Jeremiya 30:10 - La Bible en Otetela (Bible K'Ekila) 1991

¹⁰ Okone tukaki woma we ukambi ami Jakoba, Tateki asulu, we Isariyele, Ne dia dimi layukushimbela uma lu kete yʼetali, La tukanula taye uma lu kete yewo lu lohombo. Jakoba ayukalula, Ayuyala la mumuya ndu la ki, Ku nduku untu layohenyahenya, mbata Latuyalaka.

Jeremiya 30:10 Iomraidhean Croise

Etatelu 15:1

Lʼokongo wʼakambu aso, Latuyalaka akene le Abarama lu do. Ndi akawutela ati: Abarama, tukaki woma; dimi leli engawu kaye. Difutu diaye diayuyala wuki efula.

Isaya 14:3

Lu lushi loso, Latuyalaka ayukusha mumuya uma lu lunyangu laye, uma lu pa kaye, la uma lʼulimu wakawakukambiaka la khudu.

Isaya 35:9

Nduku tambwe kayuyala leko, Kuyanga nyama ka ngala, yo hayutanema loko. Ekilami etu mbayetaka loko.

Isaya 43:5

Tukaki woma, ne dia dimi leko la ye. Dimi layukaluya diuhu diaye uma lʼehutwelu, Ndu layudisanganya uma lʼedjelu.

Isaya 44:1

Ukambi ami Jakoba, Isariyele lakamasonola, ulungi!

Isaya 44:2

Latuyalaka lakakutungi lʼutema wa nyo, Ndu latukukimanyiaka, kata ati: We ukambi ami Jakoba, we Jeshurana lakamasonola, tukaki woma.

Isaya 46:11

Dimi laketi pungu uma lʼehutwelu, Untu uma le kete yʼetali, Dia ndjushidiya sangweyu diami. Dimi lakati dikambu ne, layudishidiya. Lakadisanguya, layuditsha.

Isaya 46:13

Dimi lambusukanya etshungwelu kami, To kema etali ntu. Panda kami hatshimbatshimba. Dimi layukitsha panda kami lu Siona, Ndu lutumbu lami lu Isariyele.

Isaya 49:12

Enda, vo wayuya uma lʼetali: Amotshi uma la ngelʼa kushi, Ndu uma lʼedjelu ka unya, La akina uma lu kete ya Sinime.

Isaya 49:25

Elu, mbata Latuyalaka, Fumbi yakandama le kanga wulu, mbeyaka ntshungwama, La engo ka dimbu kakose kanga ngala, mbeyaka mpotwama; Ne dia dimi layolo la wane watukoloshaka, Ndu dimi layushimbela anʼaye.

Isaya 54:4

Tukaki woma, ne dia we huvo sonyi. Tukananaki, ne dia we hutshama sonyi. Keli we ayuhela sonyi ya lu nshi yaye yʼusekaseka. We huho lotengo lakawakotengaka lamʼakiye wadi aki udu.

Jeremiya 23:3

Dimi layusanganya atshikadi wa ekoko ami, uma lʼahuli tshe wakamawatshanya, layakaluya lu ekutu awo. Ku vo wayutana, wayufulanela.

Jeremiya 23:4

Dimi layukitsha alami dia mbalamaka. Vo wayaleshaka; hawuyuka woma kuyanga mundama la sasi. Nduku otoi awo ayushisho, mbata Latuyalaka.

Jeremiya 23:6

Juda ayushimbamela lu nshi yandi, ndu Isariyele ayuyala la lutui tshitshi. Ku vo wayuwetaka lukumbu lone vati: Latuyalaka ololo asu.

Jeremiya 23:8

Keli wayutaka vati: Uku eli Latuyalaka, lakela tukanula ta khumbu ka Isariyele uma lu kete ya la ngelʼa kushi ndu uma lu kete tshe yakandawatshanya la lumu! Vo wayudjase lu kete yawo.

Jeremiya 29:11

Dimi mbeyaka sangweyu dia-tumusanguyaka lu dikambu dianyu, sangweyu dia ki, aha diʼelanyelu, dia nyusha elungamelu la nshi yayayi.

Jeremiya 29:14

Dimi layetawo nyu mbishulami. Dimi layukadimula lohombo lanyu, layunyusanganya uma lu wedja tshe ndu uma ahuli tshe, lene akamanyutshanya. Dimi layunyu-kaluya lu dihuli diakamanyose, dia nyotola lu fumbi.

Jeremiya 3:18

Lu nshi sho, khumbu ka Juda ayokendakendaka kame la khumbu kʼIsariyele. Vo wayuya kame uma lu kete ya la ngelʼa kushi, uya lu kete yakamasha washenyu ukito.

Jeremiya 30:3

Uki, nshi yayuyala, yayumukaluya antu ami wʼasi Isariyele ndu wʼasi Juda wakatshu lu lohombo. Dimi layakaluya lu kete yakamasha washewo. Ku vo wayuyikita, mbata Latuyalaka.

Jeremiya 30:7

Yee, ndi lushi lone wuki li! Nduku lukina leli uku lo. Lo leli etena ka pa le Jakoba, Keli ndi ayushimbamela uma loko.

Jeremiya 33:16

Lu nshi sho, Juda ayushimbamela, la Jerusalema ayuyala la lutui tshitshi. Wayumbeta vati: Latuyalaka eko ololo asu.

Ezekiyele 16:52

Uyaembele sonyi yaye. We akete ananyo uku antu waha la unungu, ne dia kolo yakayatshaka, yakaleki kolo yakawatshaka wononyi. Vo wambukuleka ololo, okone utshami sonyi. Ukike sonyi kaye, ne dia lasuki la ye, ananyo wambufana la antu wʼololo.

Ezekiyele 38:11

Ku we ayuta wati: Dimi layumbela lu ngelu yaha la kumbu ya peli. Dimi layutsho le wane weli la mumuya, wudjashi la lutui tshitshi, le wane tshe waha adjaselu awo la peli, ndu waha la tukengeti kuyanga kuki.

Danyele 12:1

Lu Uena keso Mikaele, uwandji a wuki, ulami wʼasi wudja aye, ayunela. Pa kayuyala lʼetena kako, wuhu wahatayala lu wudja edja ndu etena kako. Keli lʼetena keso, asi wudja aye tshe, wufundami numbu lu buku, wayushimbamela.

Hosea 2:18

Lu lushi loso, dimi layudja la nyama ya lʼukunda, fudu ya lʼulungu la diango tua yakutula dia la kete sheki dikambu diaye. Dimi layokola eta la yombo, layunya ta uma lu kete, layuwetamia la lutui tshitshi.

Hosea 2:20

Dimi layuyala umendi lʼakambu wa kolamelu ku ndi ayunimbitela, dimi Latuyalaka.

Hosea 6:11

Ndu le ye we Juda, etena ka dinela kambushikikema.

Joele 2:21

Kete li, tukaki woma, Uyali la ongenongeno, ongenengene utamanya, Ne dia Latuyalaka ambutsha akambu a waki!

Mika 4:9

Okoko wana wandaye kuku kakiane? Undi, khumʼekanga kema lʼatei aye? Undaki aye akavu? Diako mbambukunda lunyangu uku umuntu latata lono?

Zekariya 3:10

Lushi lako, nyu nyayetama untu lʼuntu la unyandi la tshina dia okodi wa vinyo, ndu la tshina diʼutamba wa fingu, mbata Latuyalaka Kanga lulimbilimbi.

Joani 12:15

Ona umuntu a Siona, tukaki woma. Enda, Khumʼekanga kaye ambuya, ayahemi ladiku dia osongo a punda.