Jeremiya 3:16 - La Bible en Otetela (Bible K'Ekila) 1991

¹⁶ Latuyalaka kata ati: Lamʼayunyufulanela ndu lamʼayunyuyala la diwutshi, lu nshi sho, nyu hanyoteketa ndu dia oshete wa sheki wa Latuyalaka, hanyudimula lukumbu, kana mbuho lu tukanyi, hanyukumbula mbena, kuyanga ntsha ukina wuhu ako.

Jeremiya 3:16 Iomraidhean Croise

Isaya 60:22

One leli tshitshe ayuyala kinunu, Ona one luleki tshitshe wudja a wulu. Dimi, Latuyalaka, layusamanya dikambu ne lʼetena kadio.

Isaya 61:4

Vo wayuhika ngelu ntu lu ahuli wakalana. Vo wayunyiya dihikahika diakato. Vo wayulula esumba wakalana, Dilanyelu dia nonga efula.

Isaya 65:17

Enda, dimi lutsha ntunga ulungu wʼuyuyu la kete yʼuyuyu Akambu wa ntundu wayuhamamela, hawuyuhwama ntu.

Jeremiya 3:17

Lu etena keso, wayeta Jerusalema vati: Kiti ka diulelu ka Latuyalaka. Wedja tshe wayusangana la Jerusalema lu lukumbu la Latuyalaka. Vo hawuyela saki yʼetema awo wa kolo.

Jeremiya 30:19

Esambu wa diandu wayutumbaka uma lʼatei awo, La waelu wʼongenongeno uma le antu wangenangena. Dimi layafudia, vo hawukitakita. Dimi layuwandula, vo hawukitshakitshama.

Jeremiya 31:27

Latuyalaka kata ati: Nyulungi, nshi yayuyala, yayumune wuhu wʼantu ndu wuhu wa nyama lu Isariyele ndu lu Juda.

Jeremiya 31:8

Enda, dimi layuwaela uma lu kete ya la ngelʼa kushi, Layasanganya uma lu kuma ya kete. Lʼatei awo Keli kanga tshungu, kanga etshumbi, Umuntu kanga diemi, la one latata lono. Vo wayukalula ului a wuki lindu.

Jeremiya 7:4

Tanyekamaki aui ane wa lukesu nyati: Etemwelo ka Latuyalaka kene, etemwelo ka Latuyalaka kene, etemwelo ka Latuyalaka kene!

Ezekiyele 15:5

Nyuki, lamʼaki okodi a vinyo utundu, antu kumbeya ntsha la wo ulimu, keti la-mʼambuwulungula? Ukundi eyawo ntsha la wo ulimu?

Ezekiyele 37:26

Dikambu dikina, dimi layudja la wo sheki ya ki. Yo yayuyala sheki ya pundju lʼasami la wo. Dimi layakitsha, layafudia, ndu layukitsha etemwelo kami pundju lʼatei awo.

Amose 9:9

Enda, dimi layuta diui, Layuyunga khumbu ka Isariyele lʼatei a wedja tshe, Uku atuwuyungaka ahoho lu djungo, Ku aha nduku lotongo nko la kete.

Zefaniya 3:11

Lushi lako, we, Jerusalema, huyala lu sonyi Dia etsha aye wakayantshelaka kolo, Ne dia dimi layunya akanga wʼutaku weli lʼatei aye, La we huyala la lahi ntu lʼukungu ami wʼekila.

Mateu 1:11

Josiya akuti Jekoniya la anangu, Tetena kakawatole la Babilona.

Mateu 3:9

Tanyukanaki lʼetema anyu nyati: Shu teko la tshesu Abarahama. Dimi lambunyutela ndi: Unyashungu mbeyaka mbulwela Abarahama tukanula uma lu ave ane.