Jeremiya 38:2 - La Bible en Otetela (Bible K'Ekila) 1991

² Latuyalaka kata ati: One layutshikala lʼusumba one, ayuvo la yombo, ndjala ka kasha, kana la elandu. Keli one layutsho le asi Kaladiya, ayuka. Lumu landi layuyala engo kandi ka dimbu. Ndi ayutshikala la lumu.

Jeremiya 38:2 Iomraidhean Croise

Jeremiya 21:4

Latuyalaka, Unyashungu wa Isariyele, kata ati: Uki, dimi lutsha nkadimula dihumo dia ta dieli lu anya anyu uma le khumʼekanga ka Babilona la asi Kaladiya walo la nyu, wunyudingi lʼandja a lukumbu. Dimi layuwaotshiya lʼatei wʼusumba one.

Jeremiya 24:8

Latuyalaka kata ati: Dimi layena Zedekiya, khumʼekanga ka Juda, ewandji andi, asi Jerusalema wutshikadi lu kete nye la waku wudjashi lu kete yʼEdjibitu, uku fingu yako ya kolo yahakuki untu nde, ne dia yo yeko kolo.

Jeremiya 27:11

Keli wudja wayetawo mbidja kingu yawo lu lokoho la khumʼekanga ka Babilona dia ndjala lʼokongo andi, wudja ako mbayumutshika lu kete yawo. Vo wayuyikambaka, wayudjaseka loko, mbata Latuyalaka.

Jeremiya 27:13

Okoko wana wukukinyu mvo, we la wudja aye, la yombo, la ndjala ka kasha ndu la elandu uku akateketshi Latuyalaka dikambu dia wudja wahetawo ndjala lʼokongo wa khumʼekanga ka Babilona?

Jeremiya 29:16

Latuyalaka kata diui ne lu dikambu dia khumʼekanga kudjashi lu kiti ka diulelu ka Davidi, ndu lu dikambu dia antu tshe wudjashi lʼusumba one, anengenyu waki kuntsho la nyu lu lohombo.

Jeremiya 29:18

Dimi layuwatshanya la yombo, ndjala ka kasha, la elandu, layakimo uku engo ka wononyi lʼatei a waulelu tshe wa la kete, dia vo ndjala engo ka mananu, engo ka nkashimo, engo ka mpongwela soi la engo ka dionyo lʼatei a wedja tshe wayumuwatshanya,

Jeremiya 34:17

Okone mbata Latuyalaka ati: Nyu kumbukelami, dia nyu tshe ntshungula untu lʼuntu onangu, la untu lʼuntu unyandi. Nyendi, dimi lutsha nyusha ndjadjasela ka nyu ndjakema la tombo, elandu, la ndjala ka kasha. Dimi layunyete engo ka wononyi le waulelu tshe wa la kete.

Jeremiya 39:18

Dimi layukushimbela, we hudiakema la yombo. Lumu laye layuyala engo kaye ka dimbu, ne dia we akambekama, mbata Latuyalaka.

Jeremiya 42:17

Antu tshe wayediya dundji diawo utsha lʼEdjibitu dia ntudjase leko, wayutuvo la yombo, ndjala ka kasha, ndu la elandu. Nduku untu ayutshikala kana mpanda elanyelu kayumatumela.

Jeremiya 42:22

Okone nyeyi nyati: Nyayutuvo la yombo, ndjala ka kasha, ndu la elandu lu dihuli dialanganyu ntsho la ntudjase.

Jeremiya 44:13

Dimi layusuya waku wudjashi lu kete ya Edjibitu uku akamasuya Jerusalema la yombo la ndjala ka kasha ndu la elandu.

Jeremiya 45:5

We atuyayangelaka akambu a waki? Tayangaki! Enda, dimi lutsha mbela elanyelu le antu tshe, keli dimi layukusha lumu laye, uku engo ka dimbu le ye lu ahuli tshe wayuyutatshokaka.

Ezekiyele 14:21

Khumadiondjo Latuyalaka kata ati: Naka osoku, ukundi ayuyala Jerusalema lamʼayumutumela asui ami anei ane: yombo, ndjala ka kasha, nyama ya ngala la elandu dia nshila antu la nyama ushiki?

Ezekiyele 6:11

Khumadiondjo Latuyalaka kata ati: Nyuhumi shole, nyuhumeli lukulu. Nyuti nyati: Yee, lu akambu wa kolo wa wononyi wakatshaka khumbu ka Isariyele, ne dia vo wayudiakema la yombo, ndjala ka kasha la elandu!

Ezekiyele 7:15

Lʼandja yombo, lʼetei elandu la ndjala ka kasha: one leli lʼusui, ayudiakema la yombo; la one leli lʼusumba, ayuvo la ndjala ka kasha la elandu.