Jeremiya 34:5 - La Bible en Otetela (Bible K'Ekila) 1991

⁵ We ayuvo la ki. Uku akawatshumbaka malashi lu dikambu dia washo, khumi ya dikanga yʼedjedja yaki la ntundu kaye, mbayuwutshumba lu dikambu diaye. Vo wayukulela vati: Yee, Khumadiondjo li! Dimi lambuta diui, mbata Latuyalaka.

Jeremiya 34:5 Iomraidhean Croise

2 Khumi ya Dikanga 22:20

Okone, dimi layukotola le wa sho, la we ayoto lu diumbu diaye ki, ku ashu aye hawena elanyelu kayumela lu dihuli ne. Ku vo wakayi lʼaui aso le khumʼekanga.

2 Ekondo 16:14

Vo wakakhunde lu wuku andi wa diumbu, wakandatayatshimedi lʼusumba wa Davidi. Wakawetamia lu tangi kakawalenge la diango diʼepumu la malashi wakawalongosola, uku atolongosolaka elongosodi wa malashi, ndu wakatshumbi efula efula dia mbolemia.

2 Ekondo 34:28

Okone dimi layukotola le washo la ki; we ayoto lu diumbu diaye la lutui tshitshi. Ashu aye hawena elanyelu kayumela lu dihuli ne. Ku vo wakayi lʼaui aso le khumʼekanga.

Jeremiya 22:18

Diako mbata Latuyalaka dikambu dia Jehoyakima, onʼa Josiya, khumʼekanga ka Juda ati: Tawulelaki vati: Yee, onengesu! yee, kadiyesu! Tawulelaki vati: Yee, khumesu! yee, Khumadiondjo!

Jeremiya 34:4

Ulungi diui dia Latuyalaka, we Zedekiya, khumʼekanga ka Juda. Latuyalaka ambuta lu dikambu diaye ati: We hudiakema la yombo.

Delu dia Jeremiya 4:20

Vo wakandi lumu lasu, ukitami wʼiso wa Latuyalaka, lu wawu awo. Shu takataka lu dikambu diandi shati: La tshina dia didjidji diandi kayutulumbaka lʼatei a wedja.

Ezekiyele 17:16

Uku wemi la lumu! mbata Khumadiondjo Latuyalaka, ndi ayutuvo lu dihuli diudjashi khumʼekanga lakawudji khu-mʼekanga, ako lukanga etshibelu kakandonyola, ndu lukanga sheki yakandalanya lu kete ya Babilona.

Danyele 2:46

Ku khumʼekanga Nebukadineza akako ekhukhumadi la kete, akakhusamela Danyele. Ndi akadjanga dia mbulambula ulambu la ulambu wa malashi wʼupumu wololo.

1 Samuele 31:12

apami wa dihunga tshe wakunela, wakatshu utshu utu. Vo wakatunya udu wa Saulu la edu wa anʼandi lu peli dia la Bete-Shana. Ku vo wakakalula la Jabeshe, wakatutshumba edu awo leko.