Jeremiya 39:4 - La Bible en Otetela (Bible K'Ekila) 1991

⁴ Kamʼakawaenyi Zedekiya, khumʼekanga ka Juda, ndi la elimbi andi tshe, vo wakalawo, wakatumbi uma lʼusumba lʼutshu lu mbuka ka lʼekambo ka khumʼekanga, lu suku dia lʼasa peli pendi. Ku vo wakalawo utsha lʼAraba.

Jeremiya 39:4 Iomraidhean Croise

2 Ekondo 32:5

Hezekiya akakikitsha utema, akalongosola peli dia lukumbu diakalana, akahiki tangelu ladiku dia to, akakikitsha Milo lʼusumba wa Davidi; akatshi dihumo dia ta la dingawu efula.

Isaya 22:11

Nyu nyakatshi djuwaduwa kina yʼashi lʼasa peli pendi dia lukumbu, ne dia ashi wʼuma lu djuwaduwa yʼedjedja, keli nyu kumenda le one lakatshi dikambu ne, kuyanga nemia one lukadisonela edjedja.

Isaya 22:3

Ewandji aye tshe wakalawo kame, Wakandama le waku waki kundjala la eta. Waku tshe wakakukaka ngandji, wakakelekama kame, Kuyanga vo wakalawo etali.

Isaya 29:2

Dimi layohenyahenya Ariyele. Tukuku la alelu wayuyala leko, Ku usumba ako ayuyala le mi uku Ariyele,

Jeremiya 32:4

La wati: Zedekiya, khumʼekanga ka Juda, huhanda le asi Kaladiya, keli ayukimwama lu anya wa khumʼekanga ka Babilona, ayutusawula la ndi lʼunyo lʼunyo, ayutenana la ndi la ashu?

Jeremiya 32:5

Ndu wati: Kuyanga nyu nyayolo lʼasi Kaladiya, nyu hanyuhumo lukulu lʼolo. Khumʼekanga ka Babilona ayotola Zedekiya utsha la Babilona, ku ndi ayututshikala leko edja ndu lamʼayumenana la ndi, mbata Latuyalaka?

Ezekiyele 12:12

Uwandji awo ayali tshumutshumu lu diheka la hyutshihutshi, ayunela. Ndi ayutundula ushu lʼeheli dia ntumba la yo loko. Ndi ayukumba elundji kandi, ne dia ashu andi watukena kete.

Ezekiyele 12:4

Kutundja tshumutshumu yaye la yanyi lu ashu awo, uku tshumutshumu ya fumbi. Unela uma lʼatei awo uku atunelaka antu utsha lu fumbi.

Akambu wʼAsi Lewi 26:17

Dimi layendana la nyu, ku nyu nyayolembiama, la ntundu kʼatunyi anyu. Wane watunyuhetshaka wayunyulela, la nyu nyayulawo ulawolawo lamʼahanyutshanya nduku untu.

Akambu wʼAsi Lewi 26:36

Layudja woma lʼetema a wane wayutshikala lʼokongo anyu lu kete ya atunyi awo. Lundju lʼesakanelu ka dikatshi mbeyaka mbalawuya. Vo wayulawo uku atuwulawoka yombo. Wayoko, ku nduku untu latawatshanya.

Amose 2:14

One latudjaka luwangu heya ndawo, Kanga wulu heya ndjakikitsha, Kuyanga kanga dihunga hushimbela lumu landi.

Euhwelu kʼElembe 28:25

Latuyalaka ayukimanyia atunyi anyu dia vo nyolembia. Nyu nyayutsho lu mbuka otoi dia ntalosha, ku nyu nyayalawo lu mbuka esambeli. Nyu nyayutasekasekamaka lʼatei a waulelu tshe wa la kete.