Edome wayuyala uku utema wa umuntu latata lono.

Jeremiya 6:23

Vo watukimelaka uta la dikonga, Vo weli akanga wʼusihi, waha la ketshi. Aui awo watudikitaka uku ashi a waki. Vo watahemaka la diku dia falasa, Watuyalongosolaka uku untu otoi katatshu utsha lu ta, Dia ndjukolosha we ona umuntu a Siona.

Jeremiya 9:19

Ne dia tukuku tʼalelu tambukema uma le Siona. Yee! tambushila, tambukumbama la sonyi, Ne dia shu takaseke kete, ndu ne dia vo wakalanya mvudu yasu!

Delu dia Jeremiya 4:19

Waku wakatutshanya, wakaleki pungu ya lʼulungu luwangu. Vo wakatutshanya lʼekungu, wakatuhulamela lʼesui wa shenga.

Ezekiyele 26:10

Ditshu diʼuma lu efula ka falasa yandi diayulukumba; peli diaye diayusu-kasuka la dikita diʼambahemi wa falasa, diʼetshimbi, la dia pusupusu ya ta lamʼayuwutoka lu asuku aye, uku atotoka antu lʼusumba wambuwunyukula etshi ka lukumbu.

Ezekiyele 38:9

We ayumbela, ayuya uku ngimbi We ayukumba kete uku dingi, we la dengalenga diaye tshe, ndu wedia efula kame la ye.

Danyele 11:40

Lu etena kʼekumelu, khumʼekanga ka la diku dia kushi ayutshindana la khumʼekanga ka la ngelʼa kushi. Ku khumʼekanga ka la ngelʼa kushi ayukhunguso utsha le ndi uku punganendji, kame la pusupusu ya ta, ambahemi wa falasa la mashua efula. Ndi ayoto lu wudja uku likeledu, ayukukanea, ayulekana.

Danyele 7:4

Kene ka ntundu kakafanyi la tambwe. To kaki la ahafu wa pungu. Ku lamʼakamakiendaka, wakahatula ahafu ato, wakakiunyiya uma la kete, wakakiemadia lu ekulu ebendi uku untu, wakakisha utema wʼuntu.

Hosea 8:1

Umami dimama lu elomo aye, Ne dia eki kambuya ladiku dia luudu la Latuyalaka, Ne dia antu wakadiaki sheki yami, Ndu wakahedia elembe ami.

Mika 2:4

Lushi loso, wayunyukela yukedi, wayulela delu diʼokei; Wayuta vati: Shu tambushila ushiki. Ndi ambukadimula etenyi ka wudja ami. Ndi wuhu ambundukinya uma le mi li! Ndi ambukahanya dikambo diasu le akanga wʼuhedia.

Nahuma 1:3

Latuyalaka huki kele esadi, Ndi eli wuki lu wulu andi, Ndi huyindja kanga unungu. Mbuka ka Latuyalaka keko lu punganendji ndu luhunga; Wangi weko ditshu diʼkulu andi.

Habakuka 1:8

Ndu falasa yawo ndeka koi luwangu, Ndu ndeka ndjaundu ya dikolo ngala. Ambahemi awo wa falasa watokendakendaka lʼutaku. Ambahemi wa falasa ako watuyakaka uma lʼetali. Vo watufumboka uku pungu katasamanya dia ntole.

Zekariya 6:1

Dimi lakedia ashu ntu, lakendi, menyi ku pusupusu nyei nye lʼasa ekungu ehendi. Ekungu ako waki wʼehotela.

Mateu 24:30

Ku djimbitelu ya Onʼa untu yayene lʼulungu. Wedja tshe wa la kete wayulela, wayena Onʼa untu ayayi lu wangi wa lʼulungu la wulu ndu la lutumbu la wuki.

Euhwelu kʼElembe 28:49

Latuyalaka ayunyutumela wudja omotshi wʼetali uma la kuma ka kete. Vo wayuya esadi uku fudu ka pungu, wudja weli la oteketa wahanyuki.

Enyelo 1:7

Enda, ndi uyayi lu angi. Ashu tshe wayuwena, ndu wane wakawungula dikonga. Ku wedja tshe wa la kete wayulela dia dikambu diandi? Elu. Ayali osoku!