Mikaya akati ntu ati: Nyulungi diui dia Latuyalaka! Dimi lakenyi Latuyalaka udjashi lu kiti kandi ka diulelu, la ului tshe wʼalimbi wa lʼulungu wemadi lu lunya landi la lu pami ndu la lomoso.
Ndu wati: Kuyanga nyu nyayolo lʼasi Kaladiya, nyu hanyuhumo lukulu lʼolo. Khumʼekanga ka Babilona ayotola Zedekiya utsha la Babilona, ku ndi ayututshikala leko edja ndu lamʼayumenana la ndi, mbata Latuyalaka?
We huhanda uma lʼanya andi. Wayukunda, wayukukimo lu anya andi. We ayenana la khumʼekanga ka Babilona lʼashu aye. Ndi ayoteketa la ye lu unyo lʼunyo. We ayutsho utsha la Babilona.
We ayuvo la ki. Uku akawatshumbaka malashi lu dikambu dia washo, khumi ya dikanga yʼedjedja yaki la ntundu kaye, mbayuwutshumba lu dikambu diaye. Vo wayukulela vati: Yee, Khumadiondjo li! Dimi lambuta diui, mbata Latuyalaka.
Nyulungi diui dia Latuyalaka, nyu asi Isariyele! Latuyalaka eko la wane wudjashi lu kete dikambu, Ne dia nduku kolamelu kuyanga ololo, Nduku ewu ka Unyashungu lu kete.