Jeremiya 3:12 - La Bible en Otetela (Bible K'Ekila) 1991

¹² Tshoka utsha la ngelʼa kushi, utuhangohango, ututi aui ane wati: Nyu asi Isariyele, akanga wʼuhedia, nyukaluli, mbata Latuyalaka. Dimi handjunyenda la elundji ka kele ntu, Ne dia dimi leko kanga ketshi, mbata Latuyalaka. Dimi hatutshikalaka la kele kami pundju.

Jeremiya 3:12 Iomraidhean Croise

Etatelu 4:7

Mete, mete, utunduyala ololo mbutsheye, tshiki elundji kaye kutuyala la ongenongeno. Keli naka we hatshi ololo, keti kolo kakukungela la suku diaye la saki ka nkulela. Keli we ukiuleli.

2 Khumi ya Dikanga 15:29

Lu nshi ya Peka, khumʼekanga ka Isariyele, kakayi Tingilate-Pilesere, khumʼekanga kʼAsuriya akose Idjona, Abele-Bete-Maka, Janoa, Kadeshe, Hazora, Ngiliyade la Ngalili, kete tshe ya Nafetali. Ku ndi akatole antu fumbi utsha la Asuriya.

2 Khumi ya Dikanga 17:23

edja ndu lamʼakawatshanya Latuyalaka uma la ntundu kandi, uku akandataka lʼenyo wa ekambi andi amvutshi tshe. Okone Isariyele wakatolama fumbi uma lu kete yawo utsha lu Asuriya lene udjashiwo edja ndu elo.

2 Khumi ya Dikanga 17:6

Lʼeleku ka divwa ka diulelu dia Hoshea, khumʼekanga kʼAsuriya, akalembia Samariya, akatole le Isariyele fumbi lu Asuriya. Ndi akataladia la Hala, ndu lʼumamu wa Habona, ndjali ka la Ngozana, ndu lʼesumba wʼasi Mediya.

2 Khumi ya Dikanga 18:1

Lʼeleku ka satu ka diulelu dia Hoshea, onʼa Ela, khumʼekanga ka Isariyele, kakatatela Hezekiya, onʼa Ahaza, khumʼekanga ka Juda, mbulela.

2 Ekondo 29:10

Okone dimi la esangweyu ka mbidja la Latuyalaka, Unyashungu wa Isariyele, sheki, ne dia kele kandi ka mamba kakadimo uma le su.

2 Ekondo 30:9

Naka nyu nyayukalula le Latuyalaka, anengenyu la anʼanyu wayukama ketshi le waku wakatole lu fumbi. Ku vo wayukalula lu kete nye ne dia Latuyalaka, Unyashungu anyu, eli kanga ngandji ka mamba la ketshi. Ndi hunya elundji uma le nyu, naka nyu nyayukalula le ndi.

Esambu 103:17

Keli ngandji ka shikaa ka Latuyalaka katutshikalaka pundju, pundju, Le waku watuwukaka woma, Ndu ololo andi pulu ndu le tukanula tawo;

Esambu 103:8

Latuyalaka keli kanga ketshi la ngandji ka mamba. Ndi huki kele esadi, ambulula too la ngandji ka shikaa.

Esambu 103:9

Ndi hatudjaka lʼuntu tamu pundju, Kuyanga ntshikala la kele pundju.

Esambu 145:8

Latuyalaka keli kanga ngandji ka shikaa, ndu keli usambi, Ndi huki kele esadi, eli too la ngandji ka shikaa.

Esambu 79:5

Latuyalaka li, edja ndu kaandi! We ayumala kele pundju? Kandjema kaye ayoheta uku dja uka?

Esambu 86:15

Keli we Khumadiondjo, keli Unyashungu wuludi too la ketshi la ngandji, Lahuki kele esadi, keli we ambulula too la ololo la mete.

Esambu 86:5

Ne dia we Khumadiondjo keli ololo, katetawoka nyimanyia antu kolo. We kuludi too la ngandji le waku tshe watuketaka la watukotemolaka.

Tukedi 28:13

One latusheka kolo vandi, hatongonaka. Keli one latushulaka ndu latosekaka kolo yandi, ayukama ketshi.

Isaya 31:6

Nyu asi Isariyele nyukadimo utsha le one lakanyatombokwela!

Isaya 44:22

Dimi lambunya ehedia aye uku atukumboka lungi; La kolo yaye uku atetaka dingi, Ne dia dimi lakakushimbela, Ukaluli le mi, ne dia dimi lakakushimbela.

Jeremiya 11:6

Latuyalaka akamvutela ati: Udianganya aui ane tshe lu esumba wa Juda ndu lu esese wa li Jerusalema wati: Nyulungi aui wa sheki nye, nyatshi.

Jeremiya 12:15

Keli lamʼayumushila mbanya, dimi layuwauka ketshi ntu, layakaluya untu lʼuntu lu etenyi kandi kʼukito uya lu kete yandi.

Jeremiya 23:8

Keli wayutaka vati: Uku eli Latuyalaka, lakela tukanula ta khumbu ka Isariyele uma lu kete ya la ngelʼa kushi ndu uma lu kete tshe yakandawatshanya la lumu! Vo wayudjase lu kete yawo.

Jeremiya 3:1

Vo mvutaka vati: Naka pami amboseka wadendi, la umuntu ambumo lakandi, Ku ndi ambututshukama la pami kekina, pami kako ayukaluya ntu uka? Undi, ndu kete hayusana la dikambu diako? Nyu nyakanseke, nyakatemola ditemolatemola efula. Keli nyukaluli le mi, mbata Latuyalaka.

Jeremiya 3:14

Nyu ana wʼuhedia, nyukaluli, mbata Latuyalaka, Ne dia dimi leli khumenyu. Dimi layunyosa otoi uma lʼusumba lʼusumba, Ahendi uma lu khumbu la khumbu, ku dimi layunyela uya la Siona.

Jeremiya 3:18

Lu nshi sho, khumbu ka Juda ayokendakendaka kame la khumbu kʼIsariyele. Vo wayuya kame uma lu kete ya la ngelʼa kushi, uya lu kete yakamasha washenyu ukito.

Jeremiya 3:22

Nyu ana wʼehedia, nyukaluli, Ku dimi layunyudimanyia ehedia anyu. Nyendi, shu tambuya le ye, Ne dia we keli Latuyalaka, Unyashungu asu.

Jeremiya 3:5

Nyatumbwanaka nyati: Ndi ayutuka kele pundju? Ndi ayumbuka kele edja ndu lʼekumelu? Nyulungi, nyu mvutaka osoku, Keli nyu nyakatshaka akambu wa kolo tshe wakanyeyi ntsha.

Jeremiya 3:7

Dimi lakati nti: Lamʼayuwushidiya ntsha akambu ane tshe, vo wayukalula le mi, keli vo kunkalula. Dikambu dikina, anengewo, asi Juda, akanga a lukesu, wakenyi dikambu so.

Jeremiya 30:11

Ne dia dimi leli laye dia nkushimbela, Dimi layushila wedja tshe, lene akamakutshanya ushiki, Keli dimi halukushila ushiki, Dimi layukuhangwela la sambu kʼololo. Dimi halukukimo aha nkusuya.

Jeremiya 31:20

Undi, Efarayima kema onʼami a pami la ngandji? Ndi kema onʼami lulekimi nanga uka? Tena tshe diatumuhangwelaka, dimi latuwuhoka. Diako mbatulungulaka utema ami lu dikambu diandi. Dimi layuwukaka ketshi, mbata Latuyalaka.

Jeremiya 31:21

We umuntu lʼemuma, Isariyele, eme tulimbitelu, Uhiki abaya wa menya antu mbuka, Ekamia utema aye utsha lʼosese, lu mbuka kakayatshu. Ukaluli, ukaluli, utsha lʼesumba aye ene.

Jeremiya 31:8

Enda, dimi layuwaela uma lu kete ya la ngelʼa kushi, Layasanganya uma lu kuma ya kete. Lʼatei awo Keli kanga tshungu, kanga etshumbi, Umuntu kanga diemi, la one latata lono. Vo wayukalula ului a wuki lindu.

Jeremiya 33:26

keti dimi layukadja tukanula ta Jakoba, la tʼukambi ami Davidi, diaha dimi mbosa tukanula tandi dia vo ndjala embuledi wa tukanula tʼAbarahama, Isaka, la Jakoba. Dimi layuwakaluya ekundji awo, layauka ketshi, mbata Latuyalaka.

Jeremiya 4:1

Isariyele li, naka nyu nyayukalula, mbata Latuyalaka, Le mi kahumbanyu nkalula. Naka nyu nyayunya akambu anyu wa wononyi la ntundu kami, Nyu hanyuyala tekeko.

Delu dia Jeremiya 3:22

Ngandji ka shikaa ka Latuyalaka hatushilaka, Ketshi kandi kema la ekumelu.

Ezekiyele 11:17

Okone uti wati: Khumadiondjo Latuyalaka kata ati: Dimi layunyusanganya uma lʼatei a wedja, layunyukaluya uma lʼatei a waulelu wakamanyuhandjula, ku layunyusha kete ya Isariyele.

Ezekiyele 33:11

Uwateli wati: Khumadiondjo Latuyalaka kata ati: Uku wemi la lumu! Dimi hangenangena nyoi kʼuntu a kolo! Dimi nangaka ndi nkalula uma lu kolo kandi, la ndi ndjaja la lumu. Nyukaluli, nyukaluli uma lu mbuka yanyu ya kolo. Khumbu ka Isariyele, ukundi alanganyu mvo?

Ezekiyele 39:25

Okone Khumadiondjo Latuyalaka kata ati: Dimi lutsha nkaluya Jakoba uma lu fumbi, lambuka utundu wa khumbu ka Isariyele tshe ketshi. Dimi layuyala la kandjema uma lu lukumbu lami lʼekila.

Hosea 6:1

Nyeso tukaluli le Latuyalaka. Ne dia ndi kakatatshatsha, ndi ayutokonoya; Ndi kakatuhumuya, ndi ayomba puta yasu.

Akambu wʼAsi Lewi 26:40

Keli naka vo wambushula kolo yawo ndu kolo ya washewo lu ehedia awo wakawampediaka, la osemanelu wakawasemanelaka la mi,

Zekariya 1:4

Tanyuyalaki uku aki washenyu, wako waki amvutshi wa ntundu lu mbatela vati: Latuyalaka Kanga lulimbilimbi kata ati: Nyukaluli kakiane uma lu mbuka yanyu ya kolo, ndu uma lʼetsha anyu wa kolo. Keli vo kununga kuyanga mbukelami, mbata Latuyalaka.

Euhwelu kʼElembe 30:2

Nyukaluli le Latuyalaka, Unyashungu anyu, ndu nyu ndu anʼanyu, nyukitanyia diui diandi lu akambu tshe wamumunyutela elo, la etema anyu tshe ndu la nyumu yanyu tshe.