Jeremiya 3:19 - La Bible en Otetela (Bible K'Ekila) 1991

¹⁹ Dimi lakati nti: Ukundi ayumunyukitsha lʼatei wa anʼami Ndu ayumunyusha kete yʼololo ukito. Elengalenga kuleki dimena ka wedja? Ku lakati nti: Nyu nyayumbetaka nyati: Shesu! Nyu hanyukadimo uma le mi.

Jeremiya 3:19 Iomraidhean Croise

Esambu 106:24

Vo wakonyola kete yʼololo, Kumbetawo diui diandi.

Esambu 16:6

Vo wambombedikela etenyi kuleki ololo, Ee, etenyi kami kʼukito keli dimena.

Esambu 89:26

Ndi ayundelelaka ati: We keli Papa, Unyashungu ami, la dive tha panda kami.

Tukedi 3:35

Akanga a yimba wayukita lutumbu, Keli sangu dia akanga a dinginya dieko sonyi.

Isaya 63:16

We keli shesu, kuyanga Abarahama hatulimbetela La Isariyele hateyi kumbu. We Latuyalaka keli shesu, We katetamaka Ushimbedi asu umaka mombokombola.

Isaya 64:8

Latuyalaka li, we keli shesu. Diwumba mbesu, we keli ukingi. Shu tshe teli ulimu wʼanya aye.

Jeremiya 12:10

Alami efula wakalanya ekambo kami ka vinyo. Vo wakahotshahotsha ekambo kami, Wakete ekambo kami kʼololo usui wa shenga.

Jeremiya 3:17

Lu etena keso, wayeta Jerusalema vati: Kiti ka diulelu ka Latuyalaka. Wedja tshe wayusangana la Jerusalema lu lukumbu la Latuyalaka. Vo hawuyela saki yʼetema awo wa kolo.

Jeremiya 3:4

Nyu nyambundelela nyati: Shesu! We eko ongenyi asu uma lu nshi yʼakenda.

Jeremiya 31:20

Undi, Efarayima kema onʼami a pami la ngandji? Ndi kema onʼami lulekimi nanga uka? Tena tshe diatumuhangwelaka, dimi latuwuhoka. Diako mbatulungulaka utema ami lu dikambu diandi. Dimi layuwukaka ketshi, mbata Latuyalaka.

Jeremiya 31:9

Vo wayuya wayaleli, ku dimi layakaluya la esambelu. Dimi layalombola lʼemamu wʼekedi wʼashi, Lu mbuka kʼusimbwi kahaweyi ntakana, Ne dia dimi leli umbutshi wa Isariyele. Efarayima keli onʼami lʼenundu.

Jeremiya 33:9

Usumba one wayuyala lukumbu lʼongenongeno la diandu la lutumbu le mi lʼatei a wedja tshe wa la kete wayukaka lukumu lʼololo tshe wayumatshela. Vo wayukashimo, wayusaka lukumba dia ololo tshe la dia ongonyi wayumatshela.

Jeremiya 5:7

Ukundi eyami nkudimanyia? Anʼaye wakanseke, wakatshibela ditemolatemola. Lamʼakamaksha, vo wakaluti, wakayakimo lu akambu wa luseka, Wakamote elui lu mvudu yʼamantu akanga a munanyi.

Ezekiyele 20:6

Lushi lako, dimi lakatshibela dia mba-tundja uma lu kete ya Edjibita, la mbaela uya lu kete yakamasonwela, kete yuludi too lʼawele la usanga, yuleki kete tshe lutumbu.

Danyele 11:16

Keli one layuya dia njdolosha, ayutshaka uku ayundulanga, nduku layushikikaʼa la ntundu kandi. Ndi ayemala lu kete ya lutumbu, la wulu wa nanya wayuyala lʼanya andi.

Danyele 11:41

Ndi ayoto lu kete ya lutumbu, wedja efula wayolembiama, keli Edome, Moaba la etenyi kuleki wuki kʼasi Amona, wayuhanda.

Danyele 11:45

Ndi ayuhika mvudu yʼapema ya diulelu diandi lʼasa ashi a waki la ukungu wa lutumbu wʼekila. Lʼokongo diku, ekumelu kandi ayenama; nduku layukimanyia.

Danyele 8:9

Uma lʼatei a luseki lomotshi kakatumbi shekiseki. Yo yakatahamaka otekoya utsha la diku dia kushi, utsha lu ehutwelu, ndu utsha lu kete ya lutumbu.

Hosea 11:8

Ukundi eyami nkukadja, we Efarayima? Ukundi eyami nkukimo, we Isariyele? Ukundi eyami nkete uku Adem? Ukundi eyami nkutshela uku Zeboyima? Utema ami ambulungula; Ketshi kami kambuyala otekoya.

Ngalatiya 3:26

Nyu tshe nyeko ana wa Unyashungu lu mbetawo le Kristu Jesu.

Efeso 1:5

mbakandatosonola dia shu ndjala ekito uku anʼandi uma le Jesu Kristu, uku lulangu landi.

Euhwelu kʼElembe 14:1

Nyu nyeli ana wa Latuyalaka, Unyashungu anyu. Tanyuyakotaki puta kuyanga minya divu diwandji uma lu fumu lamʼavo untu,

Heberu 10:39

Keli shu kema lʼatei a wane watsho ekongokongo edja ndu lʼeshishwelu, keli teko lʼatei a wane weli la mbetawo ka nshimbela nyumu yawo.

1 Petero 1:17

Naka nyu nyatuwetaka nyati: Shesu, latulumbuyaka untu tshe uku akandatshi aha la shonodi, nyukaki woma lamʼekinyu lene akanyatshanyema.