Jeremiya 3:17 - La Bible en Otetela (Bible K'Ekila) 1991

¹⁷ Lu etena keso, wayeta Jerusalema vati: Kiti ka diulelu ka Latuyalaka. Wedja tshe wayusangana la Jerusalema lu lukumbu la Latuyalaka. Vo hawuyela saki yʼetema awo wa kolo.

Jeremiya 3:17 Iomraidhean Croise

Etatelu 8:21

Lamʼakuki Latuyalaka upumu wʼololo wʼulambu, ndiakati lʼutema andi ati: Dimi handjudja kete mananu ntu dikambu dia kolo kʼuntu. Mete, tukanyi tʼutema wʼuntu mbatuyalaka kolo umaka nshi yandi ya dikenda. Dimi handjulanya diango tshe dieli la lumu ntu uku akamatshi.

1 Khumi ya Dikanga 8:41

Naka ongendangenda waha usi Isariyele ayuya uma lu kete yʼetali dikambu dia lukumbu laye

Esambu 102:23

Ndi akakitshakitsha wulu ami lu mbuka, Akasusi nshi yami.

Esambu 78:8

Tawuyalaki uku washewo. Lolonga lʼehedia la etema a wulu, Lolonga laki kundjala la etema wʼusimbwi, La nyumu yekami le Unyashungu.

Esambu 87:3

Akambu wa mamba mbatuwutaka dikambu diaye, We usumba wa Unyashungu.

Isaya 26:8

Latuyalaka li, shu tambukukunga lu mbuka ka dumbwelu diaye. Etema asu wambulula la saki kʼeuhwelu kaye.

Isaya 56:6

Ndu asi wedja watumamemaka Latuyalaka dia mbukambela ulimu, La dia mbuka lukumbu landi ngandji, La dia ndjala ekambi andi, Ee, wane tshe watulamaka lushi la mumuya diaha lulanya Ndu watushikikalaka lu sheki yami.

Isaya 59:19

Antu wayukaka lukumbu la Latuyalaka woma umakʼedjelu, La lutumbu landi umakʼehutwelu ka unya. Latuyalaka ayuya uku ashi wa pedu, Watokelaka uma lʼefufelu kandi.

Isaya 6:1

Lʼeleku kakavu khumʼekanga Uziya, dimi lakenyi Khumadiondjo udjashi lu kiti ka diulelu ladiku dia loyenga lʼutali, ku soso ya dihondo diandi yakaludia etemwelo.

Isaya 66:1

Latuyalaka kata okone ati: Ulungu eko kiti kami ka diulelu, La kete eko kihuna kʼekulu ami. Wuhu akona wa luudu wukukinyu mbikelami? Lendʼeli dihuli diukukimi mbidjase?

Isaya 66:18

Dimi mbeyaka elimu awo la tukanyi tawo, etena kayuyala ka dimi nsanganya wedja tshe wa eteketa tshe, ku vo wayuya la ndjenda lutumbu lami.

Isaya 66:20

Vo wayuya la anengenyu tshe uma lu wedja tshe uku ulambu le Latuyalaka. Vo wayuya le wo wahemi ladiku dia falasa, lu pusupusu, lu poyi, ladiku dia punda, ndu ladiku dia kamelo uya la Jerusalema, lʼukungu ami wʼekila, mbata Latuyalaka, uku atelaka asi Isariyele elambu awo lu puki ya pudipudi, uya lu luudu la Latuyalaka.

Jeremiya 11:8

Keli vo kunkitanyia kuyanga mpuke atui. Vo tshe wakayelaka saki yʼetema awo wa kolo. Diako mbakamashidiya aui tshe wa sheki nye, yakamawadjangela dia nama, keli vo kumbalama.

Jeremiya 12:15

Keli lamʼayumushila mbanya, dimi layuwauka ketshi ntu, layakaluya untu lʼuntu lu etenyi kandi kʼukito uya lu kete yandi.

Jeremiya 12:16

Naka wedja ene wayokolamela mbekela ditshelu dia wudja ami, dia ntshiba lu lukumbu lami vati: Uku eli Latuyalaka la lumu! Uku akawetsha wudja ami dia ntshibela Bala, ku vo wayongona lʼatei a wudja ami.

Jeremiya 14:21

Tutengaki diengekhu ne dia lukumbu laye, Tulanyaki nemo dia kiti ka lutumbu laye. Uho sheki yaye le su, tuyilanyaki.

Jeremiya 16:12

Keli nyu nyakatshi kolo ndeka washenyu, ne dia nyu tshe untu lʼuntu akayelaka saki kʼutema andi a kolo. Nyu kumbukelami.

Jeremiya 16:19

We Latuyalaka keli wulu ami, lungeli lami, Eshamelu kami lu nshi ya pa! Wedja wayuya le ye uma la kuma ya la kete. Vo wayuta vati: Washesu wakakiti paka kashi, Ditemolatemola diʼanyanya, diahawasha waho.

Jeremiya 17:12

Dihuli diʼotemwelo asu eli kiti ka lutumbu, Kakediama umaka etatelu.

Jeremiya 18:12

Keli vo mvutaka vati: Dikambu so anyanya! Shu tayuyelaka paka tukanyi tasu, shu tshe tayutshaka uku saki yʼetema asu wa kolo.

Jeremiya 3:19

Dimi lakati nti: Ukundi ayumunyukitsha lʼatei wa anʼami Ndu ayumunyusha kete yʼololo ukito. Elengalenga kuleki dimena ka wedja? Ku lakati nti: Nyu nyayumbetaka nyati: Shesu! Nyu hanyukadimo uma le mi.

Jeremiya 31:23

Latuyalaka Kanga lulimbilimbi, Unyashungu wa Isariyele, kata ati: Wayutaka aui ane ntu lu kete ya Juda ndu lʼesumba ayo, lamʼayumukaluya wane wakatolama lu fumbi vati: Latuyalaka akotshokole, we edjaselu kʼakambu wʼololo, We ukungu wʼekila!

Jeremiya 33:9

Usumba one wayuyala lukumbu lʼongenongeno la diandu la lutumbu le mi lʼatei a wedja tshe wa la kete wayukaka lukumu lʼololo tshe wayumatshela. Vo wayukashimo, wayusaka lukumba dia ololo tshe la dia ongonyi wayumatshela.

Jeremiya 4:2

Naka nyu nyayutshiba nyati: Uku eli Latuyalaka la lumu! Lu mete, lu sambu kʼololo, ndu lu ololo, Ku wedja wayotshokwama le ndi. Lu dikambu diandi, kayuyala lutumbu lawo.

Jeremiya 7:24

Vo kununga, kumpuke atui. Vo wakakendakenda lu tukanyi tawo ndu lu saki yʼetema awo wa kolo, wakakalula ekongokongo, kuntsho utsha la ntundu.

Jeremiya 9:14

Keli vo wakayelaka saki yʼetema awo, ndu wakayelaka Wa-Bala uku akawaetshaka washewo.

Ezekiyele 1:26

Enelo ka kiti ka diulelu kaki ladiku dia efanelu ka lʼulungu, kaki ladiku diʼete adio. Kiti kako kakafanyi la dive diʼudima. Ndu ladiku dia efanelu ka kiti ka diulelu kaki efanelu kʼuntu.

Ezekiyele 43:7

Ndi akamvutela ati: Onʼa untu, lanʼeli dihuli dia kiti kami ka diulelu, la dihuli diayumukitsha akaka ami. Laawo kayumudjase pundju pundju lʼatei wʼasi Isariyele. Khumbu ka Isariyele la khumi ya dikanga yawo hawuyusanya lukumbu lami lʼekila ntu la otemwelo awo wa ditemolatemola ndu la edu wa khumi ya dikanga yawo.

Ezekiyele 48:35

Utali wʼutshimba tshe wʼusumba ayuyala kubita nunu dikumi la enanei. Uma lu lushi lako, wayetaka usumba ako vati: Latuyalaka eko leko.

Zekariya 2:11

Wedja efula wayumamema, dimi Latuyalaka, lushi lako. Vo wayuyala wudja ami. Dimi layudjase lʼatei aye, ku we ayeya wati: Latuyalaka Kanga lulimbilimbi kakantumi le ye.

Zekariya 8:8

Dimi layutuwaosa, ku vo wayuyudjase lʼatei a Jerusalema. Vo wayuyala wudja ami, la dimi layuyala Unyashungu awo, lu akambu wa mete, ndu lu akambu wʼusimbwi.

Walelu 15:39

Okone lamʼayunyendaka tufufo tako, ku nyayuhoka elembe tshe wa Latuyalaka, dia mbetsha, mbahanyuyela saki yʼetema anyu la ya ashu anyu, uku akanyatshaka nshi ya ntundu.

Romo 1:21

ne dia vo wakeyi Unyashungu, keli vo kumbutumbula uku Unyashungu, kumbuka lusaka. Vo wakanganela lu tukanyi tawo. Etema awo wa dinginya wakayala tshududu.

Romo 6:14

Akambu wa kolo hawuyunyahamela, ne dia nyu kema la tshina diʼelembe, keli nyeko la tshina dia ngandji ka mamba.

Ngalatiya 4:26

Keli Jerusalema ya lʼulungu yuyadjasedi, yeli uku nyengesu.

Euhwelu kʼElembe 29:29

Akambu wushami weli wa Latuyalaka, Unyashungu asu. Keli akambu wambushwama weli wasu ndu wʼanʼasu pundju, dia shu mbeya ntsha aui tshe wʼelembe.

Embadi 2:19

Keli lamʼakavu umbadi, vo wakakadimo ntu, wakaleki washewo ntsha kolo, wakatendela ditemolatemola, wakadikusela adui. Vo wakashikikala lu ditshelu diawo ndu lu ahedia awo.