Jeremiya 32:5 - La Bible en Otetela (Bible K'Ekila) 1991

⁵ Ndu wati: Kuyanga nyu nyayolo lʼasi Kaladiya, nyu hanyuhumo lukulu lʼolo. Khumʼekanga ka Babilona ayotola Zedekiya utsha la Babilona, ku ndi ayututshikala leko edja ndu lamʼayumenana la ndi, mbata Latuyalaka?

Jeremiya 32:5 Iomraidhean Croise

2 Ekondo 13:12

Nyendi, Unyashungu eko lʼatei asu, ndi keli ote asu kame la elombedi andi weli la amama wa mvudaka dia ntukimanyia lu dikambu dianyu. Nyu asi Isariyele, tanyolokaki la Latuyalaka, Unyashungu a washenyu, ne dia nyu hanyeyi mbolembia.

2 Ekondo 24:20

Zekariya, onʼa olombedi Jehoyada, akaludiama la Nyuma ka Unyashungu. Ndi akemala la ntundu ka wudja, akawatela ati: Unyashungu kata ati: Okoko wana wambunyuhedia elembe ami, dimi Latuyalaka? Nyu hanyongona. Nyu nyakanseke, okone ndu dimi layunyoseka.

Tukedi 21:30

Nduku yimba, kana ewu, Kana daku, dieya nsemanela la Latuyalaka.

Jeremiya 2:37

Uma leko kayunyutumba nyayahe anya lʼote, Ne dia Latuyalaka akatuni wane watunyekamaka, Ndu nyu hanyongona lasuki la wo.

Jeremiya 27:22

Dio diayotolama utsha la Babilona, diayututshikala leko edja ndu lushi layumutudiyanga. Ku layutudiosa, layudikaluya lu dihuli ne, mbata Latuyalaka.

Jeremiya 32:24

Nyendi ngeli; yo yambutshimama dia nembia usumba. Usumba wayukimwama lu anya wʼasi Kaladiya walosha. Vo wayolembiama la yombo, ndjala ka kasha, ndu la elandu. Aui wakayati wambutshama, weme ukʼena.

Jeremiya 32:6

Jeremiya akati ati: Diui dia Latuyalaka diakayi le mi ati:

Jeremiya 33:5

Asi Kaladiya wayayi dia ndjolo ta la dia ndudia mvudu ku la edu wʼantu wakamadiaki lu kele kami ndu lʼududu ami. Dimi lambushe elundji kami uma lʼusumba one, ne dia kolo tshe kambuwatsha.

Jeremiya 37:10

Kuyanga mbutunyolembia ului wʼalimbi wʼasi Kaladiya watolokaka la nyu ta, kuyanga mbutuwuyala la puta tshu, vo wutunela untu lʼuntu uma lu luudu landi la dipema, wututshumba usumba one.

Jeremiya 39:4

Kamʼakawaenyi Zedekiya, khumʼekanga ka Juda, ndi la elimbi andi tshe, vo wakalawo, wakatumbi uma lʼusumba lʼutshu lu mbuka ka lʼekambo ka khumʼekanga, lu suku dia lʼasa peli pendi. Ku vo wakalawo utsha lʼAraba.

Jeremiya 39:5

Keli ului wʼalimbi wʼasi Kaladiya wakayelana la wo, wakatunda Zedekiya lu esui wa la Jeriko. Lamʼakawatuwunda, vo wakotole utsha la Ribila, lu kete ya Hamata, le Nebukadineza, khumʼekanga ka Babilona. Ku ndi akatulumbuya.

Jeremiya 39:7

Ndi akuli Zedekiya ashu, akukeleka molola, wakotole utsha la Babilona.

Delu dia Jeremiya 1:14

Ndi akakeleka ehedia ami lu lokoho Ndi akadingitanya la lunya landi kame; Akambahewo lu kingu kami, akashili wulu ami. Khumadiondjo akankimo lu anya A waku wahamakuki ndo la wo.

Ezekiyele 12:12

Uwandji awo ayali tshumutshumu lu diheka la hyutshihutshi, ayunela. Ndi ayutundula ushu lʼeheli dia ntumba la yo loko. Ndi ayukumba elundji kandi, ne dia ashu andi watukena kete.

Ezekiyele 12:13

Ndu dimi layuwamba otei, ku ndi ayundama lu djunga yami. Dimi layotola la Babilona lu kete yʼasi Kaladiya. Ndi hutena kete yako, kuyanga ndi ayuvo leko.

Ezekiyele 17:15

Keli ndi akotombokwela lamʼakandatumi akendji lʼEdjibitu dia vo mbusha falasa la ului a wuki wʼalimbi. Undi, ndi ayuhumo lukulu lʼolo? One latutshaka akambu aso, ayuhanda uka? Ndi mbeyaka nanya sheki, ku ndi mpanda?

Walelu 14:41

Ku Mose akati ati: Ukundi ambunyudiaka olembe wa Latuyalaka? Dikambu diako hadiuluwana.