Jeremiya 3:14 - La Bible en Otetela (Bible K'Ekila) 1991

¹⁴ Nyu ana wʼuhedia, nyukaluli, mbata Latuyalaka, Ne dia dimi leli khumenyu. Dimi layunyosa otoi uma lʼusumba lʼusumba, Ahendi uma lu khumbu la khumbu, ku dimi layunyela uya la Siona.

Jeremiya 3:14 Iomraidhean Croise

2 Ekondo 30:6

Okone akendji wakakindula lu Isariyele la Juda tshe la mikanda uma le khumʼekanga la ewandji andi waki la olembe wa khumʼekanga lako ati: Nyu asi Isariyele, nyukaluli le Latuyalaka, Unyashungu wʼAbarahama, wa Isaka, la Isariyele dia ndi nkalula le nyu, nyu wane wakahandi uma lʼanya wa khumi ya dikanga yʼasi Asuriya.

Isaya 1:9

Utunduyala Latuyalaka Kanga lulimbilimbi, Kuntutshikela djui yʼatshikadi, Tshiki shu tutuyala uku Sodoma, Tutufana la Ngomora.

Isaya 10:22

Kuyanga wudja aye, we Latuyalaka, weli efula uku losenga la lʼumamu wʼashi a waki, paka djui yʼatshikadi tshu mbayukalula. Elanyelu kuludi too la sambu kʼololo kambudjangema.

Isaya 17:6

Elua emotshi wayutshikala leko, uku atutshikalaka mbeli, Hyendi kana shatu, ka shodi lamʼatuwusutshasutshaka utamba wa mbeli, Nyei kana tshanu lu tahi yawo yatotokaka elua, mbata Latuyalaka, Unyashungu wa Isariyele.

Isaya 27:12

Lu lushi loso, Latuyalaka ayunyinginya elua, uma lʼumamu wa ndjali ka Eyufarate pulu ndu lʼokedi wa lʼEdjibitu. Ku nyu, asi Isariyele, nyayusanganyema otoi otoi.

Isaya 31:6

Nyu asi Isariyele nyukadimo utsha le one lakanyatombokwela!

Isaya 44:22

Dimi lambunya ehedia aye uku atukumboka lungi; La kolo yaye uku atetaka dingi, Ne dia dimi lakakushimbela, Ukaluli le mi, ne dia dimi lakakushimbela.

Isaya 54:5

Utungi aye keli umeye. Lukumbu landi eli Latuyalaka Kanga lulimbilimbi. LʼEkila la Isariyele keli Utshungudi aye. Ndi ambetama ati: Unyashungu a kete tshe.

Isaya 55:7

Untu a kolo aseke mbuka kandi, La one latusanguyaka kolo akimo tukanyi tandi. Akaluli le Latuyalaka, ku ndi ayuwuka ketshi, Ee, le Unyashungu asu, ne dia ndi ayetawo mbudimanyia tshe.

Isaya 57:17

Ne dia kolo ka okom va andi mbakamuki kele, mbakamokomola. Dimi lakawushe elundji, lakumala; Ku ndi akatetemala ndjela lulangu lʼutema andi.

Isaya 6:13

Kuyanga eteny, ka dikumi kayutshikala, to kayulanyema lʼetena kawo. Keli, uku atutshikalaka dihikeli diʼetamba a waki wakakotama, Osoku mbayutshikala wuhu wʼekila lu wudja one.

Jeremiya 2:19

Kolo kanyu kayunyuhangwela, la uhedia anyu wayunyusuya. Nyeyi, ndu nyulimbiteli nyati: Dikambu ne diakanyatshi dia nseka Latuyalaka, Unyashungu anyu, La diaha mbuka woma dieko kolo ndu ululu Mbata Khumadiondjo, Latuyalaka Kanga lulimbilimbi.

Jeremiya 2:2

Tshoka, tuleleli Jerusalema wati: Latuyalaka kata ati: Dimi mbuhoka ngandji kaye lu nshi yaye yʼusekaseka, Lulangu laye lamʼakiye wadi uyuyu, Uku akayayandjelaka lʼusui wa shenga, lu kete yaki kundjala la dikambo.

Jeremiya 23:3

Dimi layusanganya atshikadi wa ekoko ami, uma lʼahuli tshe wakamawatshanya, layakaluya lu ekutu awo. Ku vo wayutana, wayufulanela.

Jeremiya 29:14

Dimi layetawo nyu mbishulami. Dimi layukadimula lohombo lanyu, layunyusanganya uma lu wedja tshe ndu uma ahuli tshe, lene akamanyutshanya. Dimi layunyu-kaluya lu dihuli diakamanyose, dia nyotola lu fumbi.

Jeremiya 3:1

Vo mvutaka vati: Naka pami amboseka wadendi, la umuntu ambumo lakandi, Ku ndi ambututshukama la pami kekina, pami kako ayukaluya ntu uka? Undi, ndu kete hayusana la dikambu diako? Nyu nyakanseke, nyakatemola ditemolatemola efula. Keli nyukaluli le mi, mbata Latuyalaka.

Jeremiya 3:12

Tshoka utsha la ngelʼa kushi, utuhangohango, ututi aui ane wati: Nyu asi Isariyele, akanga wʼuhedia, nyukaluli, mbata Latuyalaka. Dimi handjunyenda la elundji ka kele ntu, Ne dia dimi leko kanga ketshi, mbata Latuyalaka. Dimi hatutshikalaka la kele kami pundju.

Jeremiya 3:8

Kuyanga mbakamaseke asi Isariyele, akanga wʼuhedia, ne dia etemwelo kawo ka dikishi ndu kuyanga mbakamawasha mukanda wʼesekanelu, dimi lakenyi nti: Anengewo, asi Juda, akanga a lukesu, hawuki woma. Vo wakatshu dia ntotemola ditemolatemola pupu.

Jeremiya 31:12

Vo wayuya, wayuyimba esambu lʼukungu wa Siona, Wuludi too la diandu ne dia ololo wa Latuyalaka, Ne dia epunga, ashi wʼelua, la iso; Ne dia ana wʼekoko la wa ngombe. Etema awo wayuyala uku ekambo kamboloyama lʼashi. Vo hawuyuyala la lunyangu ntu nduku yema.

Jeremiya 31:32

Aha uku sheki yakamadji la washewo lu lushi lakamakimela lʼanya dia mbatundja uma lu kete ya Edjibitu. Vo wakalanya sheki yami ku, kuyanga dimi laki uku umewo, mbata Latuyalaka.

Jeremiya 31:6

Lushi layuyala, layuhangohango alami Lu ekungu wa Efarayima vati: Nyeso, tutshu la Siona utsha le Latuyalaka, Unyashungu asu.

Hosea 5:15

Dimi layumo, layukalula lu dihuli diami ntu, Edja ndu lamʼayuwushula kolo yawo, Edja ndu lamʼayuwuyanga elundji kami. Lu nshi yawo yʼasui, vo wayunyanga lʼutema otoi vati:

Zekariya 1:4

Tanyuyalaki uku aki washenyu, wako waki amvutshi wa ntundu lu mbatela vati: Latuyalaka Kanga lulimbilimbi kata ati: Nyukaluli kakiane uma lu mbuka yanyu ya kolo, ndu uma lʼetsha anyu wa kolo. Keli vo kununga kuyanga mbukelami, mbata Latuyalaka.

Romo 9:27

Ndu Isaya akati diui dia wulu lu dikambu dia Isariyele ati: Kuyanga asi Isariyele wayuyala efula uku lokongo la lʼumamu wʼashi a waki, paka etenyi ketu kayushimbamela.