Jeremiya 34:2 - La Bible en Otetela (Bible K'Ekila) 1991

² Tshoka, tuteli Zedekiya, khumʼekanga ka Juda, wati: Latuyalaka, Unyashungu wa Isariyele, kata ati: Enda, dimi lutsha nkimo usumba one lu anya wa khumʼekanga ka Babilona. Ndi ayutshumba la dja.

Jeremiya 34:2 Iomraidhean Croise

2 Khumi ya Dikanga 25:1

Lʼeleku ka divwa ka diulelu diandi lu nshi dikumi lu ngondo ka dikumi, Nebukadineza, khumʼekanga ka Babilona, akayi, ndi lʼalimbi andi tshe dia ndjolosha Jerusalema. Vo wakayudinga usumba, wakatshimi ngeli ya ta lʼutshimba tshe.

2 Khumi ya Dikanga 25:9

Ndi akayutshumba luudu la Latuyalaka, luudu la khumʼekanga, la mvudu tshe ya la Jerusalema; mvudu tshe ya waki mbakandatshumbi.

Jeremiya 21:10

ne dia dimi lambediya elundji kami uya lʼusumba one, dia mbutshela kolo aha ololo. Vo wayukimwama lu anya wa khumʼekanga ka Babilona, ku ndi ayutshumba dja, mbata Latuyalaka.

Jeremiya 21:4

Latuyalaka, Unyashungu wa Isariyele, kata ati: Uki, dimi lutsha nkadimula dihumo dia ta dieli lu anya anyu uma le khumʼekanga ka Babilona la asi Kaladiya walo la nyu, wunyudingi lʼandja a lukumbu. Dimi layuwaotshiya lʼatei wʼusumba one.

Jeremiya 27:22

Dio diayotolama utsha la Babilona, diayututshikala leko edja ndu lushi layumutudiyanga. Ku layutudiosa, layudikaluya lu dihuli ne, mbata Latuyalaka.

Jeremiya 32:3

Zedekiya, khumʼekanga ka Juda, akudihi lu lukanu ati: Okoko wana wataye akambu wahatayi wati: Latuyalaka kata ati: Nyuki, dimi lutsha nkimo usumba one lu anya wa khumʼekanga ka Babilona, ku ndi ayuwosa?

Jeremiya 34:22

Nyuki, dimi layuta diui, ku vo wayukalula lʼusumba one. Vo wayolembia, wayutshumba la dja. Dimi layete esumba wa Juda atongo, aha lʼantu, mbata Latuyalaka.

Jeremiya 38:23

Wayutundja wadieye tshe la anʼaye tshe utsha le asi Kaladiya, ndu we huhanda uma lʼanya awo. We ayundama lu anya wa khumʼekanga ka Babilona, la usumba one wayutshumbama dja lu dikambu diaye.

Jeremiya 39:8

Asi Kaladiya wakatshumbi luudu la khumʼekanga ndu mvudu yʼantu, wakanyukula peli dia lukumbu la Jerusalema.