Jeremiya 3:24 - La Bible en Otetela (Bible K'Ekila) 1991

²⁴ Ditemolatemola dia sonyi diakamani waho wʼulimu washesu uma lu nshi yasu yʼakenda: dungalunga diawo, la ngombe yawo, anʼawo wʼapami ndu wʼamantu.

Jeremiya 3:24 Iomraidhean Croise

Jeremiya 11:13

We Juda, uku eli efula kʼesumba anyu, mbeli efula ka ditemolatemola dianyu! Uku eli efula kʼesese wa la Jerusalema, mbakanyatshela engo kene ka sonyi diakelu, diakelu dia ntshumbela Bala malashi.

Jeremiya 22:21

Dimi lakateketaka la ye lamʼakiye lʼongonyi, Keli we akataka wati: Dimi halungi. Osoku mbakayatshaka umaka nshi yaye ya dikenda. We kunkitanyiaka diui diami.

Jeremiya 44:7

Diako mbata Latuyalaka Kanga lulimbilimbi, Unyashungu wa Isariyele, ati: Okoko wana wayatshelanyu kolo kene ka wuki, dia nshila apami, amantu, ana, la ana wʼashashi uma lʼatei wa Juda ushiki, wuhu waheya ntshikala nduku otoi lʼatei anyu?

Jeremiya 8:16

Awanelu wa falasa yawo wambukema uma la Dane, Kete tshe yambudidima la lundju lʼawanelu ka waumi wa falasa. Andoshi wa ta wambuya, wambolembia kete la diango tshe dieli loko, Usumba la waku wudjashi loko.

Jeremiya 9:18

Wasamanya, wayututshimeli djuwa, Dia ashu asu nkedia asoi, Dia toki yasu mbasedia!

Ezekiyele 16:19

We akose mbu yami ya nde — yakamakusha, shima ka pudipudi, iso, la usanga wakamakushaka — we akayilambuladio uku diango diʼupumu. Osoku mbakidio, mbata Khumadiondjo Latuyalaka.

Ezekiyele 16:20

Ladiku diʼakambu aso, we akose anʼaye wʼapami la anʼaye wʼamantu wakayambutela, akalambula la ntundu kadio dia vo nanyema. Undi, luseka laye aki dikambu dia tshitshe,

Ezekiyele 16:61

We ayuho ditshelu diaye, ku ayutshama sonyi lamʼayuyulungula anangu wʼamantu, wa nundu ndu wa kushi. Dimi layukushawo dia vo ndjala uku anʼaye wʼamantu, keli aha uma lu daka diaye.

Ezekiyele 16:63

dia we mbuho la nkashimo, ndu aha mbufula unyo ntu dia sonyi kaye lamʼayumukudimanyia akambu tshe wakayatshaka, mbata Khumadiondjo Latuyalaka.

Hosea 10:6

Wayuyitola utsha la Asuriya, Dia ntuyisha khumʼekanga ka wuki ushasha. Efarayima ayundama la sonyi, Ndu Isariyele ayuyala la sonyi, Ne dia esangweyu kawo.

Hosea 2:8

Ndi kumbeya ntu ati: Dimi kakawusha epunga, ashi wʼelua la iso. Dimi lakawusha fesa la paunyi efula, Yakawatshaka la yo ulimu wa Bala.

Hosea 9:10

Dimi lakatani Isariyele Uku sandji oiʼelua wa vinyo lʼusui wa shenga. Dimi lakenyi washenyu Uku elua wa ntundu wʼutamba wa fingu, Keli vo wakatshu utsha le Bala-Peore. Vo wakatuyakidia le ekishi ka sonyi, Ku wakayala wononyi uku engo kakawalangaka.