Jeremiya 30:5 - La Bible en Otetela (Bible K'Ekila) 1991

⁵ Latuyalaka kata ati: Shu takuki alelu wa woma, wa woma wa mamba, aha wa ki.

Jeremiya 30:5 Iomraidhean Croise

Isaya 5:30

Lushi lako, vo wayukhungula la diku diato Uku atudikitaka asukhu wʼashi a waki. Lamʼayenda untu kete, ndi ayena udjima la okei; Usasi ayukadimo udjima lu wangi.

Isaya 59:11

Shu tshe tatumulaka amu uku tambwe, Tatukhumaka akhumu uku binga. Shu tatukungaka etshungwelu, ku to kema. Tatulungamelaka panda, ku to keko etali uma le su,

Jeremiya 12:12

Ananyishi wambudela lu ete wʼakuna tshe wa lʼusui, Ne dia yombo ya Latuyalaka yatudiakaka Uma lu kuma ka kete kemotshi edja ndu kuma kekina. Nduku untu leli la ki.

Jeremiya 25:36

Nyulungi, tukuku tʼalami wʼekoko toso, Akhumu wa elombodi wa dungalunga aso, Ne dia Latuyalaka ambulanya ahuli Watuwuleshaka dungalunga diawo.

Jeremiya 30:4

Lanʼeli aui wakati Latuyalaka lu dikambu dia Isariyele, ndu lu dikambu dia Juda.

Jeremiya 46:5

Kakona kenami? Vo wambuka woma, wambukalula ekongokongo. Ahuka awo wambolembiama, wambulawo aha mbewo lʼokongo. Woma wa mamba weko lu beke tshe, mbata Latuyalaka.

Jeremiya 6:22

Latuyalaka kata ati: Nyulungi, wudja omotshi wuyayi uma lu kete ya la ngelʼa kushi; Wudja a wuki wambunela uma lu kuma ka kete.

Jeremiya 6:26

We ona umuntu a wudja ami, olote akutu, ukidimo lʼutuku; Uleli utanda uku wʼona pami etoi, okedia asoi wʼokei, Ne dia unanyishi ayuya shashimuya le su.

Jeremiya 8:16

Awanelu wa falasa yawo wambukema uma la Dane, Kete tshe yambudidima la lundju lʼawanelu ka waumi wa falasa. Andoshi wa ta wambuya, wambolembia kete la diango tshe dieli loko, Usumba la waku wudjashi loko.

Jeremiya 8:19

Nyuki delu dia ona umuntu a wudja ami, Uma lu kuma ya kete ati: Undi, Latuyalaka, kema lu Siona? Khumʼekanga kawo kema lʼatei awo? Okoko wana wakawambutsha kele La ditemolatemola diawo dia losela, la dia dikishi diʼasi wedja?

Jeremiya 9:19

Ne dia tukuku tʼalelu tambukema uma le Siona. Yee! tambushila, tambukumbama la sonyi, Ne dia shu takaseke kete, ndu ne dia vo wakalanya mvudu yasu!

Amose 8:10

Dimi layukadimula nshi yanyu ya waki utanda, La kimbu yanju tshe delu. Dimi layunyolotsha akutu lu kindi tshe, Layunyete awandji lʼete tshe. Dimi layete wudja lʼutanda uku wa ona pami etoi, La ekumelu kawo uku lushi lʼokei.

Habakuka 1:10

Vo watosokaka khumi ya dikanga, La ewandji weli engo ka tola le wo. Vo watolaka wembe wa ta tshe, Ne dia vo watomotshaka ditshu, watudiosaka.

Habakuka 1:6

Enda, dimi lambunyia asi Kaladiya, Wudja uku wa ngala ndu watudjaka luwangu; Dia vo ntenanya kete lu wuki ayo, La dia vo nkita adjaselu weli kema wawo.