Jeremiya 3:8 - La Bible en Otetela (Bible K'Ekila) 1991

⁸ Kuyanga mbakamaseke asi Isariyele, akanga wʼuhedia, ne dia etemwelo kawo ka dikishi ndu kuyanga mbakamawasha mukanda wʼesekanelu, dimi lakenyi nti: Anengewo, asi Juda, akanga a lukesu, hawuki woma. Vo wakatshu dia ntotemola ditemolatemola pupu.

Jeremiya 3:8 Iomraidhean Croise

2 Ekondo 21:11

Jehorama akatshi ndu alunga lu ekungu wa Juda. Ndi akanganyia asi Jerusalema dia ntemola ditemolatemola, akanganyia ndu Juda.

Isaya 50:1

Latuyalaka kambula okone ati: Lendʼeli mukanda wa ndjaka diwala, wakamaseke nyengenyu? Kuyanga lʼatei a wane wunkuli abasa, Le akona akamanyusundja le ndi? Enda, nyu nyakatshanyema ne dia ehedia anyu, Ndu nyengenyu akasekama ne dia kolo yanyu.

Jeremiya 2:19

Kolo kanyu kayunyuhangwela, la uhedia anyu wayunyusuya. Nyeyi, ndu nyulimbiteli nyati: Dikambu ne diakanyatshi dia nseka Latuyalaka, Unyashungu anyu, La diaha mbuka woma dieko kolo ndu ululu Mbata Khumadiondjo, Latuyalaka Kanga lulimbilimbi.

Jeremiya 3:1

Vo mvutaka vati: Naka pami amboseka wadendi, la umuntu ambumo lakandi, Ku ndi ambututshukama la pami kekina, pami kako ayukaluya ntu uka? Undi, ndu kete hayusana la dikambu diako? Nyu nyakanseke, nyakatemola ditemolatemola efula. Keli nyukaluli le mi, mbata Latuyalaka.

Jeremiya 33:24

We hadji tukanyi lu aui watutaka antu ane vati: Latuyalaka akatuni khumbu hyendi nye yakandasonola? Diako mbatuwonyolaka wudja ami, diaha vo mbaena ntu uku wudja.

Jeremiya 5:7

Ukundi eyami nkudimanyia? Anʼaye wakanseke, wakatshibela ditemolatemola. Lamʼakamaksha, vo wakaluti, wakayakimo lu akambu wa luseka, Wakamote elui lu mvudu yʼamantu akanga a munanyi.

Ezekiyele 16:46

Samariya keli enundu aye a umuntu, ludjashi lu lunya laye la lomoso, ndi la anʼandi wʼamantu. Sodoma keli kusheye a umuntu, ludjashi lu lunya laye la pami, ndi la anʼandi wʼamantu.

Ezekiyele 16:47

We kumbetawo ndjela paka ditshelu diawo kuyanga ntsha paka akambu awo wa wononyi. Akambu aso waki dikambu dia tshitshe le ye; we akaleki ntsha kolo lu akambu aye tshe.

Ezekiyele 16:51

Ndu Samariya atatshi etenyi ka hendi ka kolo yakayatshi. We akafudia akambu aye wa wononyi wuleki wawo. Uma lu akambu wa wononyi tshe wakayatshaka, mbakayete ananyo uku antu waha la unungu.

Ezekiyele 23:44

Vo wakoto le ndi uku atuwotoka le kanga luseka. Osoku mbakawoto le Ohola la le Oholiba, amantu wa kolo.

Ezekiyele 23:9

Diako mbakamukimo lʼanya wʼeseka andi, lʼanya wʼasi Asuriya wakandalangaka.

Hosea 3:4

Asi Isariyele wayutshikala edja aha la khumʼekanga, aha la uwandji, aha la ulambu, aha la kimeta, aha la ukutu wa nemo, kuyanga la loyembo lʼaloho “uluwanyi”.

Euhwelu kʼElembe 24:1

Naka pami ayosa umuntu dia mbutshuka, ku ndi hayongenangena umuntu ako, ne dia ndi ambuwushula la dikambu dimotshi dia sonyi, kufundeli mukanda wa ndjaka diwala, kawushawo, kukaluya lakawo.

Euhwelu kʼElembe 24:3

Naka umendi la hendi ambosela, ambufundela mukanda wa ndjaka diwala, ambuwushawo, la ambukaluya lakawo; kana naka umendi la lʼokongo lakawose wadi ambuvo