Jeremiya 34:9 - La Bible en Otetela (Bible K'Ekila) 1991

⁹ dia untu tshe ntshungula fumbi kandi ka pami ndu ka umuntu kaki usi Heberu, diaha untu ndjala la usi Juda, onangu, fumbi.

Jeremiya 34:9 Iomraidhean Croise

Etatelu 14:13

Usi Amora omotshi lakahandi uma lu ta akayutela Abarama, usi Heberu, lukumu lako. Abarama akadjashi lʼatshina wʼetamba wʼelungu wa Mamare. Mamare ako aki onangu Eshikole la Anera, wane wakakote la Abarama lusalu.

Etatelu 40:15

Dimi lakandama uma lu kete yʼasi Heberu, la dimi kuntsha nduku dikambu dia mboto lu lukanu lindu.

Etumbelu 2:6

Lamʼakandafula kisaka, ndi akenyi ona; ku ona ambulela. Ku ndi akawuki ketshi, akati ati: Ona asi Heberu omotshi one.

Etumbelu 3:18

Vo wayetawo diui diaye. Kutshu, we la dihangamendi dia Isariyele, le khumʼekanga ka Edjibitu, kanyutuwuteli nyati: Latuyalaka, Unyashungu wʼasi Heberu, akasangana la su. Okone shu tambukosengasenga shati: Utukimo dia shu ntsho lokendo la nshi sbiatu lʼusui wa shenga, dia shu ntulambula Latuyalaka, Unyashungu asu, ulambu.

Jeremiya 25:14

Ne dia wedja wa wulu la khumi ya dikanga ya waki wayuwaetsha ndu vo lʼokongo awo, la dimi layatshela uku etsha awo, ndu uku elimu wʼanya awo.

Jeremiya 27:7

Wedja tshe wayuyala lʼokongo andi, ndi, onʼandi la ukana andi edja ndu lamʼayukuka etena ka kete yandi. Ku wedja efula la khumi ya dikanga ya waki wayolembia.

Jeremiya 30:8

Lushi lone, dimi layokola lokoho landi uma lu kingu kaye, layata luweti laye, lʼasi wedja hawukete fumbi ntu, mbata Latuyalaka.

Jeremiya 34:10

Ewandji tshe la antu tshe waketawo, wakoto lu sheki yako dia untu tshe ntshungula fumbi kandi ka pami ndu ka umuntu, diaha vo mbaete fumbi ntu. Vo waketawo, wakakimo.

1 Koreto 6:8

Keli nyu nyame nyatutshaka kolo, nyatukesaka ndu anyanyu.

2 Koreto 11:22

Asi Heberu mbewo? Ndu dimi pupu. Asi Isariyele mbewo? ndu dimi pupu. Tukanula tʼAbarahama mbewo? Ndu dimi pupu.

Euhwelu kʼElembe 15:12

Naka onanyo omotshi, usi Heberu la pami kana la umuntu ambusundjama le ye, ndi kakukambeli ulimu deku samalu. Keli eleku kʼesambeli, kukimo uma lakaye dia ndi ndjala la ndjadjasela.

Filipi 3:5

Wakambahemia uhekeli lushi lʼenanei, laki usi Isariyele a lu diuhu dia Bendjamina, usi Heberu a lʼatei wʼasi Heberu. Lu dikambu diʼelembe, dimi laki Ufarise;

1 Samuele 14:11

Vo ahendi wakenama le alimbi wʼasi Filistiya, ku asi Filistiya wakati vati: Nyendi, asi Heberu wambutumba uma lu afuku wakawashami.

1 Samuele 4:6

Lamʼakuki asi Filistiya lundju la wuki loso, vo wakambwana vati: Na lundju la wulu loso latumba uma lu pangu kʼasi Heberu? Ku vo wakuki lukumu vati: Oshete wʼekila wa Latuyalaka wambukuma lu pangu.

1 Samuele 4:9

Nyu asi Filistiya, nyukikitali, nyuyali apami, nyutukuyala fumbi yʼasi Heberu uku akiwo fumbi yanyu. Nyuyali apami, kanyolo ta!