Jeremiya 36:3 - La Bible en Otetela (Bible K'Ekila) 1991

³ Ku lamʼayuka khumbu ka Juda lukumu la elanyelu tshe kamumusanguya mbatshela, undu, vo wayuka-dimo untu lʼuntu uma lu mbuka kandi ka kolo, ku dimi layadimanyia ehedia awo la kolo kawo.

Jeremiya 36:3 Iomraidhean Croise

Nehemiya 1:9

Keli naka nyu nyayukalula le mi, naka nyayulama elembe ami dia mbetsha, kuyanga nyu nyakatshanyema pulu ndu lu kuma kʼulungu, dimi layutunyosa uma leko, layunyukaluya uya lu dihuli diakamasonola dia nshikike lukumbu lami.

Esambu 139:24

Umendi kana dikambu dia kolo dieko le mi, Onombolaki lu mbuka ka pundju!

Isaya 6:10

Ununya etema wʼasi wudja one, uwaete atui wulu, udihi ashu awo, Ne dia vo watukena lʼashu awo, watukuka lʼatui awo, Watukumana fundu lʼetema awo, watukukadimo ku vo kono.

Jeremiya 18:11

Okone, kakiane otekete lʼasi Juda la wane wudjashi la Jerusalema wati: Latuyalaka kata ati: Nyulungi, lambolongosola elanyelu dikambu dianyu. Dimi lambusanguya dia nyutshela kolo. Nyukaluli untu lʼuntu uma lu mbuka kandi ka kolo, nyolongosole mbuka yanyu la ditshelu dianyu.

Jeremiya 18:8

naka wudja ako wakamataka aui wayukadimo uma lu kolo yawo, dimi layolemba utema dia kolo kakamasanguya mbatshela.

Jeremiya 23:14

Dimi lakenyi dikambu dia wononyi Ndu le amvutshi wa la Jerusalema. Vo watunanaka, watokendakendaka lu kashi. Vo watukikitshaka anya wʼatshi wa kolo, Wuhu waheyi untu nkalula untu uma lu kolo kandi. Vo tshe wambuyala le mi uku Sodoma la asi Jerusalema uku Ngomora.

Jeremiya 24:7

Dimi layuwasha utema dia vo nimbitela vati: Dimi keli Latuyalaka. Vo wayuyala wudja ami, la dimi layuyala Unyashungu awo, ne dia vo wayukalula le mi lʼutema otoi.

Jeremiya 26:3

Undu, vo wayulunga, wayukadimo untu lʼuntu uma lu mbuka kandi ka kolo, dia dimi nemba utema uma lʼelanyelu kakamasanguya mbatshela, ne dia etsha awo wa kolo.

Jeremiya 35:15

Ndu dimi lakanyutumelaka ekambi ami amvutshi umaka pindju, dia nyutela vati: Nyukaluli kakiane untu lʼuntu uma lu mbuka kandi ka kolo, nyolongosole akambu anyu, tanyuyelaki ditemolatemola dia ditemola, ku nyu nyayudjase lu kete yakamanyusha, nyu la washenyu. Keli nyu kumpuke atui, kumbukelami.

Jeremiya 36:7

Undu, vo wayuyakitshakitsha lʼosengosengo la ntundu ka Latuyalaka. Undu, vo tshe untu lʼuntu ayukalula uma lu mbuka kandi ka kolo, uma lʼaui wakati Latuyalaka. Kele kandi la ududu andi wambufulanela le wudja one.

Ezekiyele 12:3

Okone we onʼa untu, uyakelekeli tshumutshumu ya untu latatshu utsha lu fumbi. Umo uma lʼatei awo la yanyi, unela uma lu dihuli diaye utsha lu dihuli dikina lu ashu awo. Kuyanga mbewo khumbu kʼatomboki, vo wayukana yimba ntu.

Ezekiyele 18:23

Khumadiondjo Latuyalaka kambula ati: Undi, dimi layongenangena lu nyoi kʼuntu a kolo? Dimi haleki nanga ndi nkalula uma lu mbuka kandi ka kolo, la ndi numba uka?

Zefaniya 2:3

Nyuyangi Latuyalaka, Nyu akanga a memakana tshe wa la kete, Nyu wane watulamaka adjangu andi. Nyuyangi akambu wʼololo, nyuyangi memakana. Undu, nyu mbeyaka mpanda lu lushi la kele ka Latuyalaka.

Mateu 13:15

Ne dia etema wʼantu ane wakayala wetshu, Atui awo weko puki, Ku vo wambudiha ashu awo, Ne dia vo watukena lʼashu, Watukuka lʼatui awo, Watukushihudia lʼetema awo, Watukukadimo ntu, Dia dimi mbakonoya.

Mako 4:12

Okone menda wayenda, keli hawenyi; mbuka wayuka, keli hawushihudia, ne dia vo watukukadimula etema dia kolo yawo nyimanyema?

Luka 20:13

Ku kanga ekambo akati ati: Kayumutsha na? Dimi layutuma onʼami la ngandji, kana vo wayolemia, undu.

Etsha wa Atumami 26:18

dia we nsenya ashu awo, dia vo nkadimo uma lu udjima utsha lu usasi, la uma lu wulu a Satana utsha le Unyashungu; dia vo nungula edimanyelu ka kolo la ukito lʼatei a wane wambukidiama uma lu mbetawo ka dikambu diami.

Etsha wa Atumami 26:20

Ntundu, dimi lakatela wa la Damaseke, ndu wa la Jerusalema, ndu wa lu leke la Judiya tshe, ndu asi wedja nti: Nyukadimuli etema le Unyashungu. Nyutshaki akambu uku ukadimudinyu etema.

Etsha wa Atumami 28:27

Etema wʼantu ane wambuyala wetshu, Atui awo wambuyala puki, Vo wambudiha ashu awo, Ne dia vo watukena la ashu awo, Watukuka lʼatui awo, Watukushihudia lʼetema awo, Watukukadimo, dia dimi mbakonoya.

Etsha wa Atumami 3:19

Okone nyukadimuli etema, nyusikiso dia kolo yanyu nyimanyiama, dia deku dia nyodia ndja uma la ntundu ka Khumadiondjo.

Euhwelu kʼElembe 30:2

Nyukaluli le Latuyalaka, Unyashungu anyu, ndu nyu ndu anʼanyu, nyukitanyia diui diandi lu akambu tshe wamumunyutela elo, la etema anyu tshe ndu la nyumu yanyu tshe.

Euhwelu kʼElembe 30:8

Ku nyu nyayukalula le Latuyalaka, nyayukitanyia aui andi ndu nyayutsha elembe andi tshe wamumunyudjela elo.

Euhwelu kʼElembe 5:29

Utunduyala vo wayalaki la etema ene etu, wa vo mbukakami woma la nkutanyiaka elembe ami tshe, dia vo ndjala la ongenongeno pundju ndu vo ndu anʼawo li!

2 Petero 3:9

Khumadiondjo huhela dia nshidiya alaka andi, uku atedikaka antu wauhu awo, keli ndi eko la nyu memakana. Ndi halangi nduku omotshi nshisho, keli ndi nangaka tshe wakadimuli etema.

1 Samuele 7:3

Samuele akatela khumbu tshe ka Isariyele ati: Naka la etema anyu tshe mbamunyukalula le Latuyalaka, nyunya ditemolatemola diʼasi wedja la WaAshetarota weli lʼatei anyu. Nyediya etema anyu le Latuyalaka, nyotemolaki ndi ndame. Ku ndi ayunyutshungula uma lʼanya wʼasi Filistiya.