Jeremiya 39:1 - La Bible en Otetela (Bible K'Ekila) 1991

¹ Lʼeleku ka divwa ka diulelu dia Zedekiya, khumʼekanga ka Juda, lu ngondo ka dikumi kakayi Nebukadineza la ului andi wʼalimbi tshe dia ndjolosha Jerusalema, wakayuyidinga.

Jeremiya 39:1 Iomraidhean Croise

2 Ekondo 36:17

Okone Unyashungu akatumela khumʼekanga kʼasi Kaladiya lakayudiaka elongo awo wʼapami la yombo lʼetei a luudu lʼetemwelo kawo. Ndi kumpandja olongo a pami kana usekaseka a umuntu, usumbi a pami kana u umbi wa lukusumbi. Unyashungu akakimo tshe lʼanya andi.

Jeremiya 32:1

Diui dia Latuyalaka diakayi le Jeremiya lu eleku ka dikumi ka diulelu uia Zedekiya, khumʼekanga ka Juda. Eleku kako kaki eleku ka dikumi lʼenanei ka diulelu dia Nebukadineza.

Jeremiya 34:1

Diui dia Latuyalaka diakayi le Jeremiya lamʼakalokaka Nebuka-dineza, khumʼekanga ka Babilona, kame lʼalimbi andi tshe, la waulelu tshe wa lu kete waki lʼokongo andi, ndu antu tshe ta la Jerusalema ndu wa lʼesumba tshe waki lʼokongo ayo ati:

Jeremiya 34:22

Nyuki, dimi layuta diui, ku vo wayukalula lʼusumba one. Vo wayolembia, wayutshumba la dja. Dimi layete esumba wa Juda atongo, aha lʼantu, mbata Latuyalaka.

Jeremiya 42:18

Latuyalaka Kanga lulimbilimbi, Unyashungu wa Isariyele, kata ati: Uku akatshulwama kele kami, la ududu ami le asi Jerusalema, osoku mbayutshulwama kele kami le nyu lamʼayunyukuma lʼEdjibitu. Ku nyu nyayutuyala engo ka mpongwela soi, engo ka nkashimo, engo ka mananu, engo ka dionyo. Nyu hanyuyena dihuli ne ntu.

Jeremiya 52:1

Zedekiya aki la deku akumi ahendi la otoi lamʼakandayala khumʼekanga. Ndi akulela deku dikumi la otoi la Jerusalema. Lukumbu la nyangu laki Hamutala, onʼa Jeremiya, usi Libina.

Jeremiya 6:6

Ne dia Latuyalaka Kanga lulimbilimbi kata ati: Nyunyukuli etamba awo; nyutshimeli Jerusalema ngeli. Dieli la usumba one nsuyama. Wengiya utu mbeli lʼatei awo.

Ezekiyele 33:21

Lu eleku ka dikumi la ahendi, lu lushi la dikumi lʼatanu la ngondo ka dikumi, lu lohombo lasu, untu omotshi lakahandi uma la Jerusalema, akayi le mi; akamvutela ati: Usumba wambulanyema.

Ezekiyele 4:3

Ose panu ka luwulu, ukikitsha uku eheli ka luwulu lʼasaye la usumba. Ediya elundji kaye utsha leko, udingi usumba dia vo nyingama kwi. Dikambu ne diayali djimbitelu le khumbu ka Isariyele.

Ezekiyele 40:1

Lʼetatelu ka eleku kʼakumi ahendi lʼatanu ka lohombo lasu, lu lushi la dikumi la ngondo ka ntundu, lu eleku ka dikumi lʼanei lʼokongo wʼelanyelu kʼusumba; lushi lako, mbakambahe Latuyalaka lunya.

Ezekiyele 5:2

Kutshumbi etenyi ka satu ka divu lʼatei wʼusumba lamʼayuyushidiya nshi yʼedingelu; kose etenyi ka satu kadio kudihimbuhi-mbuya la yombo lʼutshimba wʼusumba; kudianganya etenyi ka satu lu lopepe, ku dimi layosomola yombo dia ndjelana la dio.

Zekariya 8:19

Latuyalaka Kanga lulimbilimbi kata ati: Ekilelu ka mbu ya nde ka lu ngondo ka nei, ka lu ngondo ka tanu, ka lu ngondo kʼesambeli, ndu ka lu ngondo ka dikumi, kayukadimo etena kʼongenongeno, kʼongenongeno a wuki, ndu kʼalambu wʼongenongeno le khumbu ka Juda. Okone nyulangi akambu wa mete la akambu wa ki.

Euhwelu kʼElembe 28:36

Latuyalaka ayunyotola, nyu la khumʼekanga kanyu, utsha lu wudja wahanyeyi, ndu waki washenyu kumbeya. Ku nyu nyayutotemola ditemolatemola, diʼetamba ndu diʼave leko.