Jeremiya 38:4 - La Bible en Otetela (Bible K'Ekila) 1991

⁴ Ku ewandji wakatela khumʼekanga vati: Shu tambukosengasenga shati: Wadiaki pami kene, ne dia ndi ambutekula ului wʼalimbi wambutshikala lʼusumba one ndu antu tshe, lamʼawatelandi aui wa wuhu oso. Pami kene hayangi ololo wa wudja one, paka elanyelu kawo.

Jeremiya 38:4 Iomraidhean Croise

1 Khumi ya Dikanga 21:20

Ahaba akambula Elidja ati: We utunyi ami, ambumbishula? Ndi akûkaluya diui ati: Ee, lambukushula, ne dia we akayasundja dia ntsha kene kaki kolo lu ashu wa Latuyalaka.

2 Ekondo 24:21

Ku vo wakutshwela sheki, wakawuki ave uma lu diui dia khumʼekanga lu seke dia lukumbu dia luudu la Latuyalaka.

Ezera 4:12

We khumʼekanga, eyi wati: Asi Juda aku wakayi uma le ye, wambukuma le su la Jerusalema, wuhika usumba one wʼuhedia la wa kolo, wambushidiya peli dia lukumbu lawo, wambuhika tshina diawo.

Nehemiya 6:9

Antu aso tshe wakalangaka ntata asulu, wakataka vati: Vo wayuheko, kʼulimu hawutshama ntu. Unyashungu li, unkikitsha kakiane.

Etumbelu 5:4

Keli khumʼekanga ka Edjibitu akawambula ati: Mose la Arona, okoko wana walanganyu minya antu ane uma lʼelimu awo? Nyukaluli lʼelimu anyu.

Jeremiya 11:21

Okone Latuyalaka la diui dimotshi lu dikambu diʼasi Anatota, ane watuyangaka lumu lami, wata vati: Tutaki akambu wahatayi lu lukumbu la Latuyalaka, we utukuvo lu anya asu.

Jeremiya 18:23

Latuyalaka li, we mbeyaka tuseki tawo tshe ta ndjakami. Tadimanyiaki ehedia awo, Kuyanga minya kolo yawo uma la ntundu kaye. Vo walanyemi la ntundu kaye. Uwalumbuya paka lu etena kaye ka kele.

Jeremiya 26:11

Elombedi la amvutshi wakatela ewandji la antu tshe vati: Untu one nkukaka mvo, ne dia ndi akatshi aui wa kolo dikambu diʼusumba one, uku akanyuki lu atui anyu.

Jeremiya 29:7

Nyuyangeli usumba wakamanyotole lu fumbi k nyolombelaki Latuyalaka, ne dia lu ki kako kayunyuyala la ki.

Jeremiya 38:16

Ku khumʼekanga Zedekiya akatshibela Jeremiya lu usheshe ati: Uku eli Latuyalaka la lumu! lakatusha lumu, dimi halukudiaka ndu halukukimo lʼanya a waku watuyangaka nkudiaka.

Jeremiya 38:25

Keli naka ewandji wambuka lukumu ati: Dimi lakateketshi la ye, ku vo wambuya le ye vati: Ututeli aui wakayatedi khumʼekanga, tutusheki nduku diui, ku shu hatukudiaka, ututeli ndi aui wakakutedi khumʼekanga,

Jeremiya 43:3

Keli Baruka, onʼa Neriya, katosonganya la ye dia we ntukimo lu anya wʼasi Kaladiya, dia vo ntudiaka kana ntotola utsha lu fumbi la Babilona.

Ezekiyele 22:27

Ewandji awo weli uku ndjaundu mbahatula nyama yundjiyo. Vo watutshululaka dikila, watulanyaka nyumu yʼantu dia nkundja ukundji la lukesu.

Amose 7:10

Ku Amaziya, olombedi wa la Betele, akatumi diui le Jeroboama, khumʼekanga ka Isariyele, ati: Amose ambukudjela sheki lʼatei a khumbu ka Isariyele, wudja hiwukike aui andi tshe.

Luka 23:2

Vo wakatatela mbosongwela, vati: Takatani untu one angayula wudja asu, asike antu nambula Kayisa; ata ati: Dime keli Kristu, khumʼekanga.

Etsha wa Atumami 16:20

Lamʼakawawaela le embadi, vo wakati vati: Antu ane wʼasi Juda wambutamanya ntombosha usumba asu.

Etsha wa Atumami 17:6

Lamʼakiwo kumbatana, vo wakakutula Jasona la anyawo amotshi, wakatundja la ntundu ka ewandji wʼusumba. Vo wakahangohango vati: Antu ane wambungayula wa la kete tshe wambukuma ndu lindu!

Etsha wa Atumami 24:5

Ne dia takatani pami kene, kanga ngala, ambotombosha asi Juda tshe wa lu kete tshe; ndi keli dihuka dia leke lʼasi Nazareta.

Etsha wa Atumami 28:22

Keli shu nangaka mbuka uku akanaye dia otemwelo one. Shu mbeyaka shati: Lu ahuli tshe, antu mvutaka aui wa kolo lu dikambu diawo.