Jeremiya 32:18 - La Bible en Otetela (Bible K'Ekila) 1991

¹⁸ We keli Unyashungu a wuki, Kanga-Wulu-Tshe, lukanga lukumbu ati: Latuyalaka Kanga lulimbilimbi. We atukaka antu nunu nunu ngandji ka shikaa, we atosombo-yaka kolo ka washi le anʼawo lʼokongo awo.

Jeremiya 32:18 Iomraidhean Croise

Etatelu 49:24

Keli uta andi akatshikala wulu, Ndu anya andi wakakikitala, Uma lu lunya la Kanga Wulu la Jakoba (uma lu lukumbu lʼulami, Dive dia wuki dia Isariyele).

2 Khumi ya Dikanga 9:26

Latuyalaka akati ati: Mete, lakenyi dikila dia Nabota lui ndu dikila dia anʼandi wʼapami. Dimi layukosomboya lu dihuli ne mbakandati. Okone uwembe, uwukadja lʼekambo kako, uku akati Latuyalaka.

Nehemiya 1:5

Lakataka nti: Latuyalaka, Unyashungu a lʼulungu li, we Unyashungu a wuki ndu a woma, latulamaka sheki ndu latukaka wane watukulangaka ndu watukitanyiaka elembe aye ngandji ka mamba, lambukosengasenga nti:

Esambu 50:1

Latuyalaka, Unyashungu, Kanga-Wulu, kateketa, atetaka kete Uma lʼehutwelu ka unya pulu ndu lʼedjelu kawo.

Esambu 89:9

We atulelaka ashi a waki. Lamʼatunelaka asukhu a wulu, we katalembohayaka.

Etumbelu 34:6

Latuyalaka aketi la ntundu kandi, akahangohango ati: Latuyalaka, Unyashungu a ketshi ndu ngandji ka mamba, lahuki kele esadi, luludi too la ngandji ka shikaa la kolamelu;

Etumbelu 34:7

latukaka antu nunu nunu ngandji ka shikaa, latudimanyiaka wengiya, uhedia, la kolo. Keli ndi huyindja kanga unungu nduku yema, ndi atosomboyaka wengiya a washi le anʼawo, ndu le ekana awo, edja ndu lolonga la satu kana lolonga la nei.

Isaya 10:21

Atshikadi wayukalula, ee atshikadi wa Jakoba le Unyashungu a wulu.

Isaya 57:15

Ne dia KhumʼUlungu, kanga edjaselu ka pundju Ndu kanga lukumbu lʼekila, kata ati: Dimi layudjase ladiku lu dihuli diʼekila, Kame la kanga utema wambate ndu wa ndjakitshakitsha, Dia mbulula lumu la kanga ndjakitshakitsha La nkikitsha kanga utema wambate.

Isaya 9:6

Ne dia wambututela ona, wambutusha ona pami. Diulelu diayuyala lu aheka andi. Wayuwole vati: Undaki a Mamba, Unyashungu a Wulu, Shesu ka Pundju, Uwandji wa Ki.

Jeremiya 10:16

One leli ukito wa Jakoba, kema uku dio, Ne dia ndi kakatungi diango tshe. Isariyele eli wudja andi wʼukito. Latuyalaka Kanga lulimbilimbi keli lukumbu landi.

Jeremiya 10:6

Latuyalaka li, nduku ledimi la ye! We eko wuki, ndu lukumbu laye leko wuki uma lu wulu aye.

Jeremiya 20:11

Latuyalaka eko la mi, uku dihuka diukawo woma. Diako mbayutakana wane watunsuyaka, mbahawonembia. Vo wayutshama sonyi ka mamba, Ne dia vo kuntsha la yimba, Sonyi kawo ka pundju hakuhamamelaki.

Jeremiya 31:35

Latuyalaka, latukimoka unya dia ndjala usasi la yanyi, Lakashikike ngondo la toto dia vo ndjala usasi lʼutshu, Latuhashahashaka ashi a waki diʼasukhu awo ndjikita, Ndu lukanga lukumbu lone: Latuyalaka Kanga lulimbilimbi, kata ati:

Jeremiya 33:2

Latuyalaka lakatungi kete, lakayilongosola ndu lakayikikitsha, lukanga lukumbu leli Latuyalaka, kata ati:

Jeremiya 50:34

Keli utshungudi awo eli la wulu, lukumbu landi leli Latuyalaka Kanga lulimbilimbi. Ndi ayusambula dikambu diawo dia mbisha kete ki. Ndi ayohenyahenya asi Babilona.

Danyele 2:45

Oso eli kitshimudi ka dive diakayenyi, diako uma lʼulungu aha la ekimanyelu ka lunya la untu, diakawediawedia luwulu, ohotela, diwumba, fesa la paunyi. Unyashungu a wuki ambulimbitshiya khumʼekanga akambu wayuyala lu nshi yayayi. Do diako dieli shikaa, la kitshimudi kadio keko mete.

Habakuka 1:12

Aha we keli lʼEkila lami, Latuyalaka, Unyashungu ami, Umaka mombokombola? Shu hatuvo. Latuyalaka, we akadjanga dia mbalumbuya. We, Dive, akashikike dia mbasuya.

Walelu 14:18

Latuyalaka huki kele esadi, eko too la ngandji ka shikaa, atudimanyiaka antu kolo la ehedia awo. Keli ndi hatuyindjaka akanga wʼenungu, atosomboyaka ana ne dia kolo ya washewo, edja ndu lu lolonga la satu kana la nei.

Mateu 27:25

Antu tshe wakâkaluya diui vati: Dikila diandi diayali lʼete asu, ndu lʼete wa anʼasu!

Luka 6:38

Nyusha antu, ku wayunyusha. Wayunyusha yediko yʼololo, yokokomadi, yushikishami, yatshulotshulo lu tulu yanyu; ne dia wayunyedikela la yediko yakanyawaedikela.

Euhwelu kʼElembe 10:17

Ne dia Latuyalaka, Unyashungu anyu, eli Unyashungu wa ditemolatemola, ndu Khumi ka wa khumi, Unyashungu a wuki, a wulu ndu wukama woma, waha la shonodi yʼantu, ndu wahatulungulaka mbu yʼutshu.

Euhwelu kʼElembe 7:21

Tanyuwaukaki woma: Latuyalaka, Unyashungu anyu, Unyashungu a wuki ndu wukama woma, eko lʼatei anyu.