Jeremiya 32:10 - La Bible en Otetela (Bible K'Ekila) 1991

¹⁰ Dimi lakafundi lukumbu lami lu daka diasu, lakadimati ematelu. Dimi laketi emenyi, lakawedikela falanga yako lu kilo.

Jeremiya 32:10 Iomraidhean Croise

Etatelu 23:16

Abarahama akuki diui dia Eferona. Ku ndi akedika la ndi shekele kama nyei ya fesa, uku akadji Eferona ushinga la ntundu kʼasi Hiti, akawusha.

Etatelu 23:20

Ekambo la wuku weli loko wakayala wʼAbarahama pundju. Ndi akayala kanga dihuli diako diakandasumbi uma le asi Hiti dia nkhundeka edu wa khumbu kandi.

Jobo 14:17

Ehedia ami wayukelekama lu tapa; Ndu we ayukumba kolo yami.

Limbu la Solomona 8:6

Umbidji lʼutema aye uku ematelu, Uku ematelu lu lunya laye, Ne dia ngandji eko wulu uku nyoi. Kandjema eko lunyu uku diumbu. Ehetelo kadio eko uku ehetelo ka dja, Lumbi la wulu la dja ya Latuyalaka.

Isaya 30:8

Uneli kakiane, ufundi akambu ane lu ehasi ka dive la ntundu kawo. Uwasanguli lu buku, Dia vo ndjala lu nshi yayayi Uku omenyi wa pundju,

Isaya 44:5

Omotshi ayuta ati: Dimi leli la Latuyalaka; Ukina ayuta ati: Lu diuhu dia Jakoba kemi. Lʼasatu ayufunda lu ewambu kandi ati: Dimi leko la Latuyalaka; ayuyadja lu diuhu dia Isariyele.

Jeremiya 32:12

Ku dimi lakasha Baruka, onʼa Neriya, onʼa Maseya daka diʼesumbelu la ntundu ka Hanamele, onʼa onangu papa, ndu ka emenyi wakaki pita lu daka diako diʼesumbelu, ndu la ntundu kʼasi Juda tshe waki lu seke dia lukanu.

Jeremiya 32:25

Latuyalaka li, we Khumadiondjo, we kakamvutela wati: Usumbi ekambo la falanga, eti emenyi. Ku usumba wambukimwama lu anya wʼasi Kaladiya!

Jeremiya 32:44

Antu wayusumbaka dikambo la falanga, wayufundaka dakanelu, wayudimataka ematelu, wayetaka emenyi lu kete ya Bendjamina, lu ahuli wa lʼutshimba wa Jerusalema, lu esumba wa la Juda, lu esumba wa lu leke lʼakuna, lu esumba wa la Shefela, ndu lʼesumba wa la Nengebe, ne dia dimi layakaluya ekundji awo, mbata Latuyalaka.

Danyele 8:26

Enelo ka pindju la akolo kakayenyi keko mete. Ulamaki enelo kako, tukitaki. To keko lu akambu wahatayi weki nshi efula la ntundu.

Mateu 27:66

Ku vo wakatshu, wakatukitsha alami dia nama diumbu, wakadji djimbitelu lu dive, wakatshiki alami laawo.

Joani 3:33

One letawo diui diandi, akadji djimbitelu yandi ati: Unyashungu eko mete.

Joani 6:27

Tanyukambelaki ma diatulanaka ulimu, keli nyukambeli ma diayutshikala edja ndu lu lumu la pundju, diayunyusha Onʼa untu, ne dia Papa, Unyashungu ndame, akukitsha djimbitelu.

2 Koreto 1:22

Ndi ambutudja djimbitelu, ambutusha Nyuma okole lʼetema asu.

Efeso 1:13

Nyu nyakuki diui dia mete le ndi, lukumu lʼololo la panda kanyu. Nyu nyakawetawo, nyakadjama tulimbitelu ta Nyuma kʼololo ka daka,

Efeso 4:30

Tanyunyangiaki Nyuma kʼOlolo ka Unyashungu, nyu nyakadjama djimbitelu uma le ndi edja ndu lushi letshungwelu.

Euhwelu kʼElembe 32:34

Lolengo lako halumbami lasuki la mi, Haludihami lu aumbelu ami uka?

Jashua 18:9

Apami ako wakatshu, wakatukindula kete, wakasangula usatu ayo lu buku, wakayikahanya lu beke esambeli uku esumba ayo. Vo wakakalula la pangu le Jashua la Shilo.

Enyelo 7:2

Dimi lakenyi ondjelo ukina atambela utsha lʼulungu uma lene atutumbaka unya, ukimedi djimbitelu ya Unyashungu a lumu. Ndi akawelela andjelo ako anei, wane wakawasha wulu wa nanya kete ndu ashi a wuki,

Enyelo 9:4

Wakawatela vati: Tanyulanyaki adiyu wa la kete, kuyanga engo kʼuyuyu, kuyanga utamba, paka antu waha la djimbitelu ya Unyashungu lu fumu yawo.

Ruta 4:1

Boaza akatshu lʼeotwelo ka ngelu, lene akawalaka akambu, akatudjase leko. Enyi ku usi khumbu kandi lakandataka lu dikambu dia ukito ateti. Ndi akaweti ati: Usikami, uhuya! Uyudjase lane. Ku ndi akayi, akayudjase.