Jeremiya 32:39 - La Bible en Otetela (Bible K'Ekila) 1991

³⁹ Dimi layu-washa utema wame, la mbuka kame, dia vo mbukakami woma pundju, dia vo mpumo lukulu lʼololo, vo la anʼawo wayuto lʼokongo awo.

Jeremiya 32:39 Iomraidhean Croise

Etatelu 17:7

Dimi layushikike daka diami lʼasami la ye ndu lʼasami la tukanula taye tayuto lʼokongo aye. Dio diayuyala le lolonga la lolonga. Daka ne diayuyala daka dia pundju le ye ndu le tukanula taye, dia dimi ndjala Unyashungu aye ndu a tukanula taye.

Etatelu 18:19

Dimi lakenyi ololo nti: Abarahama ayekiya anʼandi ndu wa lu luudu landi tshe dia vo nkendakendaka ololo lu mbuka ka Latuyalaka, la dia vo ntsha akambu wʼusimbwi ndu wʼololo. Osoku ku dimi Latuyalaka, layushidiya daka diakamalaki Abarahama.

Etatelu 22:12

Ondjelo akawutela ati Tukumiaki lunya laye le ona. Ndu tutshelaki nduku dikambu. Dimi lambeya kakiane nti: We mbukaka Unyashungu woma, ne dia we konseka dia mbishami etoi kaye kʼona.

2 Ekondo 30:12

Lunya la Unyashungu lakalombola Juda dia vo ndjela olembe wa khumʼekanga la ewandji uma lu diui dia Latuyalaka lʼutema otoi.

Esambu 112:1

Nyandulaki Latuyalaka! Untu latukaka Latuyalaka woma atuyalaka la otshoko. Ndi katongenangenaka utamanya lʼelembe andi.

Esambu 128:6

We ayena ekana.

Esambu 86:11

Latuyalaka li, unimbitshiya mbuka kaye, Ku dimi layokendakendaka lu mete kaye. Olongosole utema ami, dia dimi mbuka lukumbu laye woma.

Tukedi 23:17

Utema aye tawukaki antu wa kolo kandjema. Keli ukaki Latuyalaka woma tena tshe.

Isaya 35:8

Mbuka kayuyala leko, osese a wuki wayuweta vati: Osese wʼekila. Wane wahatalongoswama haweti loko. Tekeko la akanga a dinginya haweyi mbetola utsha loko. Osese ako ayuyala dikambu diʼekilami etu.

Isaya 52:8

Alami aye wayudja dielu diʼongenongeno. Vo wayedia aui awo, wayimba e sambu kame; Ne dia vo wayenana la Latuyalaka Lamʼakalulandi lu Siona.

Isaya 65:23

Vo hawukamba ukambakamba, kuyanga mbuta ana, Dia vo ndiakema shashimuya, Ne dia vo weli ana wʼatshokwami wa Latuyalaka ndu anʼawo pupu.

Jeremiya 24:7

Dimi layuwasha utema dia vo nimbitela vati: Dimi keli Latuyalaka. Vo wayuyala wudja ami, la dimi layuyala Unyashungu awo, ne dia vo wayukalula le mi lʼutema otoi.

Jeremiya 31:33

Keli onʼeli sheki yayumudja la khumbu ka Isariyele, lʼokongo wa nshi yako. Dimi lavudja elembe ami lu nyumu yawo, layefunda lu etema awo. Dimi layuyala Unyashungu awo, ku vo, wayuyala wudja ami, mbata Latuyalaka.

Jeremiya 32:40

Dimi layudja la wo sheki ya pundju, yaha dimi nkadimo uma le wo, dia mbatshela ololo. Dimi layudja woma ami lu etema awo diaha vo mumo uma le mi.

Jeremiya 6:16

Latuyalaka kata okone ati: Nyemali lu mbuka, nyendi, Nyumbuli mbuka yʼedjedja lenʼeli mbuka kʼololo. Nyokendekende loko, ku nyu nyayutana ki lu etema anyu. Keli vo wakakaluya diui vati: Shu hatokendakenda loko.

Ezekiyele 36:26

Dimi layunyusha utema wʼuyuyu, ndu layudja nyuma kʼuyuyu lʼetema anyu. Dimi layunya utema a dive uma lu alimba anyu, ku layunyusha etema wʼemunyi.

Ezekiyele 37:22

Dimi laka-waete wudja otoi lu kete, lu ekungu wa Isariyele; khumʼekanga otoi ayuwaulela vo tshe. Vo hawuyala wedja ehendi, kuyanga nkahanya lu waulelu ahendi ntu.

Ezekiyele 37:24

Ukambi ami Davidi kayuyala khumʼekanga kawo. Vo wayuyala la ulami otoi, wayuyela adjangu ami, wayulamaka elembe ami, wayetshaka.

Ezekiyele 37:25

Vo wayudjase lu kete yakamasha ukambi ami Jakoba, lene akadjashi washewo. Vo wayudjase leko pundju, vo la anʼawo la ekana awo, ku ukambi ami Davidi ayuyala uwandji awo pundju.

Joani 14:6

Jesu akawutela ati: Dimi leli mbuka, mete la lumu. Nduku untu laya le Papa, tshikima uma le mi.

Joani 17:21

ne dia vo tshe wayali otoi. Papa, uku weye lʼutema ami, la dimi lʼutema aye, ndu vo wayali lʼetema asu. Okone wa la kete wetawo vati: We kakantumi.

Etsha wa Atumami 13:33

ati: Unyashungu akashidiya daka ne le anʼasu, ne dia ndi akulula Jesu, ndu uku ufundami lʼusambu a hendi ati: Onʼami keye, Elo kukutshimi.

Etsha wa Atumami 2:39

Ne dia daka dieko le nyu, le anʼanyu, ndu wa lʼetali tshe, wayeta Khumadiondjo Unyashungu asu le ndi.

Etsha wa Atumami 3:26

Unyashungu akulula ukambi andi, akanyutumelandi ntundu dia nyotshokola lamʼayundunyunya uma lu kolo yanyu.

Etsha wa Atumami 4:32

Embetawudi waki la utema otoi. Nduku untu lakati ati: Diango dieli la mi, diami mbedio. Keli vo wakasanganya diango diawo tshe kame.

Etsha wa Atumami 9:31

Okone ekelizia wa la Judiya tshe la wa la Nealili ndu wa la Samariya waki ki, wakuli; wakakendakendaka la woma a Khumadiondjo la lu ekikitshelu ka Nyuma kʼOlolo, wakafuli.

Romo 11:16

Naka kiama ya ma ya minya doka yeli ekila keti ndu ukama pupu. Naka udiu wʼutamba weko ekila, keti ndu tahi yawo pupu.

1 Koreto 7:14

Ne dia umi laha umbetawudi nkidiamaka uma le wadendi; la wadi laha umbetawudi nkidiamaka uma le umendi. Utunduyala aha osoku, tshiki anʼanyu hawukidiama, keli kakiane vo weko ekila.

2 Koreto 13:11

Lu ndjihelu, anyasu, moyo. Nyuyali ololo tshe; nyukikitshami; nyuyali la kanyi otoi; nyudjase ki. Ku Unyashungu a ngandji la ki ayuyala la nyu.

Euhwelu kʼElembe 5:29

Utunduyala vo wayalaki la etema ene etu, wa vo mbukakami woma la nkutanyiaka elembe ami tshe, dia vo ndjala la ongenongeno pundju ndu vo ndu anʼawo li!

Euhwelu kʼElembe 6:2

dia nyu mbuka Latuyalaka, Unyashungu anyu woma, la namaka am andi la elembe andi tshe wamumunyudjangela, nyu la an anyu la ekana anyu nshi tshe ya lumu lanyu; ndu dia nshi yanyu ndjala efula.

Euhwelu kʼElembe 6:24

Latuyalaka, akatudjangela dia shu ntsha elembe ene tshe, ndu mbuka Latuyalaka, Unyashungu asu, woma, dia shu menaka olo nshi tshe, ndu dia ndi ntutshika la lumu uku wesu elo.

Heberu 10:20

lu mbuka kakandatukiela, mbuka kʼuyuyu ka lumu, uma lu dihondo diʼekumbamelu, diatasu shati: Dimbo diandi,